ព័ត៌មានអន្ដរជាតិ
វៀតណាម កាត់ទោសមនុស្ស១០០នាក់ ពាក់ព័ន្ធការវាយប្រហារភេរវកម្ម នៅខេត្តជាប់ព្រំដែនកម្ពុជា
តាមការចុះផ្សាយរបស់ VN Express, តុលាការវៀតណាម បានប្រកាសសាលក្រមមនុស្ស១០០នាក់ ក្នុងនោះមាន១០នាក់ ត្រូវជាប់ពន្ធនាគារអស់មួយជីវិត ពីបទប្រព្រឹត្តអំពើភេរវកម្មនៅក្នុងការវាយប្រហារយ៉ាងសាហាវកាលពីថ្ងៃទី១១ ខែមិថុនា ឆ្នាំមុន ទៅលើការិយាល័យរដ្ឋាភិបាលនៅខេត្ត Dak Lak ជាប់ព្រំដែនកម្ពុជា។
ជនជាប់ចោទទាំងអស់មានអាយុពី១៨ដល់៥៦ឆ្នាំ ដោយក្នុងនោះមានចំនួន៥៣នាក់ ត្រូវបានចោទប្រកាន់ពីបទ “ភេរវកម្មប្រឆាំងរដ្ឋាភិបាលប្រជាជន” ហើយមាន២នាក់ឈ្មោះ H Wuen Eban និង Y Sol Nie ត្រូវបានគេចាត់ទុកថា ធ្វើសកម្មភាពគ្រោះថ្នាក់ខ្លាំងជាងគេ ជាពិសេសគឺជាមេក្លោងញុះញង់ឲ្យអ្នកដ៏ទៃ វាយប្រហារការិយាល័យគណៈកម្មាធិការប្រជាជនឃុំ Ea Ktur និង Ea Tieu ដែលបណ្តាលឲ្យមនុស្ស៩នាក់ស្លាប់។
ត្បិតអីដំបូងឡើយ តុលាការប្រជាជន Dak Lak លើកឡើងពីលទ្ធភាពកាត់ទោសប្រហារជីវិតអ្នកទាំងពីរក៏ដោយ ប៉ុន្តែក្រោយមកចៅក្រម សម្រេចថា ពួកគេគួរទទួលទោសត្រឹមជាប់ពន្ធនាគារអស់មួយជីវិតបានហើយ។
ចំណែកជនជាប់ចោទ៨នាក់ផ្សេងទៀត ក៏ទទួលទោសជាប់ពន្ធនាគារអស់មួយជីវិតដូច H Wuen Eban និង Y Sol Nie ដែរ ខណៈ៤៣ នាក់ទៀត មានទោសជាប់ពន្ធនាគារចន្លោះ ៦ ទៅ ២០ ឆ្នាំ។
រីឯចុងចោទចំនួន៤៥នាក់ផ្សេងទៀត រួមទាំង៦នាក់ដែលកំពុងរត់គេចខ្លួននៅក្រៅប្រទេសផងនោះ ត្រូវបានចោទប្រកាន់ពីបទអំពើភេរវកម្ម ហើយកាត់ទោសឲ្យជាប់ពន្ធនាគារពី៣ឆ្នាំកន្លះ ដល់១១ឆ្នាំ។
ក្រោយកាត់ទោស តុលាការវៀតណាម នឹងសហការជាមួយអាជ្ញាធរទាំងក្នុងនិងក្រៅប្រទេស ដើម្បីបញ្ជូនមនុស្សទាំង៦នាក់ ដែលបច្ចុប្បន្នកំពុងតាមចាប់ខ្លួននៅក្រៅប្រទេស ឲ្យត្រលប់មកវៀតណាមវិញ ដើម្បីទទួលខុសត្រូវចំពោះមុខច្បាប់។
តាមការបញ្ជាក់ពីរដ្ឋអាជ្ញា Dak Lak, លោក Y Mut Mlo ដែលជាមេក្រុម MSGI (ក្រុមគាំទ្រសម្រាប់ជនជាតិម៉ុងតាញ៉ា) មានមូលដ្ឋាននៅសហរដ្ឋអាមេរិក បានបញ្ចុះបញ្ចូល H Wuen Eban ឲ្យចូលរួមក្នុងសកម្មភាពប្រដាប់អាវុធ និងបើកការវាយប្រហារ រួមទាំងឃាតកម្ម និងការបំផ្លិចបំផ្លាញទ្រព្យសម្បត្តិ ចាប់តាំងពីឆ្នាំ២០១៥មកម្ល៉េះ៕
អត្ថបទ៖ សុខ សុវណ្ណ
ចុចអាន៖ វៀតណាម ចាប់បានមនុស្ស៣នាក់ទៀត ពាក់ព័ន្ធការវាយប្រហារភេរវកម្មនៅ Dak Lak
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?