ព័ត៌មានអន្ដរជាតិ
កម្របំផុត! លោក ហ្សេលេនស្គី ដាច់ចិត្តទម្លាយការពិត តួលេខទាហានអ៊ុយក្រែន ស្លាប់ក្រោមដៃរុស្ស៊ី
ជារឿងកម្រមួយដែលលោក វ្ល៉ាឌីមៀរ ហ្សេលេនស្គី ទទួលស្គាល់ជាសាធារណៈថា ទាហានអ៊ុយក្រែនចំនួន ៣១០០០ នាក់ ត្រូវបានសម្លាប់ក្នុងប្រតិបត្តិការវាយលុកពេញទំហឹងរបស់រុស្ស៊ី។ នេះបើតាមសេចក្តីរាយការណ៍របស់ Reuters កាលពីថ្ងៃអាទិត្យទី២៥ខែកុម្ភៈ។
យ៉ាងណាក្តី ប្រធានាធិបតីអ៊ុយក្រែនសង្កត់ធ្ងន់ថា លោកនឹងមិនផ្តល់តួលេខពាក់ព័ន្ធទាហានរបួសទេ ព្រោះវាអាចជាប្រយោជន៍ដល់រុស្ស៊ី ក្នុងការរៀបចំផែនការយោធា។
ស្របពេលជាមួយគ្នានោះដែរ លោក ហ្សេលេនស្គី អះអាងថា នៅខាងរុស្ស៊ីឯណោះ មានទាហានរហូតដល់១៨០០០០នាក់ ត្រូវបានសម្លាប់និងរាប់សែននាក់ទៀត រងរបួស។
តាមការឲ្យដឹងពីលោក ហ្សេលេនស្គី, “ទាហានអ៊ុយក្រែនចំនួន៣១០០០នាក់បានស្លាប់ក្នុងសង្រ្គាមនេះ! មិនមែន៣០០០០០ឬ១៥០០០០នាក់ ដូចដែលលោកពូទីន និងក្រុមរបស់គាត់កុហកទេ ប៉ុន្តែការបាត់បង់ណាក៏ដោយ គឺជាការបាត់បង់ដ៏ធំសម្រាប់យើង”។
ដោយឡែក និយាយអំពីការបាត់បង់ផ្សេងទៀតនៅក្នុងសង្រ្គាមនេះ លោក ហ្សេលេនស្គី និយាយថា ជនស៊ីវិលរាប់ម៉ឺននាក់បានស្លាប់នៅក្នុងតំបន់អ៊ុយក្រែន ដែលរុស្ស៊ីចូលកាន់កាប់ ប៉ុន្តែតួលេខពិតនៅមិនទាន់ដឹងនៅឡើយ។
ការទទួលស្គាល់នេះកើតឡើង បន្ទាប់ពីរដ្ឋមន្ត្រីការពារជាតិអ៊ុយក្រែននិយាយថា ពាក់កណ្តាលនៃជំនួយរបស់លោកខាងលិចសម្រាប់អ៊ុយក្រែនត្រូវបានពន្យារពេល ជាហេតុបណ្តាលឲ្យបាត់បង់ជីវិតមនុស្សនិងទឹកដី។
សូមបញ្ជាក់ កាលពីខែសីហា មន្ត្រីអាមេរិកបានដាក់ចំនួនទាហានអ៊ុយក្រែនស្លាប់ ដល់ទៅ ៧០០០០ នាក់ និងរបួស ១២ ម៉ឺននាក់ ប៉ុន្តែនោះគ្រាន់តែជាការសន្និដ្ឋានប៉ុណ្ណោះ៕
អត្ថបទ៖ សុខ សុវណ្ណ
ចុចអាន៖ ទូតរុស្ស៊ីប្រចាំកម្ពុជាឆ្លើយ ៣ សំណួរចាក់ចំក្នុងខួប ២ ឆ្នាំភ្លើងសង្គ្រាមនៅ អ៊ុយក្រែន

-
ព័ត៌មានជាតិ៧ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៥ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៥ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សេចក្ដីជូនដំណឹង៥ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
ព័ត៌មានជាតិ១ សប្តាហ៍ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ១ សប្តាហ៍ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម១ សប្តាហ៍ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៦ ថ្ងៃ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ