ព័ត៌មានអន្ដរជាតិ
វៀតណាម ចង់ធ្វើដូច ថៃ លើកលែងទិដ្ឋាការភ្ញៀវទេសចរមកពីប្រទេសអ្នកមាន
នាយករដ្ឋមន្ត្រីវៀតណាមលោក Pham Minh Chinh បានណែនាំទៅដល់ភ្នាក់ងារអន្តោប្រវេសន៍ឲ្យថ្លឹងថ្លែង និងពិចារណាលើកលែងទិដ្ឋាការសម្រាប់អ្នកទេសចរមកពីបណ្ដាប្រទេសអ្នកមាន ឲ្យស្នាក់នៅ ឬចូលលេងកម្សាន្តក្នុងរយៈពី ៦ ទៅ ១២ ខែ ដើម្បីជំរុញការស្តារទេសចរណ៍ឡើងវិញ ។ នេះបើយោងតាមការចេញផ្សាយសារព័ត៌មាន VN Express នៅថ្ងៃទី២៤ ខែកុម្ភៈនេះ ។
ថ្លែងក្នុងសេចក្ដីណែនាំមួយកាលពីថ្ងៃសុក្រ លោកនាយករដ្ឋមន្ត្រីលើកឡើងថា បច្ចុប្បន្នបញ្ជីប្រទេសដែលវៀតណាមបម្រុងនឹងលើកលែងទិដ្ឋាការសម្រាប់ពលរដ្ឋមកពីប្រទេសអ្នកមានដើម្បីចូលលេងកម្សាន្តវៀតណាម បានពង្រីកដល់ ១៣ ប្រទេស ហើយក្នុងនោះមានដូចជា ប្រទេសអាល្លឺម៉ង់ បារាំង អ៊ីតាលី អេស្ប៉ាញ អង់គ្លេស រុស្ស៊ី ជប៉ុន កូរ៉េខាងត្បូង ដាណឺម៉ាក ស៊ុយអែត ន័រវេស ហ្វាំងឡង់ និងបេឡារុស ។
ស្របពេលជាមួយគ្នានេះ លោកនាយករដ្ឋមន្ត្រី Pham Minh Chinh ក៏បានណែនាំដល់ទីភ្នាក់ងារនានាឲ្យពិចារណាលើការចេញទិដ្ឋាការរយៈពេលវែងពី ១២ ទៅ ៣៦ ខែ ក្នុងមុខព្រួញទាក់ទាញអ្នកចូលនិវត្តន៍បរទេសដែលមានទ្រព្យធនមកពីអឺរ៉ុប អាស៊ីឦសាន អាមេរិកខាងជើង ឥណ្ឌា និងបណ្តាប្រទេសមជ្ឈិមបូព៌ាមួយចំនួនទៀត ឲ្យមកស្នាក់អាស្រ័យនៅក្នុងប្រទេសវៀតណាមផងដែរ ។
ទន្ទឹមនោះ ការដាក់ចេញគោលការណ៍លើកលែងទិដ្ឋាការរបស់វៀតណាមនៅពេលនេះគឺកើតមានឡើងនៅក្នុងបរិបទដែលបណ្ដាប្រទេសអាស៊ីអាគ្នេយ៍មួយចំនួនដូចជា ប្រទេសថៃ និងម៉ាឡេស៊ីសុទ្ធតែបញ្ឆេះការប្រជែងទេសចរណ៍ក្នុងតំបន់ដើម្បីទាក់ទាញភ្ញៀវទេសចរបរទេស ជាពិសេសពីប្រទេសចិន ជាមួយនឹងគោលនយោបាយគ្មានទិដ្ឋាការនេះឯង ។
បច្ចុប្បន្នវៀតណាមបានលើកលែងទិដ្ឋាការរយៈពេល ៣ ខែសម្រាប់អ្នកធ្វើដំណើរមកពី ២៥ ប្រទេស ខណៈម៉ាឡេស៊ីលើកលែងទិដ្ឋាការចំនួន ១៦២ ប្រទេស, សិង្ហបុរី ១៥៧ ប្រទេស, ហ្វីលីពីន ៦៨ ប្រទេស និងថែលើកលែងទិដ្ឋាការចំនួន ៦៤ ប្រទេស ។
គួរបញ្ជាក់ថា វៀតណាមកើបបានភ្ញៀវទេសចរបរទេសចំនួន ១២.៦ លាននាក់កាលពីឆ្នាំមុន ឬប្រហែល ៧០ ភាគរយនៃកម្រិត មុនរោគរាតត្បាតកូវីដ ១៩ ហើយប្រទេសចិន ឥណ្ឌា និងអូស្ត្រាលី គឺជាប្រភពនៃភ្ញៀវទេសចរដ៏ធំបំផុត ខណៈនៅឆ្នាំ ២០២៤ នេះវិញ វៀតណាមដាក់គោលដៅទាញអ្នកទេសចរបរទេស ១៨ លាននាក់ ៕
ដោយ ៖ សុខ ជីវ័ន្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ