តុលាការកំពូល ឥណ្ឌា បដិសេធមិនព្រមធ្វើច្បាប់រៀបអាពាហ៍ពិពាហ៍ភេទដូចគ្នា

តុលាការកំពូលរបស់ប្រទេសឥណ្ឌានៅថ្ងៃអង្គារនេះមិនអនុញ្ញាតឲ្យមានច្បាប់រៀបអាពាហ៍ពិពាហ៍មនុស្សស្រលាញ់ភេទដូចគ្នាបាននោះទេ ហើយអ្នកដែលមានសិទ្ធិបង្កើតច្បាប់នេះ គឺមានតែសភាប៉ុណ្ណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កៅអីចៅក្រមចំនួន ៥ ដែលដឹកនាំដោយប្រធានចៅក្រមនៃប្រទេសឥណ្ឌា លោក D Y Chandrachud បានបង្ហាញពីទឡ្ហីករណ៍ក្នុងសំណុំរឿងពាក់ព័ន្ធមួយចំនួនចន្លោះខែមេសា និងឧសភាឆ្នាំនេះ ហើយបានប្រកាសសាលក្រមរបស់ខ្លួននៅថ្ងៃអង្គារ ។

ចំពោះសំណុំរឿងនេះ ចៅក្រម ២ នាក់ក្នុងចំណោមចៅក្រម ៤ រូបផ្សេងទៀតបានយល់ព្រមជាមួយលោក Chandrachud ដោយបដិសេដមិនឲ្យមានការរៀបអាពាហ៍ពិពាហ៍ភេទដូចគ្នាឡើយ ខណៈ​ចៅក្រម ២ រូបផ្សេងទៀត មិនមានមតិអ្វីនោះទេ ។

សេចក្តីសម្រេចរបស់តុលាការនេះ ធ្វើឡើងរយៈពេល ៥ ឆ្នាំ បន្ទាប់ពីការកាត់ក្តីជាប្រវត្តិសាស្រ្តឆ្នាំ ២០១៨ នៅពេលដែលតុលាការកំពូលបានលុបចោលការហាមប្រាមលើការរួមភេទរបស់បុរសស្រឡាញ់ភេទដូចគ្នា ខណៈនៅតំបន់អាស៊ី មានតែកោះតៃវ៉ាន់ និងនេប៉ាល់ប៉ុណ្ណោះ ដែលអនុញ្ញាតឲ្យមានច្បាប់ស្រលាញ់ភេទដូចគ្នា ៕

ប្រែសម្រួល៖ នាង រតនៈ

ប្រភព៖​ CNA