Connect with us

ព័ត៌មានអន្ដរជាតិ

លោក Zelensky ថា រុស្ស៊ី កំពុងរៀបផែនការថ្មីវាយសង្គ្រុបលើ អ៊ុយក្រែន តែម្ដង

បានផុស

នៅ

ប្រធានាធិបតីអ៊ុយក្រែនលោក Volodymyr Zelensky បាននិយាយកាលពីថ្ងៃអាទិត្យថា អ្នកចម្បាំងរុស្ស៊ីកំពុងរៀបផែនការវាយសង្គ្រុបដំណាក់កាលថ្មីមកលើអ៊ុយក្រែននាចុងខែឧសភា ឬពេញមួយរដូវក្ដៅនេះតែម្ដង ប៉ុន្តែទោះជាយ៉ាងណា រដ្ឋាភិបាលទីក្រុងកៀវក៏រៀបជើងព្រួលលើសមរភូមិប្រយុទ្ធរួចរាលដូចគ្នា ។ នេះបើយោងតាមសេចក្ដីរាយការណ៍ពីទីភ្នាក់ងារព័ត៌មាន Reuters នៅថ្ងៃទី២៦ ខែកុម្ភៈនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងសន្និសីទសារព័ត៌មានរយៈពេល ២ ម៉ោង មេដឹកនាំអ៊ុយក្រែនរូបនេះលើកឡើងថា វាពិតជាមានសារៈសំខាន់ណាស់សម្រាប់រដ្ឋាភិបាលទីក្រុងកៀវ និងសម្ព័ន្ធមិត្តលោកខាងលិចដើម្បីប្រកៀកស្មារួបរួមគ្នាការពារទឹកដី ក៏ដូចជាតតាំងនឹងស្ថានភាពដ៏លំបាកចំពោះប្រតិបត្តិការវាយលុកថ្មីរបស់រុស្ស៊ីក្នុងរយៈពេល ២ ខែខាងមុខនេះ ។

លោក Zelensky បានប្រាប់អ្នកយកព័ត៌មាននៅទីក្រុងកៀវថា “រុស្ស៊ីនឹងរៀបចំសកម្មភាពវាយលុកនៅដើមរដូវក្តៅ ឬចុងខែឧសភា ប៉ុន្តែយើងក៏នឹងប្រុងជើងការសម្រាប់ការវាយប្រហាររបស់ពួកគេផងដែរ ។ មែនទែនទៅ ផែនការវាយលុកថ្មីរបស់រុស្ស៊ី ចាប់ផ្ដើមតាំងតែពីថ្ងៃទី៨ ខែតុលា ឆ្នាំ២០២៣ មកម្ល៉េះ ប៉ុន្តែនៅពេលនោះ រុស្ស៊ីមិនទទួលបានផ្លែផ្កាអ្វីនោះទេ ហើយសម្រាប់ខាងយើងវិញ ខ្ញុំគិតថា យើងក៏មានផែនការទប់ទល់ដូចគ្នា” ។

កាលពីថ្ងៃទី២៤ ខែកុម្ភៈ ឆ្នាំ២០២៤ កន្លងទៅ អ៊ុយក្រែនបានប្រារព្ធខួប ២ ឆ្នាំនៃភ្លើងសង្គ្រាមពេញទីរបស់រុស្ស៊ី ខណៈកងទ័ពទីក្រុងមូស្គូកាន់តែរុលចូលទៅជ្រៅនៅតាមខ្សែត្រៀមជួរមុខរបស់អ៊ុយក្រែន ស្របពេលដែលអ្នកចម្បាំងទីក្រុងកៀវកំពុងខ្វះគ្រាប់កាំភ្លើងធំ ក៏ដូចជាកម្លាំងទ័ពថ្មីផងដែរ ដោយសារតែសភាអាមេរិកមិនទាន់ដកជំនួយថ្មីចេញពីហោប៉ៅរួចនៅឡើយទេ ។

រយៈពេល ២ ឆ្នាំមកនេះ ភ្លើងសង្គ្រាមនៅអ៊ុយក្រែនគឺពឹងពាក់អាស្រ័យទាំងស្រុងលើកិច្ចគាំទ្រពីសំណាក់លោកខាងលិច ស្របពេលដែលសហភាពអឺរ៉ុបបានដឹកជញ្ជូនគ្រាប់រំសេវបានត្រឹមតែ ១ លានគ្រាប់ប៉ុណ្ណោះ ពោលស្មើនឹង ៣០ ភាគរយក្នុងកិច្ចសន្យាផ្ដល់ជំនួយ ដូច្នេះហើយទើបរុញឲ្យរុស្ស៊ីលើកទង់ជ័យជម្នះលើសមរភូមិប្រយុទ្ធដ៏ធំបំផុតរបស់ខ្លួន ចាប់តាំងពីខែឧសភា ឆ្នាំ ២០២៣ ខណៈក្នុងខែនេះទៀតសោត អ្នកចម្បាំងទីក្រុងមូស្គូក៏វាយដណ្តើមយកបានទីក្រុង Avdiivka ភាគខាងលិចអ៊ុយក្រែនផងដែរ ។

គិតត្រឹមពេលនេះ ភ្លើងសង្គ្រាមរវាងរុស្ស៊ី និងអ៊ុយក្រែនបានចាយពេល ២ ឆ្នាំហើយ បន្ទាប់ពីកងកម្លាំងរដ្ឋាភិបាលទីក្រុងមូស្គូលើកទ័ពចូលទីក្រុងកៀវកាលពីថ្ងៃទី២៤ ខែកុម្ភៈ ឆ្នាំ២០២២ ខណៈបច្ចុប្បន្នលោកប្រធានាធិបតី Zelensky នៅតែបន្តដើរសុំជំនួយ ក៏ដូចជាសព្វាវុធ និងកែនទាហានជាបន្តបន្ទាប់ពីសម្ព័ន្ធមិត្តសំខាន់ៗដូចជា អឺរ៉ុប និងអាមេរិកជាដើម ។

ទោះបីជាមិនមានព័ត៌មានច្បាស់លាស់អំពីចំនួនអ្នកស្លាប់ និងរបួសក៏ដោយ ប៉ុន្តែតាមការប៉ាន់ប្រមាណរបស់អង្គការសហប្រជាជាតិបានឲ្យដឹងថា ជនស៊ីវិលអ៊ុយក្រែនជាង ១០,០០០ នាក់ត្រូវបានសម្លាប់ ខណៈយោងតាមរបាយការណ៍របស់កាសែត New York Times វិញបានអះអាងថា រហូតមកដល់ពេលនេះទាំងទាហានអ៊ុយក្រែន និងរុស្ស៊ីសរុបចូលគ្នាគឺមានជាង ៥ លាននាក់បានស្លាប់បាត់បង់ជីវិត ៕

ដោយ ៖ សុខ ជីវ័ន្ត

ចុចអាន ៖ កម្របំផុត! លោក Zelensky ដាច់ចិត្តទម្លាយការពិត តួលេខទាហានអ៊ុយក្រែន ស្លាប់ក្រោមដៃរុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៤៥ នាទី មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ២ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

កីឡា៣ ម៉ោង មុន

ក្លិប Fenerbahce ពិចារណាដកខ្លួនពីលីគតួកគី ជុំវិញការវាយប្រហារលើកីឡាករ

Sokha Hotels

ព័ត៌មានពេញនិយម