សិស្សនិស្សិតនិងគ្រូបង្រៀន ចូលរួមធ្វើបាតុកម្មប្រឆាំងកងទ័ពមីយ៉ាន់ម៉ា

ចលនាមិនគោរពច្បាប់រដ្ឋក្នុងប្រទេសមីយ៉ាន់ម៉ា កំពុងបង្កើនសន្ទុះយ៉ាងខ្លាំងដោយគ្រូបង្រៀននិងសិស្សនិស្សិតបានចូលរួមធ្វើបាតុកម្ម ប្រឆាំងនឹងរដ្ឋប្រហារយោធាកាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាតុករនៅសាកលវិទ្យាល័យមួយក្នុងទីក្រុងធំបំផុត យ៉ាំងហ្គោន បានស្រែកគាំទ្រមេដឹកនាំលោកស្រី អ៊ុងសាន ស៊ូជី និងពាក់បូពណ៌ក្រហមដែលជាពណ៌តំណាងឲ្យគណបក្សរបស់លោកស្រី។

កាលពីរសៀលថ្ងៃសុក្រ គ្រូបង្រៀននិងសិស្សនិស្សិតរាប់រយនាក់ បានប្រមូលផ្ដុំគ្នានៅខាងក្រៅសកលវិទ្យាល័យ Dagon ដោយពួកគេបានលើកម្រាមដៃ៣ ដែលជាសញ្ញាមួយធ្វើឡើងដោយបាតុករនៅក្នុងតំបន់ដើម្បីបង្ហាញការប្រឆាំងរបស់ពួកគេចំពោះការគ្រប់គ្រង ផ្តាច់ការ។

និស្សិតឈ្មោះ Min Sithu បានប្រាប់ទីភ្នាក់ងារសារព័ត៌មាន AFP ថា “យើងនឹងមិនទុកឲ្យ ជំនាន់របស់យើង រងគ្រោះក្រោមរបបផ្តាច់ការយោធាប្រភេទនេះទេ”។

ចំណែកក្រុមសាស្រ្តាចារ្យដែលចូលរួមក្នុងការតវ៉ានៅបរិវេណសកលវិទ្យាល័យកាលពីថ្ងៃសុក្រ បាននិយាយថា ពួកគេកំពុងធ្វើវាដើម្បីមនុស្សជំនាន់ក្រោយ។

ទន្ទឹមនោះ ក៏មានការធ្វើបាតុកម្មមួយចំនួននៅតាមតំបន់ផ្សេងៗនៃប្រទេសមីយ៉ាន់ម៉ាផងដែរ។

ប្រជាជននៅតាមទីក្រុងមួយចំនួន រួមទាំងទីក្រុងយ៉ាំងហ្គោនផងដែរ បានធ្វើការតវ៉ាពេលយប់ពីផ្ទះរបស់ពួកគេ ដោយគោះឆ្នាំងចាននិងស្រែកច្រៀងចម្រៀងបដិវត្ត។

គួររម្លឹកថា លោកស្រីស៊ូជី និងមេដឹកនាំដទៃទៀតត្រូវបានឃុំឃាំងចាប់តាំងពីរដ្ឋប្រហារកាលពីថ្ងៃចន្ទមក៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ សហរដ្ឋអាមេរិកសម្តែងការព្រួយបារម្ភចំពោះរដ្ឋប្រហារមីយ៉ាន់ម៉ាទៅកាន់ឯកអគ្គរដ្ឋទូតអាស៊ាន