ក្រុមហ៊ុន Nokia កាត់បន្ថយបុគ្គលិកការងារ​ ១៤,០០០ កន្លែង ដោយសារតែការលក់ខាត

ក្រុមហ៊ុនទូរគមនាគមន៍ Nokia នឹងកាត់បន្ថយបុគ្គលិក​ការងារចំនួន ១៤,០០០ កន្លែងចន្លោះពី ៧២,០០០ នាក់ទៅ ៧៧,០០០ នាក់ក្នុងចំណោមបុគ្គលិកសរុប ៨៦,០០០ នាក់ បន្ទាប់ពីការលក់ឧបករណ៍ 5G ជំនាន់ក្រោយនៅក្នុងត្រីមាសទី៣ បានធ្លាក់ចុះ ១ ភាគ ៥ នៃចំណូលសរុប ។

ក្រុមហ៊ុន Nokia និងគូប្រជែង Ericsson បានធ្លាក់ចុះនៃតម្រូវការឧបករណ៍ 5G ដូចគ្នានៅក្នុងទីផ្សារប្រទេសធំៗដូចជានៅសហរដ្ឋអាមេរិកជាដើម ហើយបានបង្វែរការលក់​ចូលក្នុងទីផ្សារ​ឥណ្ឌា​ជំនួសវិញដែលជាទីផ្សារមានប្រាក់ចំណេញទាប ។

ការកាត់បន្ថយ​នេះ ជាយន្តការ​សន្សំប្រាក់របស់ក្រុមហ៊ុន ដោយរំពឹងថា នឹងសន្សំបាន ១.១៤ ពាន់លានដុល្លារ នៅឆ្នាំ ២០២៦ ។

ចំពោះការលក់ធ្លាក់ចុះនេះដែរ នាយកប្រតិបត្តិលោក Pekka Lundmark បាននិយាយថា ការកំណត់មូលដ្ឋានថ្លៃដើមឡើងវិញ គឺជាជំហានចាំបាច់មួយ ដើម្បីកែសម្រួលភាពមិនច្បាស់លាស់នៃទីផ្សារ និងដើម្បីធានាបាននូវប្រាក់ចំណេញ ក៏ដូចជាការប្រកួតប្រជែងរយៈពេលវែងផងដែរ៕

ប្រែសម្រួល៖ នាង រតនៈ

ប្រភព៖​ Yahoo

ចុចអាន៖ សេដ្ឋកិច្ច ចិន នៅត្រីមាសទី ៣ មានកំណើនជិត ៥ ភាគរយលើសការរំពឹងទុក