Connect with us

ព័ត៌មានអន្ដរជាតិ

ប្រទេសជិតខាង អ៊ុយក្រែន បើកដំណើរការប្រព័ន្ធខែលការពារដែនអាកាស ក្រោយមីស៊ីល រុស្ស៊ី ធ្លាក់ក្បែរៗខ្លួន

បានផុស

នៅ

ប៉ូឡូញបានចាប់ផ្ដើមបើកដំណើរការប្រព័ន្ធខែលការពារដែនអាកាសនៅទូទាំងប្រទេស ដើម្បីប្រុងជើងការទៅនឹងការទម្លាក់មីស៊ីលស្រោចដូចទឹកភ្លៀងរបស់រុស្ស៊ីទៅលើតំបន់អ៊ុយក្រែនដែលនៅជិតព្រំដែនប៉ូឡូញកាលពីថ្ងៃពុធ ។ នេះបើយោងតាមការចុះផ្សាយដោយសារព័ត៌មានតួកគី Anadolu កាលពីថ្ងៃទី៧ ខែកុម្ភៈកន្លងទៅ ។

លោក Wladyslaw Kosiniak-Kamysz

លោក Wladyslaw Kosiniak-Kamysz ឧបនាយករដ្ឋមន្ត្រី និងជារដ្ឋមន្ត្រីការពារជាតិប៉ូឡូញបានប្រាប់វិទ្យុ ZET ថា “រុស្ស៊ីបានវាយប្រហារទីក្រុងជាច្រើនរបស់អ៊ុយក្រែន រួមទាំងទីក្រុង Lviv នៅជិតព្រំដែនប៉ូឡូញ-អ៊ុយក្រែន ផងដែរ ដូច្នេះយើងត្រូវតែបើកដំណើរការប្រព័ន្ធខែលការពារដែនអាកាសរបស់យើងក្នុងករណីមីស៊ីលហោះផ្តក់មកដល់ទឹកដីប៉ូឡូញ” ។

លោក Kamysz បានអះអាងទៀតថា ឫសគល់នៃភ្លើងសង្គ្រាមវាយប្រហារមកលើអ៊ុយក្រែននាពេលថ្មីៗនេះ ក៏ដោយសារតែរុស្ស៊ីកំពុងប្តូរមុខព្រួញបាញ់ឆ្ពោះទៅរកសេដ្ឋកិច្ចសង្រ្គាម ក៏ដូចជាបង្កើនសមត្ថភាពផលិតអាវុធបន្ថែមទៀត ស្របពេលដែលសព្វាវុធជាច្រើនរបស់រុស្ស៊ី គឺទទួលបានពីសម្ព័ន្ធមិត្តដូចជា កូរ៉េខាងជើង រួចទៅហើយ ។

យោងតាមសេចក្ដីរាយការណ៍ពីទីភ្នាក់ងារព័ត៌មាន Reuters កាលពីថ្ងៃពុធបានឲ្យដឹងថា ប្រធានាធិបតីអ៊ុយក្រែនលោក Volodymyr Zelensky ក៏បានបញ្ជាក់ជូនពីការផ្តក់មីស៊ីល និងយន្តហោះគ្មានមនុស្សបើករបស់រុស្ស៊ីមកលើទីក្រុងជាច្រើនផងដែរ រួមទាំងទីក្រុងកៀវ, Kharkiv, Lviv និង Mykolav ដែលបណ្តាលឲ្យមានការខូចខាតដល់តំបន់លំនៅដ្ឋាន និងហេដ្ឋារចនាសម្ព័ន្ធថាមពល ក៏ដូចជាការស្លាប់មនុស្ស ៦ នាក់ផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេលជិត ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ខណៈបច្ចុប្បន្នលោកប្រធានាធិបតី Zelensky នៅតែបន្តដើរសុំជំនួយ ក៏ដូចជាសព្វាវុធ និងកែនទាហានជាបន្តបន្ទាប់ពីសម្ព័ន្ធមិត្តសំខាន់ៗដូចជា អឺរ៉ុប និងអាមេរិកជាដើម ។

ទោះបីជាមិនមានព័ត៌មានច្បាស់លាស់អំពីចំនួនអ្នកស្លាប់ និងរបួសក៏ដោយ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឲ្យដឹងថា ជនស៊ីវិលអ៊ុយក្រែនជាង ១០,០០០ នាក់ត្រូវបានសម្លាប់ ខណៈយោងតាមរបាយការណ៍របស់កាសែត New York Times វិញបានអះអាងថា រហូតមកដល់ពេលនេះទាំងទាហានអ៊ុយក្រែន និងរុស្ស៊ីសរុបចូលគ្នាគឺមានជាង ៥ លាននាក់បានស្លាប់បាត់បង់ជីវិត ៕

ដោយ ៖ សុខ ជីវ័ន្ត

ចុចអាន ៖ រុស្ស៊ី បើកការវាយប្រហារអាកាសលើរដ្ឋធានីកៀវ និងទីក្រុងផ្សេងទៀត របស់អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៧ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

កីឡា២ ថ្ងៃ មុន

អនុប្រធានគុនខ្មែរប្រកាសធ្វើសន្និសីទឆាប់ៗពីជំនួប ធន់ រិទ្ធី-សៃយុគ

ជីវិតកម្សាន្ដ៦ ថ្ងៃ មុន

សណ្ឋាគារ Novotel បង្ហាញខ្លួនលើកដំបូងនៅកម្ពុជា ចាប់បើកដំណើរការនៅថ្ងៃទី៩ ខែកុម្ភៈ ឆ្នាំ២០២៤​ ខាងមុខ លើឆ្នេរឯករាជ្យ ក្រុងព្រះសីហនុ

ចរាចរណ៍១ ថ្ងៃ មុន

ព័ត៌មានបឋម៖ រថយន្ត​ Alphard ក្រឡាប់ផ្ងារជើងលើផ្លូវល្បឿនលឿនរងរបួស និងស្លាប់ច្រើននាក់

ជីវិតកម្សាន្ដ៣ ថ្ងៃ មុន

តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ

Sokha Hotels

ព័ត៌មានពេញនិយម