លោក ចូ បៃដិន ប្រកាសកម្ចាត់ចោល ក្រុមហាម៉ាស់ ទាំងស្រុង

ប្រធានាធិបតីអាមេរិក លោក ចូ បៃដិន និយាយថា ក្រុម ហាម៉ាស់ ត្រូវតែកម្ចាត់ចោលទាំងស្រុង ហើយត្រូវតែមានផ្លូវឆ្ពោះទៅកាន់រដ្ឋប៉ាឡេស្ទីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងបទសម្ភាសន៍ជាមួយកម្មវិធី 60 Minutes របស់ទូរទស្សន៍ CBS លោក បៃដិន ក៏បានព្រមានអ៊ីរ៉ង់ និងក្រុមហេសបូឡាផងដែរថា កុំលូកដៃ និងធ្វើឲ្យជម្លោះកាន់តែរីកធំឲ្យសោះ។

គាត់ក៏បានប្តេជ្ញាដែរថា នឹងធ្វើគ្រប់យ៉ាង ដើម្បីស្វែងរកចំណាប់ខ្មាំងអាមេរិកដែលនៅមានជីវិតហើយរំដោះពួកគេ។

ទោះបីជាយ៉ាងណាក៏ដោយ លោកមិន​លម្អិត​ទេ ប៉ុន្តែ​អះអាងថា អាមេរិក​កំពុង​ធ្វើ​ការ​ដូច​ជានៅឋាន​នរក​អ៊ីចឹង​។ អ្វី​ដែល​សំខាន់​បំផុត​គឺ​ការ​បញ្ចប់​អំពើ​ឃោរឃៅ​ និង​ទទួល​ខុស​ត្រូវចំពោះរឿងនេះ។

កាលពីថ្ងៃអាទិត្យទី១៥ខែតុលា ក្រសួងការបរទេសអាមេរិក បញ្ជាក់ថា ពលរដ្ឋអាមេរិកចំនួន ១៣នាក់ កំពុងបាត់ខ្លួន។ គេសន្មតថា ពួកគេ​ត្រូវ​បាន​ក្រុម​ហាម៉ាស់​ចាប់​ជា​ចំណាប់ខ្មាំង៕

ប្រែសម្រួល៖ Vann Vann

ប្រភព៖ BBC

ចុចអាន៖ ពលរដ្ឋថៃ ស្លាប់នៅអ៊ីស្រាអែល កើនឡើងថែមទៀត ខណៈប្រតិបត្តិការជម្លៀស ពោរពេញដោយគ្រោះថ្នាក់