ប្រេងសាំងនៅមន្ទីរពេទ្យហ្គាហ្សា ជិតអស់ហើយ, ជីវិតអ្នកជំងឺរាប់ពាន់នាក់ នឹងប្រឈមហានិភ័យ 

កាលពីថ្ងៃអាទិត្យទី១៥ខែតុលា អង្គការសហប្រជាជាតិព្រមានថា ប្រេងសាំងបម្រុងនៅមន្ទីរពេទ្យ ហ្គាហ្សា អាចទប់ទល់បានត្រឹមរយៈពេលប្រហែល២៤ម៉ោងទៀតប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យមនុស្សធម៌ UN បាននិយាយនៅលើគេហទំព័ររបស់ខ្លួនថា “ការបិទម៉ាស៊ីនភ្លើងបម្រុងទុក នឹងបណ្តាលឲ្យជីវិតអ្នកជំងឺរាប់ពាន់នាក់ ប្រឈមនឹងហានិភ័យ”។

រឿងនេះកើតឡើង បន្ទាប់ពីភ្នាក់ងារជំនួយមួយចំនួន បានអំពាវនាវឲ្យមានការបើកផ្លូវចូលទៅកាន់តំបន់ហ្គាហ្សា ដើម្បីផ្តល់ជំនួយមនុស្សធម៌ រួមទាំងប្រេងឥន្ធនៈ និងទឹកជាដើម។

ហើយនៅព្រឹកថ្ងៃចន្ទ លោក Ghassan Abu Sitta គ្រូពេទ្យវះកាត់អង់គ្លេស-ប៉ាឡេស្ទីន ដែលធ្វើការជាមួយក្រុមគ្រូពេទ្យគ្មានព្រំដែននៅហ្គាហ្សា បានព្រមានថា បុគ្គលិកនៅមន្ទីរពេទ្យរបស់គាត់ មិនមានឧបករណ៍គ្រប់គ្រាន់ដើម្បីជួយមនុស្សទេ។

គាត់បានប្រាប់ BBC ថា “សម្រាប់ការផ្គត់ផ្គង់វេជ្ជសាស្រ្តដែលនៅសេសសល់ យើងប្រើប្រាស់មួយខែ ឬមួយខែកន្លះនៃឧបករណ៍ ជារៀងរាល់ថ្ងៃក្នុងគ្រាអាសន្ននេះ”៕

ប្រែសម្រួល៖ Vann Vann

ប្រភព៖ BBC

ចុចអាន៖ លោក ចូ បៃដិន ប្រកាសកម្ចាត់ចោល ក្រុមហាម៉ាស់ ទាំងស្រុង