Connect with us

ព័ត៌មានអន្ដរជាតិ

លោក ពូទីន អរគុណម្ចាស់ឆ្នោតដែលនៅតែទុកចិត្ត និងប្ដេជ្ញាបន្តមហិច្ឆតា​ភ្លើងសង្គ្រាមនៅ អ៊ុយក្រែន

បានផុស

នៅ

ស្ទើរតែច្បាស់ការ ១០០ ភាគរយទៅហើយដែលលោក វ្ល៉ាឌីមៀរ ពូទីន នឹងឈ្នះការបោះឆ្នោតជ្រើសរើសប្រធានាធិបតីលើកទី ៨ បន្ទាប់ពីគណៈកម្មាធិការរៀបចំការបោះឆ្នោតរុស្ស៊ី (CEC) ប្រកាសថា ប្រធានាធិបតីវ័យ ៧១ ឆ្នាំរូបនេះទទួលបានសំឡេងឆ្នោតគាំទ្រជាង ៨៧ ភាគរយនៃសន្លឹកឆ្នោតបានការចំនួន ៩៩.៤៣ ភាគរយ ។ នេះបើយោងតាមការចេញផ្សាយដោយសារព័ត៌មាន RT កាលពីថ្ងៃទី១៧ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅចំពោះមុខអ្នកគាំទ្រនៅឯទីស្នាក់ការកណ្ដាលបោះឆ្នោតក្នុងទីក្រុងមូស្គូ, លោក ពូទីន បានអរគុណដល់ម្ចាស់ឆ្នោតរុស្ស៊ីទាំងអស់ដែលបានអញ្ជើញទៅបោះឆ្នោត និងបន្តផ្ដល់សេចក្ដីទុកចិត្តដល់រូបលោក ។ លោកនឹងបន្តមហិច្ឆតានយោបាយបច្ចុប្បន្នរបស់លោក រួមទាំងភ្លើងសង្គ្រាមនៅអ៊ុយក្រែនផងដែរ ។

លោកប្រធានាធិបតីបញ្ជាក់ទៀតថា “ប្រភពអំណាចតែមួយគត់នៅក្នុងប្រទេសគឺប្រជាជនរុស្ស៊ី ខណៈពេលដែលប្រទេសនេះហៀបនឹងប្រឈមមុខជាមួយបញ្ហាជាច្រើន ប្រជាជនរុស្ស៊ីបានទទួលខុសត្រូវលើការងារជាច្រើន ដោយសារតែប្រទេសនេះជាគ្រួសារតែមួយ ហើយលទ្ធផលនៃការបោះឆ្នោតនេះនឹងនាំរុស្ស៊ីកាន់តែខ្លាំងថែមួយកម្រិតទៀត” ។

យោងតាមសេចក្ដីរាយការណ៍ដោយសារព័ត៌មាន TASS បានឲ្យដឹងដែរថា ចំណែកបេក្ខជនប្រជែង ៣ រូបផ្សេងទៀតដូចជា លោក Nikolay Kharitonov មកពីគណបក្សកុម្មុយនិស្តស្ថិតនៅលំដាប់ទី ២ មានសំឡេងគាំទ្រ ៤.៣២ ភាគរយ បន្ទាប់មកគឺលោក Vladislav Davankov មកពីគណបក្សប្រជាជនថ្មីទទួលបានសំឡេង ៣.៧៩ ភាគរយ និងចុងក្រោយគឺបេក្ខភាពមកពីគណបក្សប្រជាធិបតេយ្យសេរី លោក Leonid Slutsky មានសំឡេងគាំទ្រ ៣.១៩ ភាគរយ ។

គួរបញ្ជាក់ថា រុស្ស៊ីបានរៀបចំការបោះឆ្នោតជ្រើសរើសប្រធានាធិបតីកាលពីថ្ងៃទី១៥ ដល់ថ្ងៃទី១៧ ខែមីនា ហើយក៏នឹងមិនរៀបចំការបោះឆ្នោតជ្រើសរើសប្រធានាធិបតីជុំទី ២ នោះដែរ ដោយសារតែបេក្ខជនដែលកំពុងនាំមុខក្នុងការរាប់សន្លឹកឆ្នោតទទួលបានសំឡេងឆ្នោតគាំទ្រភ្លូកទឹកភ្លូកដី និងលើសពីពាក់កណ្ដាលនៃអាសនៈសភាចំនួន ៤៥០ កៅអី ខណៈលទ្ធផលនេះទៀតសោត នឹងឃាត់លោក ពូទីន ឲ្យបន្តកាន់អំណាចជាប្រធានាធិបតីរុស្ស៊ីអាណត្តិទី ៥ រយៈពេល ៦ ឆ្នាំទៀត ៕

ដោយ ៖ សុខ ជីវ័ន្ត

ចុចអាន ៖ លោក ពូទីន ឈ្នះឆ្នោតភ្លូកទឹកភ្លូកដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៨ នាទី មុន

ជប៉ុន ផ្តល់ថវិកាជិត៤ម៉ឺនដុល្លារ សម្រាប់កែលម្អឧបករណ៍​តន្ត្រីបុរាណនៅសាលាមធ្យមវិចិត្រសិល្បៈ

ជីវិតកម្សាន្ដ៣០ នាទី មុន

យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ​ក្រោយ Han So Hee ចម្រូងចម្រាសស្នេហាត្រីកោណ

ព័ត៌មានជាតិ៤៨ នាទី មុន

ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»

ព័ត៌មានអន្ដរជាតិ៥៣ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ២ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

Sokha Hotels

ព័ត៌មានពេញនិយម