យោធាមីយ៉ាន់ម៉ាបញ្ជាឲ្យសមាជិកសភារបស់លោកស្រី ស៊ូជី ចាកចេញពីទីស្នាក់ការសភា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

យោធាមីយ៉ាន់ម៉ាបញ្ជាឲ្យសមាជិកសភារបស់លោកស្រី ស៊ូជី ចាកចេញពីទីស្នាក់ការសភា

Published

on

សមាជិកសភាមីយ៉ាន់ម៉ារបស់លោកស្រី អ៊ុងសាន ស៊ូជី បានជាប់គាំងនៅក្នុងទីស្នាក់ការមួយនៅក្នុងរដ្ឋបាលនៃរដ្ឋធានីណៃពិដោ នៅពេលដែលកងកម្លាំងយោធាបានឡើងកាន់អំណាចដោយរដ្ឋប្រហារកាលពីថ្ងៃទី ១ ខែកុម្ភៈត្រូវបានផ្តល់ឱសានវាទឲ្យចាកចេញពីកន្លែងនោះក្នុងរយៈពេល ២៤ ម៉ោង ។

សមាជិកសភាដែលបានជាប់ឆ្នោតថ្មី និងក្រុមគ្រួសាររបស់ពួកគេកំពុងស្នាក់នៅផ្ទះសំណាក់ Sibin ដើម្បីចូលរួមកិច្ចប្រជុំសភាថ្មីនៅថ្ងៃទី ១ ខែកុម្ភៈ នៅពេលដែលយោធាចាប់ផ្តើមដណ្តើមអំណាច និងចាប់ឃុំខ្លួនលោកស្រី អ៊ុងសាន ស៊ូជី និងលោកប្រធានាធិបតីរួមជាមួយនឹងឥស្សរជនជាន់ខ្ពស់ផ្សេងទៀតនៃគណបក្សសម្ព័ន្ធជាតិដើម្បីលទ្ធិប្រជាធិតេយ្យ (NLD) ។

លោក U Aung Kyin Nyunt បាននិយាយថា “បទបញ្ជាឲ្យចាកចេញពីទីស្នាក់ការនេះបានមកពីរដ្ឋមន្រ្តីក្រសួងកិច្ចការព្រំដែន ហើយបានបន្ថែមថា សមាជិកសភាជាច្រើនបានចាប់ផ្តើមវេចខ្ចប់ទ្រព្យសម្បត្តិរបស់ពួកគេដើម្បីត្រៀមវិលត្រឡប់ទៅផ្ទះវិញ ហើយនេះគឺជាការបង្ខំមួយ ” ។

បទបញ្ជាដំបូងគឺឲ្យពួកគេចាកចេញក្នុងរយៈពេល ៤៨ ម៉ោង ប៉ុន្តែពីរបីម៉ោងក្រោយមកបទបញ្ជាផ្សេងទៀតបានកើតឡើង ហើយនៅពេលនេះពួកគេត្រូវបញ្ជាឲ្យចាកចេញក្នុងរយៈពេល ២៤ ម៉ោងវិញ ។

បទបញ្ជានេះបាននិយាយថា ប្រសិនបើពួកគេមិនចាកចេញពីកន្លែងនោះក្នុងរយៈពេល ២៤ ម៉ោងទេ ពួកគេនឹងត្រូវនាំទៅផ្ទះរបស់ពួកគេវិញដោយបង្ខំក្នុងយានយន្តយោធា ។

លោក U Aung Kyi Nyunt បាននិយាយថា ពួកគេបានព្យាយាមចរចាជាច្រើនដង ប៉ុន្តែមិនបានជោគជ័យនោះទេ ។

យោធាបានរៀបចំរដ្ឋាភិបាលឡើងវិញរួចហើយដោយតែងតាំងរដ្ឋមន្រ្តីថ្មី រក្សាសមាជិកនៃតុលាការកំពូល និងគណៈកម្មការប្រឆាំងអំពើពុករលួយ ខណៈដែលកំពុងឃុំខ្លួនសមាជិកនៃគណៈកម្មការរៀបចំការបោះឆ្នោតមុនៗ និងតែងតាំងសមាជិកថ្មីរបស់ខ្លួនជំនួសផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Myanmar Times

ចុចអាន ៖ ក្រុមប្រឹក្សាសន្តិសុខ​ UN សម្រេចមិនថ្កោលទោសរដ្ឋប្រហារមីយ៉ាន់ម៉ា

ចុចអាន ៖ លោក ចូ បៃដិន ទាមទារឲ្យយោធាមីយ៉ាន់ម៉ា លះបង់អំណាច

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ3 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ3 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ5 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ5 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services