ព័ត៌មានអន្ដរជាតិ
រដ្ឋមួយរបស់ឥណ្ឌាប្រកាសអាសន្ន ក្រោយមានមនុស្សស្លាប់ក្នុងការប៉ះទង្គិចគ្នាជុំវិញការរុះរើវិហារឥស្លាម
យ៉ាងហោចណាស់មនុស្ស ៤ នាក់បានស្លាប់នៅក្នុងអំពើហិង្សានៅក្នុងរដ្ឋ Uttarakhand ប្រទេសឥណ្ឌា បន្ទាប់ពីអាជ្ញាធរបានរុះរើវិហារអ៊ីស្លាមមួយ ដោយចោទប្រកាន់ថា វាត្រូវបានសាងសង់ដោយខុសច្បាប់។ នេះបើយោងតាមការចេញផ្សាយរបស់សារពត៌មាន BBC នៅថ្ងៃទី ០៩ ខែ កុម្ភៈនេះ។
អំពើហិង្សានេះបានផ្ទុះឡើងនៅក្នុងទីប្រជុំជន Haldwani នៃរដ្ឋ Uttarakhand អំឡុងពេលដែលប៉ូលិសបើកយុទ្ធនាការរុះរើសំណង់ខុសច្បាប់។ អាជ្ញាធរបាននិយាយថា យុទ្ធនាការនេះត្រូវបានដាក់ឱ្យដំណើរការដើម្បីបោសសម្អាតសំណង់ខុសច្បាប់ រួមទាំងវិហារឥស្លាម។ ប៉ុន្តែជនមូស្លីមដែលបានគោរពនៅវិហារឥស្លាមនិយាយថា ពួកគេត្រូវបានគេកំណត់គោលដៅដោយអយុត្តិធម៌ ក្រោមរដ្ឋាភិបាលជាតិនិយមហិណ្ឌូរបស់នាយករដ្ឋមន្ត្រី Narendra Modi ហើយបានចោទប្រកាន់ថា លោកមានការបែងចែកសាសនា តែរដ្ឋាភិបាលបដិសេធការចោទប្រកាន់នេះ។
ទោះយ៉ាងណាក៏ដោយ បម្រាមគោចរត្រូវបានដាក់ចេញ ហើយរដ្ឋបានចេញបញ្ជាឲ្យបាញ់ឧស្ម័នបង្ហូរទឹកភ្នែក ដើម្បីគ្រប់គ្រងយស្ថានការណ៍ដោយសារក្រុមបាតុករដុតរថយន្ត និងគប់ដុំថ្ម មកកាន់ប៉ូលិស។ ការប៉ះទង្គិចគ្នានេះបណ្ដាលឲ្យបាតុករ និងប៉ូលិសរាប់រយនាក់បានរងរបួសផងដែរ។
យោងតាមចៅក្រមលោកស្រី Vandana Singh បានឲ្យដឹងថាវិហារឥស្លាម ត្រូវបានវាយកម្ទេចចោល ដោយសារសាងសង់ខុសច្បាប់លើដីរដ្ឋាភិបាល ហើយមិនត្រូវបានចុះបញ្ជីជាសំណង់សាសនា។ ការរុះរើនេះមិនត្រូវបានកំណត់គោលដៅឆ្ពោះទៅកាន់សហគមន៍ជាក់លាក់ណាមួយនោះ គឺចាប់ផ្តើមដោយសន្តិវិធី ប៉ុន្តែហ្វូងមនុស្សបានវាយប្រហារទៅលើមន្រ្តីភ្លាមៗ ដែលនាំឱ្យមានអំពើហិង្សា ខណៈអ្នកស្រុកបានបដិសេធចំពោះការលើកឡើងនេះ ហើយបាននិយាយថា វិហារឥស្លាមត្រូវបានវាយកម្ទេចចោលមុនពេលតុលាការអាចផ្តល់សេចក្តីសម្រេចចុងក្រោយក្នុងរឿងក្តីនេះ។
គួរបញ្ជាក់ថា ភាពតានតឹងជុំវិញការវាយកម្ទេចវិហារឥស្លាមបានកើនឡើងក្នុងរយៈពេលប៉ុន្មានខែកន្លងមកនេះ។អំពើហិង្សាក៏កើនឡើងផងដែរបន្ទាប់ពីរដ្ឋ Uttarakhand បានអនុម័តក្រមរដ្ឋប្បវេណីឯកសណ្ឋាន (UCC) ដែលជាច្បាប់ទូទៅថ្មីសម្រាប់ប្រជាជនទាំងអស់ ដោយមិនមានការបែងចែកសាសនា ភេទ និងទំនោរផ្លូវភេទ៕
អត្ថបទ៖ ប៊ុន សុភាព
ចុចអាន៖បុរសកាណាដាដើមកំណើតចិន បង្កចលាចលរត់ទៅបើកទ្វារយន្តហោះ Thai Airways ខណៈរៀបនឹងហោះឡើង
-
ព័ត៌មានជាតិ៥ ថ្ងៃ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
សន្តិសុខសង្គម២ ថ្ងៃ ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានអន្ដរជាតិ៥ ថ្ងៃ ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៦ ថ្ងៃ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានអន្ដរជាតិ២៤ ម៉ោង ago
ព្រះអាទិត្យផ្ទុះអណ្តាតភ្លើង ជះព្យុះកម្តៅមកផែនដីនៅចុងសប្តាហ៍នេះ
-
សន្តិសុខសង្គម១ ថ្ងៃ ago
យុវជន៣នាក់ត្រូវទឹកគួចលង់ស្លាប់ សមត្ថកិច្ចប្រើពេលជិត២៤ម៉ោងទើបរកសពឃើញ
-
ព័ត៌មានជាតិ១ ថ្ងៃ ago
ខេត្តកែបទទួលបានភ្ញៀវទេសចរជិត៨ម៉ឺននាក់ ក្នុងឱកាសបុណ្យភ្ជុំបិណ្ឌ
-
ចរាចរណ៍១ សប្តាហ៍ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង