ព័ត៌មានអន្ដរជាតិ
ប្រទេសមួយទៀត ប្រកាសឈប់ផ្តល់ជំនួយយោធា ឲ្យអ៊ុយក្រែន
រដ្ឋមន្ត្រីក្រសួងការពារជាតិស្លូវ៉ាគីលោក Robert Kaliniak បានជូនដំណឹងដល់អគ្គលេខាធិការអង្គការណាតូលោក Jens Stoltenberg ថា ប្រទេសរបស់គាត់នឹងលែងផ្គត់ផ្គង់អាវុធនិងគ្រាប់រំសេវដល់អ៊ុយក្រែនទៀតហើយ។
![](https://www.kampucheathmey.com/wp-content/uploads/2023/11/image-1079-1024x576.png)
ក្រសួងការពារជាតិ បាននិយាយកាលពីថ្ងៃអង្គារទី១៤ខែវិច្ឆិកាថា “លោករដ្ឋមន្ត្រី Kaliniak បានជួបជាមួយអគ្គលេខាធិការណាតូលោក Stoltenberg ដើម្បីជូនដំណឹងអំពីការបញ្ចប់ជំនួយយោធាដល់អ៊ុយក្រែន ដែលបានយកចេញពីឃ្លាំងនៃកងកម្លាំងប្រដាប់អាវុធស្លូវ៉ាគី”។
ទោះបីជាយ៉ាងណាក៏ដោយ ស្លូវ៉ាគី នៅតែបន្តផ្តល់ឲ្យអ៊ុយក្រែននូវជំនួយមនុស្សធម៌ និងជំនួយបច្ចេកទេសដដែល ពោលគឺឈប់ផ្តល់តែជំនួយយោធាប៉ុណ្ណោះ។
ពាក់ព័ន្ធនឹងជំនួយយោធានេះដែរ ប្រទេសបារាំងក៏ទើបតែប្រកាសឲ្យអ៊ុយក្រែន ត្រូវចំណាយលុយទិញអាវុធវិញ ដោយឈប់បញ្ជូនទៅទទេៗហើយផងដែរ ។
![](https://www.kampucheathmey.com/wp-content/uploads/2023/11/image-1080-1024x575.png)
រដ្ឋមន្ត្រីក្រសួងកងកម្លាំងប្រដាប់អាវុធបារាំង លោក Sebastien Lecornu បាននិយាយកាលពីថ្ងៃចន្ទទី១៣ខែវិច្ឆិកាថា រដ្ឋាភិបាលទីក្រុងប៉ារីស គ្រោងបញ្ឈប់ការបញ្ជូនអាវុធទៅឲ្យអ៊ុយក្រែនពីឃ្លាំងរបស់ខ្លួនទៀតហើយ ហើយជំនួសមកវិញ នឹងឲ្យទីក្រុងកៀវ ទិញអាវុធដោយផ្ទាល់ពីក្រុមហ៊ុនផលិតរបស់ប្រទេសនេះ តាមរយៈមូលនិធិគាំទ្រ។
មន្ត្រីខាងលើបាននិយាយក្នុងបទសម្ភាស ជាមួយទូរទស្សន៍ LCI ថា “ឥឡូវនេះ យើងកំពុងចរចាជាមួយសហការីអ៊ុយក្រែនរបស់យើង ដើម្បីជំរុញឲ្យពួកគេទិញកាំភ្លើងធំថ្មី ដោយប្រើប្រាក់ពីមូលនិធិពិសេស ដូច្នេះយោធាបារាំងនឹងលែងមានការបញ្ជូនកាំភ្លើង ចេញពីឃ្លាំងរបស់ខ្លួនទៀតហើយ”។
លោក Lecornu កត់សម្គាល់ថា គិតត្រឹមពេលនេះ ជំនួយយោធាបារាំងដែលផ្ដល់ឲ្យអ៊ុយក្រែន បានឈានដល់ ៣.២ ពាន់លានអឺរ៉ូ (៣.៤ ពាន់លានដុល្លារ) រួចទៅហើយ ។ ចំនួននេះ ធ្វើឲ្យបារាំងស្ថិតក្នុងចំណោមអ្នកគាំទ្រធំៗរបស់អ៊ុយក្រែននៅអឺរ៉ុប រួមជាមួយអាល្លឺម៉ង់ និងចក្រភពអង់គ្លេស៕
ប្រែសម្រួល៖ Vann Vann
ប្រភព៖ Report
ចុចអាន៖ បារាំង នឹងឲ្យអ៊ុយក្រែនចំណាយលុយទិញអាវុធវិញ ឈប់បញ្ជូនទៅទទេៗហើយ!
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ