Connect with us

ព័ត៌មានអន្ដរជាតិ

នាយករដ្ឋមន្ត្រីថៃ ថា ការដោះលែងលោក ថាក់ស៊ីន គឺស្របច្បាប់

បានផុស

នៅ

តាមការចុះផ្សាយរបស់ Bangkok Post, លោក សេដ្ឋា ថាវីស៊ីន ​បញ្ជាក់​ថា ការ​លើក​លែង​ទោស​អតីត​នាយក​រដ្ឋមន្ត្រី​ថាក់ស៊ីន ស៊ីណាវ៉ាត្រា គឺ​ស្រប​ច្បាប់ និង​ស្រប​តាម​បទប្បញ្ញត្តិ​នៃ​ប្រព័ន្ធ​យុត្តិធម៌ របស់ប្រទេសថៃ។

លោក សេដ្ឋា ថាវីស៊ីន (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីលោកថាក់ស៊ីន ត្រូវអនុញ្ញាតឲ្យចេញពីមន្ទីរពេទ្យ លោកនាយករដ្ឋមន្ត្រី សេដ្ឋាបានលើកឡើងថា ប្រសិនបើការដោះលែងនេះ ជួយឲ្យទិដ្ឋភាពនយោបាយកាន់តែល្អប្រសើរនោះគាត់ជឿថា ប្រជាជនថៃប្រហែលសប្បាយចិត្តខ្លាំងជាងនេះ។ លោកថាក់ស៊ីន បានវិលត្រលប់មកមាតុប្រទេសវិញ ដើម្បីប្រឈមមុខនឹងប្រព័ន្ធយុត្តិធម៌ ហើយការដោះលែងរបស់គាត់ គឺអនុលោមតាមបទប្បញ្ញត្តិរបស់ពន្ធនាគារ មន្ទីរពេទ្យ និងក្រសួងយុត្តិធម៌។

លើសពីនេះ លោកនាយករដ្ឋមន្ត្រីសង្កត់ធ្ងន់ថា ប្រសិនបើលោកថាក់ស៊ីន អាចផ្តល់ដំបូន្មានសម្រាប់រាជរដ្ឋាភិបាលរបស់លោក ច្បាស់ណាស់គណៈរដ្ឋមន្ត្រីនឹងសប្បាយចិត្តព្រោះលោក ថាក់ស៊ីន មានចេតនាល្អសម្រាប់ប្រទេសជាតិ និងយកបទពិសោធន៍នៅក្រៅប្រទេសមកចែករំលែកដល់ជនរួមជាតិ។

សូមបញ្ជាក់ជាថ្មី លោក ថាក់ស៊ីន អាយុ៧៤ឆ្នាំ ត្រូវបានដោះលែងឲ្យមានសេរីភាព និងវិលត្រលប់ទៅផ្ទះរស់ជុំគ្រួសារវិញ នៅថ្ងៃអាទិត្យទី១៨ខែកុម្ភៈ។

លោក ថាក់ស៊ីន ស៊ីណាវ៉ាត្រា (រូបថត៖ Thai PBS)

យោងតាមសមត្ថកិច្ចយុត្តិធម៌, លោក ថាក់ស៊ីន ត្រូវលក្ខខណ្ឌនៃការដោះលែង ព្រោះលោកមានអាយុលើស៧០ឆ្នាំ និងមានជំងឺធ្ងន់ធ្ងរ ហើយត្រូវគេចាត់ទុកថា ជាប់ពន្ធនាគារយ៉ាងហោចណាស់ប្រាំមួយខែរួចទៅហើយ ទោះលោកស្ថិតនៅក្នុងមន្ទីរពេទ្យក៏ដោយ។

ក្រោយការសម្រេចដោះលែង លោកថាក់ស៊ីន ត្រូវបានគេឃើញពាក់អាវដៃវែង និងម៉ាស នៅជាមួយកូនៗក្នុងរថយន្តមួយគ្រឿង ធ្វើដំណើរចេញពីមន្ទីរពេទ្យប៉ូលិស នាវេលាម៉ោង ៦ និង០៩នាទីព្រឹកថ្ងៃអាទិត្យ។

លោក ថាក់ស៊ីន បាន​វិល​ចូលស្រុកថៃ​វិញ​កាលពី​ថ្ងៃ​ទី២២ ខែ​សីហា ឆ្នាំ២០២៣ បន្ទាប់​ពីរស់នៅ​និរទេសអស់រយៈពេល ១៥ ឆ្នាំ​ ហើយនៅ​ថ្ងៃ​ដដែល​នោះ តុលាការ​កំពូល​ក៏បាន​កាត់ទោសអតីតនាយករដ្ឋមន្ត្រីរូបនេះ ឲ្យជាប់ពន្ធនាគាររយៈពេល ៨ ឆ្នាំក្នុងសំណុំរឿងក្ដីក្ដាំចំនួន ៣ ករណី។

លោក ថាក់ស៊ីន ស៊ីណាវ៉ាត្រា (រូបថត៖ AP)

ប៉ុន្តែភ្លាមៗនោះ​ លោក ថាក់ស៊ីន ត្រូវគេបញ្ជូនចេញពីពន្ធនាគារក្រុងបាងកកទៅកាន់មន្ទីរពេទ្យប៉ូលិសទាំងកណ្ដាលអធ្រាត្រ ដោយសារលោកមានអាការតឹងទ្រូង និងគេងមិនលក់ ហើយក្រោយការពិនិត្យរូច មន្ត្រីពេទ្យបានរកឃើញថា លោក ថាក់ស៊ីន មានជំងឺលើសឈាម ដោយតម្រូវឲ្យមន្ត្រីពន្ធនាគារធ្វើការតាមដានសុខភាពរបស់លោកយ៉ាងដិតដល់ ក្នុងអំឡុងពេលសម្រាកព្យាបាល ។

ទោះយ៉ាងណា លោក ថាក់ស៊ីន ត្រូវបានព្រះមហាក្សត្រ មហាវជ្ជរ៉ា ឡុងកន សម្រេចព្រះទ័យបន្ថូរបន្ថយទោសជាប់ពន្ធនាគារពី ៨ ឆ្នាំមកនៅត្រឹម ១ ឆ្នាំកាលពីថ្ងៃទី១ ខែកញ្ញា ឆ្នាំ២០២៣ ដោយសារតែទ្រង់មានព្រះរាជតម្រិះពិចារណាលើអង្គហេតុ ក៏ដូចជាកត្តាមួយចំនួនដូចជា មហាសេដ្ឋីរូបនេះមានភក្ដីភាពចំពោះរាជានិយម នៅពេលលោកកាន់តំណែងជានាយករដ្ឋមន្ត្រី និងនាំប្រទេសជាតិ និងប្រជានុរាស្ត្រទទួលបានផលប្រយោជន៍ជាច្រើន៕

អត្ថបទ​៖ សុខ សុវណ្ណ

ចុចអាន៖ ទីបំផុត លោក ថាក់ស៊ីន ត្រូវបានដោះលែងឲ្យមានសេរីភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៤ នាទី មុន

រដ្ឋបាលខេត្ត​ត្បូងឃ្មុំ ប្រារព្ធ​ពិធី​អភិសេក​រូបសំណាក​ហ្លួង​ព្រះស្ដេច​កន គង់​លើ​ខ្នង​សេះ កម្ពស់​ជាង​១៣​ម៉ែត្រ

ព័ត៌មានជាតិ១ ម៉ោង មុន

អនុរដ្ឋមន្ត្រីការបរទសជប៉ុន សម្តែងការភ្ញាក់ផ្អើលឃើញភ្នំពេញអភិវឌ្ឍន៍លើសការរំពឹងទុក

ព័ត៌មានជាតិ២ ម៉ោង មុន

លោក​ ឃួង ស្រេង៖បក្សប្រជាជនកម្ពុជាមានស្នាដៃធំសម្រាប់ជាតិ  ដោយអភិវឌ្ឍន៍ប្រទេសឱ្យរីកចម្រើន រក្សាបានសន្តិភាពពេញផ្ទៃប្រទេស

សេដ្ឋកិច្ច២ ម៉ោង មុន

អារ៉ាប៊ីសាអូឌីត​ ​អាច​នឹង​បន្ថយ​តម្លៃ​ប្រេងនាំ​ចេញ​ទៅ​​​​អាស៊ី​សម្រាប់​ខែ​ទី​២​​ក្នុង​ខែ​សីហា

កីឡា២ ម៉ោង មុន

U16 កម្ពុជា ​ឈ្នះ​​ U16 ព្រុយណេ ៦-០ ចាំអ៊ុតមើលក្រុមលេខ​២​ល្អ​បំផុតក្នុង​ពូល

Sokha Hotels

ព័ត៌មានពេញនិយម