Connect with us

ព័ត៌មានអន្ដរជាតិ

លោក Zelensky ថា សង្គ្រាម អ៊ីស្រាអែល-ហាម៉ាស កំពុងទាញពិភពលោក លែងឲ្យចាប់អារម្មណ៍លើ អ៊ុយក្រែន

បានផុស

នៅ

ប្រធានាធិបតីអ៊ុយក្រែន លោក Volodymyr Zelensky បានទទួលស្គាល់ថា សង្រ្គាមរវាងអ៊ីស្រាអែល និងក្រុមប្រដាប់អាវុធប៉ាឡេស្ទីនហាម៉ាស កំពុងអូសទាញសហគមន៍អន្តរជាតិចេញពីការយកចិត្តទុកដាក់លើប្រទេសអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelensky បាននិយាយនៅក្នុងសន្និសីទសារព័ត៌មានរួមគ្នាជាមួយប្រធានគណៈកម្មការអឺរ៉ុបលោកស្រី Ursula von der Leyen បន្ទាប់ពីកិច្ចប្រជុំរបស់ពួកគេនៅក្នុងរដ្ឋធានីកៀវថា “វាច្បាស់ណាស់ សង្រ្គាមនៅមជ្ឈិមបូព៌ាកំពុងដកការផ្តោតអារម្មណ៍ចេញពីអ៊ុយក្រែន ហើយនេះគឺជាគោលដៅរបស់រុស្ស៊ី” ។

ប្រធានាធិបតីអ៊ុយក្រែនរូបនេះលើកឡើងថា “យើងបានស្ថិតនៅក្នុងស្ថានភាពលំបាករួចទៅហើយ នៅពេលដែលមិនមានប្រទេសណាដាក់ការផ្តោតអារម្មណ៍មកលើអ៊ុយក្រែនដូចមុនទៀតនោះឡើយ ។ ទោះយ៉ាងណា លោកជឿជាក់ថា អ៊ុយក្រែននឹងយកឈ្នះលើបញ្ហាប្រឈមនេះបាន” ។

ពាក់ព័ន្ធនឹងបញ្ហានេះដែរ ប្រភពការទូតនៅក្នុងទីក្រុងកៀវបានប្រាប់ទូរទស្សន៍ជប៉ុន NHK ថា សកម្មភាពមិនធ្លាប់មានពីមុនមករបស់លោក Zelensky បង្ហាញថា ប្រធានាធិបតីអ៊ុយក្រែនរូបនេះមានការព្រួយបារម្ភអំពីការធ្លាក់ចុះចំណាប់អារម្មណ៍មកលើអ៊ុយក្រែនដែលកំពុងទប់ទល់នឹងការប្រយុទ្ធជាមួយរុស្ស៊ី ។

លោក Zelensky បញ្ជាក់ទៀតថា ទាំង​អស់​នេះ​ហើយធ្វើឲ្យមានការភ័យខ្លាច​ក្នុង​ចំណោម​សម្ព័ន្ធមិត្ត​លោក​ខាង​លិច​របស់រដ្ឋាភិបាលទីក្រុងកៀវ ខណៈការភ័យខ្លាចមួយទៀតគឺថា បណ្តាប្រទេសនៅអឺរ៉ុបនឹងធុញទ្រាន់ចំពោះការផ្គត់ផ្គង់អាវុធ និងមូលនិធិដល់អ៊ុយក្រែនដើម្បីប្រើលើសមរភូមិប្រយុទ្ធ ។

គួរបញ្ជាក់ថា រហូតមកដល់ពេលនេះ សង្គ្រាមរវាងរុស្ស៊ី និងអ៊ុយក្រែនដែលផ្ទុះឡើងកាលពីថ្ងៃទី២៤ ខែកុម្ភៈ ឆ្នាំ២០២២ នៅតែបន្តអូសបន្លាយពេល និងមិនមានសញ្ញាថមថយណាមួយឡើយ ខណៈសហរដ្ឋអាមេរិក និងសម្ព័ន្ធមិត្តក៏បានផ្ដល់កញ្ចប់ជំនួយយោធាទៅឲ្យរដ្ឋាភិបាលទីក្រុងកៀវក្នុងតម្លៃរាប់រយពាន់លានដុល្លារផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ អ៊ីស្រាអែល មានផែនការទម្លាក់គ្រាប់បែកនុយក្លេអ៊ែរលើតំបន់ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

តុលាការ ម៉ាឡេស៊ី ចោទអតីតរដ្ឋមន្ត្រីហិរញ្ញវត្ថុពីបទ “មិនគោរពគោល​ការណ៍ ប្រកាសទ្រព្យសម្បត្តិ”

ព័ត៌មានអន្ដរជាតិ៥ ម៉ោង មុន

បេសកជនសិទ្ធិមនុស្ស UN បង្ហាញថា បើគ្មានអ្នកផ្ដល់សព្វាវុធ យោធា មីយ៉ាន់ម៉ា​ នឹងទន់ខ្សោយ

សន្តិសុខសង្គម៦ ម៉ោង មុន

តុលាការផ្តន្ទាទោស លោក William Guang  ឱ្យជាប់ពន្ធនាគារ៦ឆ្នាំ ពីបទលួច និងកាន់អាវុធខុសច្បាប់

ព័ត៌មានជាតិ៦ ម៉ោង មុន

មន្ត្រីជាន់ខ្ពស់ ប.ស.ស. ជំរុញផ្តល់សេវាឱ្យលឿនរហ័ស ស្របតាមកំណែទម្រង់ថ្មី

សន្តិសុខសង្គម៦ ម៉ោង មុន

១សប្ដាហ៍ សមត្ថកិច្ច ឃាត់ខ្លួនជនសង្ស័យពាក់ព័ន្ធបទល្មើសគ្រឿងញៀន២១០នាក់ និងក្មេងទំនើង១០៩នាក់

ចរាចរណ៍៤ ថ្ងៃ មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានជាតិ២ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

បច្ចេកវិទ្យា១៨ ម៉ោង មុន

កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម

ព័ត៌មានអន្ដរជាតិ៦ ថ្ងៃ មុន

រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣

ព័ត៌មានជាតិ៦ ថ្ងៃ មុន

មន្រ្តី​ក្រសួង​បកស្រាយវីដេអូរថភ្លើង​បើក​​​លើ​​ផ្លូវជាតិ ពលរដ្ឋ​សង្ស័យបើក​ខុស​បច្ចេកទេស

Sokha Hotels

ព័ត៌មានពេញនិយម