Connect with us

ព័ត៌មានអន្ដរជាតិ

សមាជិក BRICS ផ្តាំផ្ញើឲ្យប្រទេសទាំងអស់ ឈប់ជួយអ៊ីស្រាអែល 

បានផុស

នៅ

តាមសេចក្តីរាយការណ៍របស់ RT នៅថ្ងៃពុធទី៣១ខែមករាបានឲ្យដឹងថា ក្រោយសេចក្តីសម្រេចរបស់តុលាការអន្តរជាតិ (ICJ) កាលពីសប្តាហ៍មុន ស្រាប់តែលោកស្រី Naledi Pandor រដ្ឋមន្ត្រីការបរទេសអាហ្វ្រិកខាងត្បូងដែលជាសមាជិក BRICS បានផ្តាំផ្ញើឲ្យប្រទេសទាំងអស់ បញ្ឈប់ការផ្តល់ជំនួយដល់យោធាអ៊ីស្រាអែល ព្រោះពួកគេអាចក្លាយជាអ្នកសមគំនិតប្រព្រឹត្តអំពើប្រល័យពូជសាសន៍ដែរ។

លោកស្រី Naledi Pandor រដ្ឋមន្ត្រីការបរទេសអាហ្វ្រិកខាងត្បូង (រូបថត៖ X)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Pandor ប្រាប់អ្នកយកព័ត៌មានក្នុងទីក្រុង Pretoria ថា “តាមយើងគិត ការរកឃើញនេះបង្ហាញយ៉ាងច្បាស់ថា អំពើប្រល័យពូជសាសន៍កំពុងកើតឡើងប្រឆាំងនឹងប្រជាជនប៉ាឡេស្ទីននៅតំបន់ហ្គាហ្សា។ ដូច្នេះ ​ប្រជាជាតិទាំងឡាយត្រូវ​តែ​ធានាឲ្យបាន​ថា ​ពួកគេនឹង​មិន​ជួយ​ដល់​ការ​ប្រព្រឹត្ត​អំពើបែប​នេះ​ក្នុង​សង្គ្រាម​អ៊ីស្រាអែល​-​ក្រុម​ហាម៉ាសទេ។ វាជាកាតព្វកិច្ចយ៉ាងចាំបាច់សម្រាប់រដ្ឋទាំងអស់ ដែលត្រូវបញ្ឈប់ការផ្តល់មូលនិធិនិងជួយសម្រួលដល់សកម្មភាពយោធាអ៊ីស្រាអែល ដែលតុលាការបង្ហាញថា ជាការប្រល័យពូជសាសន៍ដ៏គួរឲ្យជឿជាក់”។

សូមបញ្ជាក់ថា ICJ បានសម្រេចកាលពីថ្ងៃទី២៦ខែមករាថា អ៊ីស្រាអែល ត្រូវតែចាត់វិធានការចាំបាច់ទាំងអស់ ដើម្បីទប់ស្កាត់អំពើប្រល័យពូជសាសន៍នៅប៉ាឡេស្ទីន។ លើសពីនេះ ទីក្រុងហ្ស៊េរុយសាឡិមខាងលិច ក៏ត្រូវបញ្ជាឲ្យដាក់ទណ្ឌកម្មយោធារបស់ខ្លួនរូបណា ដែលប្រព្រឹត្តអំពើប្រល័យពូជសាសន៍ផងដែរ។

(រូបថត៖ EPA)

ទោះបីជាយ៉ាងណាក៏ដោយ នាយករដ្ឋមន្ត្រីអ៊ីស្រាអែល លោក Benjamin Netanyahu បានហៅសេចក្តីសម្រេចរបស់តុលាការអង្គការសហប្រជាជាតិនេះថា ជារឿងគួរឲ្យស្អប់ខ្ពើម ហើយប្តេជ្ញា មិនអនុញ្ញាតឲ្យទាហានអ៊ីស្រាអែលណាម្នាក់ ត្រូវបញ្ជូនទៅទីក្រុងឡាអេ ឡើយ។

យោងតាមមន្ត្រីសុខាភិបាលប៉ាឡេស្ទីន, មនុស្សជិត២៧០០០នាក់ ភាគច្រើនជាជនស៊ីវិល ត្រូវបានសម្លាប់នៅតំបន់ហ្គាហ្សា ចាប់តាំងពីសង្គ្រាមផ្ទុះឡើងក្នុងខែតុលា។

ជម្លោះបានចាប់ផ្តើម ពេលយុទ្ធជនក្រុមហាម៉ាស បើកការវាយប្រហារគួរឲ្យភ្ញាក់ផ្អើលលើទឹកដីអ៊ីស្រាអែលដោយសម្លាប់មនុស្សជាង១១០០នាក់ និងចាប់រាប់រយនាក់ជាចំណាប់ខ្មាំង។ លើសពីនេះ ពលរដ្ឋហ្គាហ្សាប្រហែល៨៥% ត្រូវបានជម្លៀសចេញពីផ្ទះសម្បែង ហើយអង្គការសហប្រជាជាតិរាយការណ៍ថា មនុស្ស៥៧០០០០នាក់នៅទីនោះ កំពុងឃ្លានដាច់ពោះសឹងស្លាប់ហើយ៕

អត្ថបទ៖ សុខ សុវណ្ណ

ចុចអាន៖ អ៊ីស្រាអែល ទាមទារឲ្យប្រមុខ UN ចុះចេញពីតំណែង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤ ម៉ោង មុន

ក្រុមនគរបាលស្វាយរៀង ​លត់​ក្រុមបាទី​ ​ចាស់​ដៃ ១១-១ ជើង​ឯកស្វាយរៀងខាប់

ព័ត៌មានជាតិ៩ ម៉ោង មុន

ក្រសួងការងារដាក់ដំណើរការរបបស្វ័យប្រកាសអធិការកិច្ចការងារតាមអនឡាញ(SICMS) ងាយស្រួលសម្រាប់ថៅកែរោងចក្រសហគ្រាស បំពេញនីតិវិធីផ្សេងៗ

ព័ត៌មានជាតិ៩ ម៉ោង មុន

បេក្ខជនជាង ២ពាន់នាក់ ចូលរួមប្រឡងជ្រើសរើសមន្ត្រីរាជការ ចូលបម្រើការងារក្នុងក្របខណ្ឌអង្គភាពប្រឆាំងអំពើពុករលួយ

ព័ត៌មានអន្ដរជាតិ១១ ម៉ោង មុន

មហាសេដ្ឋីឥណ្ឌា ចាយប្រាក់ ៦.៣ លានដុល្លារ​ ជួល Rihanna សម្តែងក្នុងពិធីជប់លៀងកូនប្រុសពៅ

ព័ត៌មានអន្ដរជាតិ១៤ ម៉ោង មុន

ពិធីជប់លៀង មុនមង្គលការកូនប្រុសពៅមហាសេដ្ឋី ឥណ្ឌា ភ្ញៀវចូលរួមសុទ្ធតែបុគ្គលល្បីលើលោក

Sokha Hotels

ព័ត៌មានពេញនិយម