ព័ត៌មានអន្ដរជាតិ
អ៊ីស្រាអែល មានផែនការទម្លាក់គ្រាប់បែកនុយក្លេអ៊ែរលើតំបន់ហ្គាហ្សា
រដ្ឋមន្ត្រីបេតិកភណ្ឌអ៊ីស្រាអែល លោក Amichai Eliyahu បាននិយាយកាលពីថ្ងៃចន្ទថា អ៊ីស្រាអែលកំពុងដាក់ចេញជម្រើសជាច្រើននៅក្នុងសង្គ្រាមជាមួយក្រុមប្រដាប់អាវុធប៉ាឡេស្ទីនហាម៉ាស ហើយក្នុងនោះក៏មានការទម្លាក់គ្រាប់បែកនុយក្លេអ៊ែរលើតំបន់ហ្គាហ្សាស្ទ្រីបផងដែរ ។
![](https://www.kampucheathmey.com/wp-content/uploads/2023/11/Amichai-Eliyahu.jpg)
ថ្លែងក្នុងបទសម្ភាសន៍តាមវិទ្យុ លោក Eliyahu បានលើកឡើងថា “ជម្រើសមួយក្នុងចំណោមជម្រើសជាច្រើនរបស់អ៊ីស្រាអែលក្នុងគោលដៅសង្គ្រាមជាមួយក្រុមហាម៉ាស គឺការទម្លាក់គ្រាប់បែកនុយក្លេអ៊ែរទៅលើតំបន់ហ្គាហ្សាស្ទ្រីប ហើយលោកក៏សូមជំទាស់ដាច់ខាតចំពោះការអនុញ្ញាតឲ្យមានជំនួយមនុស្សធម៌ណាមួយចូលទៅក្នុងតំបន់មួយនេះ” ។
លោករដ្ឋមន្ត្រីបាននិយាយទៀតថា “យើងនឹងមិនផ្តល់ជំនួយមនុស្សធម៌ទៅឲ្យពួកណាស៊ីនោះទេ ជាពិសេសអ្នកដែលមិនមែនជាជនស៊ីវិល ។ ប្រជាជនប៉ាឡេស្ទីនអាចទៅប្រទេសអៀរឡង់ ឬតំបន់វាលខ្សាច់ផ្សេងៗ ហើយចំណែកក្រុមប្រដាប់អាវុធនៅតំបន់ហ្គាហ្សា គួរតែស្វែងរកដំណោះស្រាយចេញពីតំបន់នេះដោយខ្លួនឯង” ។
ស្របពេលជាមួយគ្នានេះ លោក Eliyahu ក៏បានថ្លែងប្រាប់សារព័ត៌មាន The Times of Israel ផងដែរថា “អ្នកណាក៏ដោយ ឲ្យតែហ៊ានគ្រវីទង់ជាតិប៉ាឡេស្ទីន ឬក្រុមហាម៉ាស មិនគួរឲ្យបន្តមានជីវិតរស់នៅលើផែនដីមួយនេះទៀតឡើយ” ។
![](https://www.kampucheathmey.com/wp-content/uploads/2023/11/Gaza-0.jpg)
គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេល ១ ខែទៅហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៤០០ នាក់ ដែលភាគច្រើនជាជនស៊ីវិល ។
ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សលើស ១ ម៉ឺននាក់ និងជាង ២៥,០០០ នាក់ រងរបួស ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕
![](https://www.kampucheathmey.com/wp-content/uploads/2023/11/Gaza-10.jpg)
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ រ៉ុកកែតជាច្រើនគ្រាប់បាញ់រះចេញពីតំបន់ហ្គាហ្សាហោះទៅកាន់ទីក្រុង អ៊ីស្រាអែល
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក