ព័ត៌មានអន្ដរជាតិ
អតីតវិស្វករ Google លោក Colin Huang ក្លាយជាមហាសេដ្ឋីបច្ចេកវិទ្យាកំពូលរបស់ចិន
លោក Colin Huang អតីតវិស្វករ Google បានក្លាយជាស្ថាបនិកនៃក្រុមពាណិជ្ជកម្ម PDD Holdings ឥឡូវនេះមានទ្រព្យសម្បត្តិខ្ពស់បំផុតក្នុងចំណោមមហាសេដ្ឋីបច្ចេកវិទ្យារបស់ប្រទេសចិន ចំនួន ៥៣.៤ ពាន់លានដុល្លារអាមេរិក នេះបើយោងតាមវិទ្យាស្ថានស្រាវជ្រាវ Hurun ។
សារព័ត៌មាន South China Morning Post បានរាយការណ៍ថា ទ្រព្យសម្បត្តិរបស់មហាសេដ្ឋីវ័យ៤៤ ឆ្នាំរូបនេះបានកើនឡើង ៧១% ធៀបនឹងឆ្នាំមុន ដោយសារការកើនឡើងនៃភាគហ៊ុនដែលបានចុះបញ្ជីនៅសហរដ្ឋអាមេរិករបស់ PDD ដែលត្រូវបានជំរុញដោយក្រុមហ៊ុនដំណើរការបានល្អជាងការរំពឹងទុក។
កាសែតដដែលបានរាយការណ៍ ដោយដកស្រង់ទិន្នន័យពីទីក្រុងសៀងហៃថា នេះជារបាយការណ៍បញ្ជីអ្នកមានសកលឆ្នាំ២០២៤ របស់អង្គភាពស្រាវជ្រាវដែលមានមូលដ្ឋាន។ ស្របពេលដែល នៅក្នុងប្រទេសចិន វេទិកាពាណិជ្ជកម្មអេឡិចត្រូនិករបស់ខ្លួន Pinduoduo បានវ៉ាដាច់គូប្រជែងរបស់ខ្លួនដែលដំណើរការដោយ Alibaba Group Holding និង JD.com ។
ការហូរចូលនៃទ្រព្យសម្បត្តិសម្រាប់លោក Huang បានធ្វើឲ្យគាត់ក្លាយជាមហាសេដ្ឋីបច្ចេកវិទ្យារបស់ប្រទេសចិន ដោយធានាឲ្យគាត់ក្លាយជាបុគ្គលដែលមានជាងគេទីពីររបស់ប្រទេស បន្ទាប់ពីលោក Zhong Shansan ស្ថាបនិកក្រុមហ៊ុនផលិតទឹកដប Nongfu Spring ។
មហាសេដ្ឋីបច្ចេកវិទ្យាដែលមានបំផុតពីមុនគឺ Pony Ma Huateng នៃក្រុមហ៊ុនសេវាកម្មអ៊ីនធឺណិតយក្ស Tencent Holdings និង Zhang Yiming នៃក្រុមហ៊ុនមេរបស់ TikTok ByteDance ឥឡូវនេះបានធ្លាក់មកចំណាត់ថ្នាក់ទីបី និងទីបួន ជាមួយនឹងទ្រព្យសម្បត្តិសុទ្ធ ៣៥ពាន់លានដុល្លារ និង ៣៤ពាន់លានដុល្លាររៀងគ្នា។
ទោះបីជាយ៉ាងណា បើយោងតាម Business Insider បញ្ចាក់ដែរថា ក្នុងពេលដែលមិនទាន់មានឈ្មោះជាសកល លោក Huang គឺជាឥស្សរជនលេចធ្លោនៅក្នុងប្រទេសចិន ដែលភាគច្រើនដោយសារតែភាពជោគជ័យនៃវេទិកាពាណិជ្ជកម្មអេឡិចត្រូនិក Pinduoduo ដែលត្រូវបានបង្កើតឡើងក្នុងឆ្នាំ ២០១៥ ដោយក្រុមហ៊ុនរបស់គាត់ និងបានចុះបញ្ជីនៅទីក្រុងញូវយ៉កក្នុងខែកក្កដា ឆ្នាំ ២០២៨ ។
បុរសរូបនេះ កើតក្នុងគ្រួសារកម្មកររោងចក្រ ហើយបានធ្វើការជាវិស្វករសម្រាប់ក្រុមហ៊ុន Google ក្នុងឆ្នាំ ២០០៤ មុនពេលចាប់ផ្តើមដំណើរអាជីវកម្មរបស់គាត់នៅឆ្នាំ ២០០៧ ។ ក្រោយមក ដោយសារតែការបណ្ដាក់ទុននិងមានចិត្តអំណត់តស៊ូក្នុងអាជីពរបស់លោកផ្ទាល់ ទើបធ្វើឲ្យអតីតវិស្វករ Google ប្រែក្លាយខ្លួនជាបុគ្គលិកធម្មតាម្នាក់ មកជាបុគ្គលមានទ្រព្យធនចាយលែងខ្វះ៕
អត្ថបទ៖ សាង ស្រីល័ក្ខ
ចុចអាន៖មហាសេដ្ឋីទាំង ៥ ខ្លាំងខាងវិនិយោគអចលនទ្រព្យនៅ ហ្វីលីពីន សុទ្ធតែកើនទ្រព្យសម្បត្តិឆ្នាំនេះ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ