ព័ត៌មានអន្ដរជាតិ
ត្រីរាប់ម៉ឺនក្បាល ឡើងមកឆ្នេរសមុទ្រហ្វីលីពីន ស្រាប់តែប៉ុន្មានថ្ងៃក្រោយ កើតគ្រោះរញ្ជួយដីកម្រិតធ្ងន់
ជឿឬមិនជឿ! ប៉ុន្មានថ្ងៃមុននៅហ្វីលីពីន មានត្រីសាឌីនរាប់ម៉ឺនក្បាល ឡើងមកគោកយ៉ាងអាថ៌កំបាំងជាទីបំផុត ដោយមានមនុស្សជាច្រើនភ័យខ្លាចថា ជាសញ្ញានៃគ្រោះអាក្រក់ជិតកើតឡើងហើយ។
អ្នកនេសាទឈ្មោះ Mark Baya និយាយថា “យើងពិតជាបារម្ភខ្លាចរឿងអកុសលណាមួយកើតឡើង។ យើងមានជំនឿពិតមែន ហើយយើងមិនចង់ឃើញរូបភាពបែបនេះទេ”។
ត្រីនេះបានហែលមកកកកុញនៅលើឆ្នេរប្រវែងដល់ទៅ៤គីឡូម៉ែត្រ ក្នុងភូមិ Tinoto នៃខេត្ត Sarangani លើកោះ Mindanao ហើយស្រាប់តែមកដល់ថ្ងៃទី៩ខែមករា ប្រទេសនេះពិតជាជួបគ្រោះមែន នោះគឺការរញ្ជួយដីកម្រិតធ្ងន់ ៧.១រ៉ិចទ័រ។
ទោះបីជាយ៉ាងណាក៏ដោយ មកទល់ពេលនេះ មិនមានសេចក្តីរាយការណ៍អំពីមនុស្សស្លាប់ ឬរបួស និងការខូចខាតដល់ហេដ្ឋារចនាសម្ព័ន្ធអ្វីទេ ហើយក៏គ្មានការព្រមានអំពីរលកយក្សស៊ូណាមិដែរ។
យ៉ាងណាតាមអ្នកជំនាញហ្វីលីពីន បានឲ្យដឹងថា វាគ្រាន់តែជាជំនឿប៉ុណ្ណោះ ប៉ុន្តែតាមពិតទៅ ការដែលត្រីទាំងនេះឡើងមកឆ្នេរ គឺមិនមែនដូចអ្វីដែលអ្នកភូមិគិតទេ។
លោក Cirilo Lagnason Jr នៃនាយកដ្ឋានបរិស្ថាន និងធនធានធម្មជាតិក្នុងតំបន់ Soccsksargen និយាយថា ឆ្នេរនិងការរញ្ជួយដី គឺមិនជាប់ទាក់ទងគ្នាឡើយ។ នេះអាចជាលទ្ធផលនៃបរិស្ថានមហាសមុទ្រ ដែលទឹកត្រជាក់ត្រូវបានរុញច្រានមកកាន់ផ្ទៃមហាសមុទ្រខាងលើ ដោយនាំមកនូវសារធាតុចិញ្ចឹម រួមទាំងប្លង់តុង ដែលជារបបអាហាររបស់ត្រីទាំងនេះផងដែរ។
សូមបញ្ជាក់ថា ហ្វីលីពីនតែងតែជួយគ្រោះរញ្ជួយដីជាញឹកញាប់ ដោយសារតែប្រទេសនេះស្ថិតនៅតាមបណ្ដាយខ្សែក្រវាត់ភ្នំភ្លើងប៉ាស៊ីហ្វិក ដែលលាតសន្ធឹងពីប្រទេសជប៉ុនឆ្លងកាត់តាមតំបន់អាស៊ីអាគ្នេយ៍ និងអាងប៉ាស៊ីហ្វិក៕
ប្រែសម្រួល៖ Vann Vann
ប្រភព៖ Mirror
ចុចអាន៖ ខេត្តភាគខាងត្បូង ហ្វីលីពីន រងការវាយប្រហារពីគ្រោះរញ្ជួយដីកម្រិត ៧.១ រ៉ិចទ័រ
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៧ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ