កម្រោងថវិកាឆ្នាំ២០២៤ របស់អាមេរិក គ្មានឈ្មោះអ៊ុយក្រែន និងអ៊ីស្រាអែលទេ

កម្រោងមូលនិធិរបស់សហរដ្ឋអាមេរិកសម្រាប់ឆ្នាំ២០២៤ ពុំមានឈ្មោះប្រទេសអ៊ុយក្រែន និងប្រទេសអ៊ីស្រាអែលនោះទេ ខណៈមន្ទីបញ្ចកោណបានប្រកាសកាលពីសប្ដាហ៍មុនថា ជំនួយសម្រាប់អ៊ុយក្រែននៅសល់តែ ១ពាន់លានទៀតប៉ុណ្ណោះ។

ប្រធានាធិបតីសហរដ្ឋអាមេរិក ចូ បៃដិន បានចុះហត្ថលេខាលើច្បាប់ស្តីពីការចំណាយ និងការផ្តល់មូលនិធិដែលមានកម្រិត ហើយវាបានឆ្លងកាត់សភា កាលពីថ្ងៃពុធកន្លងទៅ ដែលក្នុងនោះពុំរួមបញ្ចូលជំនួយដល់អ៊ុយក្រែនឡើយ។

ដោយឡែកកាលពីខែកញ្ញា ឆ្នាំ២០២៣ បញ្ហាជំនួយរបស់អ៊ុយក្រែនបានរួមចំណែកដល់ភាពចលាចលនយោបាយរបស់សហរដ្ឋអាមេរិក ដែលបណ្តាលឱ្យមានការបណ្តេញប្រធានសភាចេញពីតំណែងគឺលោក Kevin McCarthy។​ កាលណោះអ្នកប្រឆាំងគោលនយោបាយអ៊ុយក្រែន បានចោទប្រកាន់ប្រធានាធិបតី ចូ បៃដិន ថាបានធ្វើកូដកម្មកិច្ចព្រមព្រៀងសម្ងាត់ជាមួយសេតវិមានដើម្បីផ្ដល់ប្រាក់ដល់ទីក្រុងកៀវ។

ដូច្នេះនៅក្នុងគម្រោងថវិកាមូលនិធិឆ្នាំ២០២៤ អាមេរិកនឹងកាត់ផ្ដាច់ការផ្ដល់ជំនួយដល់អ៊ុយក្រែន និងអ៊ីស្រាអែល ដោយផ្ដោតទៅលើសន្តិសុខក្នុងស្រុក និងការចំណាយសង្គ្រោះបន្ទាន់ខ្លាំងជាង៕

ប្រែសម្រួល៖ សន្យា

ប្រភព៖ RT

ចុចអាន៖ អ៊ុយក្រែនបាញ់ទម្លាក់មីស៊ីល និងយន្តហោះគ្មានមនុស្សបើក ១៦គ្រឿងរបស់រុស្ស៊ី

ចុចអាន៖ អាមេរិក-ហ្វីលីពីន ចុះកិច្ចព្រមព្រៀងនុយក្លេអ៊ែរ