Connect with us

ព័ត៌មានអន្ដរជាតិ

ប្រជាជនចិន រាប់លាននាក់សម្រុកទៅស្រុកកំណើតអបអរឆ្នាំថ្មី បែរជួបរឿងជូរចត់ ពេលធ្វើដំណើរ

បានផុស

នៅ

ប្រជាជនចិនរាប់លាននាក់ នាំគ្នាសម្រុកទៅស្រុកកំណើតដើម្បីចូលរួមអបអរពិធីបុណ្យចូលឆ្នាំថ្មី ប៉ុន្តែការធ្វើដំណើររបស់ពួកគេត្រូវរំខាន និងអ្នកខ្លះត្រូវជាប់គាំងទៀតផង ដោយសារព្យុះព្រឹលនិងធ្លាក់ទឹកកក។

(រូបថត៖ VCG)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍របស់ប្រព័ន្ធផ្សព្វផ្សាយរដ្ឋ ជើងហោះហើរ និងសេវារថភ្លើងរាប់រយ ត្រូវបានលុបចោល ខណៈអ្នកបើកបរយានជំនិះ ក៏ត្រូវជាប់នៅលើផ្លូវហាយវេដែលពោរពេញដោយទឹកកកផងដែរ។

នៅលើប្រព័ន្ធផ្សព្វផ្សាយសង្គម ប្រជាជនចិន​បាន​បង្ហោះ​រូបភាព​ជាប់គាំង​ក្នុង​រថភ្លើង និងនៅ​ស្ថានីយ​រថភ្លើង ហើយអគ្គិសនី ក៏ត្រូវកាត់ផ្តាច់ទៀត។ អ្នកខ្លះបង្ហោះថា ការទៅជួបជុំគ្រួសារនៅឆ្នាំនេះ ពិតជាជូរចត់ណាស់។

(រូបថត៖ Getty)

អាជ្ញាធររំពឹងថា បុណ្យចូលឆ្នាំចិនឆ្នាំនេះ នឹងមានមនុស្សប្រមាណ៤៨០លាន ធ្វើដំណើរទៅស្រុកកំណើត ពោលគឺខ្ពស់ជាងឆ្នាំមុន ប្រមាណ៤០%។

ទោះបីជាយ៉ាងណាក៏ដោយ ភ្នាក់ងារឧតុនិយមចិន បានចេញការព្រមានអំពីអាកាសធាតុរដូវរងាមិនអំណោយផល ចាប់តាំងពីឆ្នាំ២០០៨មកម្ល៉េះ ក្នុងនោះតំបន់កណ្តាលដូចជាខេត្ត Hebei, Hubei និង Anhui សុទ្ធតែជួបប្រទះអាកាសធាតុត្រជាក់ដល់ឆ្អឹង។

(រូបថត៖ Yahoo)

សម្រាប់ឆ្នាំនេះ ទីក្រុងចំនួន២៥៥ នៅទូទាំងប្រទេស បានជួបប្រទះសីតុណ្ហភាពពេលថ្ងៃជាមធ្យមធ្លាក់ចុះដល់ក្រោមសូន្យអង្សាសេ ខុសដាច់ពីឆ្នាំមុន។

ស្របពេលជាមួយគ្នានោះដែរ ស្ថានីយផ្លូវហាយវ៉េជិត១០០កន្លែងនៅខេត្ត Anhui បានបិទមិនឲ្យរថយន្តចូល ដោយសារធ្លាក់ទឹកកកខ្លាំង ខណៈកាលពីដើមសប្តាហ៍នេះ ទូរទស្សន៍រដ្ឋ CCTV រាយការណ៍ថា មានរថយន្តប្រមាណ ៤០០០គ្រឿងត្រូវជាប់គាំងនៅលើផ្លូវ។

(រូបថត៖ Getty)

សូមបញ្ជាក់ថា ឆ្នាំ២០២៤ បុណ្យចូលឆ្នាំថ្មីនេះ ត្រូវប្រារព្ធធ្វើឡើងនៅថ្ងៃសៅរ៍ទី១០ខែកុម្ភៈ ហើយក្នុងប្រទេសចិន ការអបអរមានរយៈពេល១៥ថ្ងៃ៕

អត្ថបទ៖ សុខ សុវណ្ណ

ចុចអាន៖ តើប្រទេសអាស៊ីណាខ្លះ ប្រារព្ធពិធីបុណ្យចូលឆ្នាំ ចិន ក្នុងថ្ងៃនេះ ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ ម៉ោង មុន

នាយករដ្ឋមន្ត្រី ឧបត្ថម្ភថវិកាសរុប៥០ម៉ឺនដុល្លារ ដល់សមាគមសិល្បករខ្មែរ​

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​សេចក្តីប្រកាស​ព័ត៌មាន​បង្ហាញ​ពី​កិច្ចខិតខំ​ប្រឹងប្រែង​ក្នុង​ការ​ជួយ​ពលការ​នី​ខ្មែរ​នៅ​ប្រទេស​អា​រ៉ា​ប៊ី​សា​អូឌីត

ព័ត៌មានជាតិ៩ ម៉ោង មុន

សម្ដេចធិបតី​ បញ្ជាឱ្យរៀបចំប្រកួតក្បាច់គុនល្បុកតោ គុនខ្មែរ ខម ស្រងែពែន​  ដើម្បីគាស់រំលើងក្បាច់គុនឡើងវិញ

ព័ត៌មានជាតិ១០ ម៉ោង មុន

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

ព័ត៌មានជាតិ១០ ម៉ោង មុន

ឯកឧត្ដម ហ៊ុន ម៉ានី អញ្ជើញចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៏ គង់ ម៉ាលី

Sokha Hotels

ព័ត៌មានពេញនិយម