Connect with us

ព័ត៌មានអន្ដរជាតិ

អាមេរិក និងសម្ព័ន្ធមិត្ត ២ ប្រទេសនៅ អាស៊ី លើកយកជម្លោះសមុទ្រចិនខាង​ត្បូងមកដោះស្រាយក្នុងជំនួបត្រីភាគី

បានផុស

នៅ

កិច្ចប្រជុំកំពូលត្រីភាគីរវាងមេដឹកនាំសហរដ្ឋអាមេរិកជាមួយសម្ព័ន្ធមិត្ត ២ ប្រទេសផ្សេងទៀតនៅតំបន់អាស៊ីដូចជា ជប៉ុន និងហ្វីលីពីន នឹងរួមបញ្ចូលកិច្ចពិភាក្សាអំពីរឿងហេតុដែលកើតឡើងនាពេលថ្មីៗនេះក្នុងតំបន់ជម្លោះនៅសមុទ្រចិនខាងត្បូងផងដែរ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី៥ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Hans Mohaimin Siriban អនុរដ្ឋលេខាធិការទទួលបន្ទុកកិច្ចការបរទេសរបស់ប្រទេសហ្វីលីពីនបានប្រាប់សន្និសីទសារព័ត៌មានមួយថា កិច្ចប្រជុំកំពូលដែលគ្រោងនឹងធ្វើឡើងនៅសប្តាហ៍ក្រោយនេះរវាងលោកប្រធានាធិបតីអាមេរិក Joe Biden នាយករដ្ឋមន្ត្រីជប៉ុន Fumio Kishida និងប្រធានាធិបតីហ្វីលីពីន Ferdinand Marcos Jr នឹងពិភាក្សាអំពីទំនាក់ទំនងសេដ្ឋកិច្ច និងស្ថានភាពនៅឥណ្ឌូប៉ាស៊ីហ្វិក ប៉ុន្តែមិនសំដៅដល់ប្រទេសណាមួយនោះទេ បើទោះបីជាប្រទេសទាំងបីសម្ដែងក្ដីភ័យព្រួយអំពីសកម្មភាពយោធាចិននៅក្នុងតំបន់ក៏ដោយ ។

លោក Siriban បានលើកឡើងទៀតថា “យើងរំពឹងប្រទេសទាំងបីនឹងមានទស្សនៈរួមលើឧប្បត្តិហេតុថ្មីៗនេះ ហើយយើងនឹងត្រៀមដាក់ចេញ “សេចក្តីថ្លែងការណ៍រួម” ស្តីពីទំនាក់ទំនងការទូតនៅសមុទ្រចិនខាងត្បូង ជាពិសេសលោក Biden និងលោក Marcos ក៏ត្រៀមនឹងរៀបចំកិច្ចប្រជុំទ្វេភាគីដាច់ដោយឡែកមួយ មុនកិច្ចប្រជុំកំពូលត្រីភាគីនេះផងដែរ ។

ក្នុងរយៈពេលប៉ុន្មានខែថ្មីៗនេះ ហ្វីលីពីនបាននឹងកំពុងបញ្ជូនគ្រឿងផ្គត់ផ្គង់ដល់កងទ័ពរបស់ខ្លួនដែលឈរជើងនៅបន្ទាយយោធាក្បែរខ្មោចនាវាចម្បាំងមួយគ្រឿនៅតំបន់ថ្មប៉ប្រះទឹក Second Thomas Shoal ដែលជំរុញឲ្យឆ្មាំឆ្នេរសមុទ្រចិនដាក់ពង្រាយនាវាម្តងហើយម្តងទៀតដើម្បីរារាំងបេសកកម្មផ្គត់ផ្គង់មួយនេះ ។

ស្របពេលជាមួយគ្នានេះ ភាពតានតឹងរវាងហ្វីលីពីន និងចិនក៏កាន់តែឆេះដុតរោលថែមទៀត អំឡុងការប៉ះទង្គិចរហូតដល់ទៅ ២ ដងកាលពីខែមុន ពោលកប៉ាល់ឆ្មាំឆ្នេរសមុទ្រចិនបានប្រើកាណុងបាញ់ទឹកបាញ់ទៅលើកប៉ាល់ផ្គត់ផ្គង់ហ្វីលីពីន ដែលធ្វើឲ្យនាវិករងរបួស ហើយនេះក៏ជាឫសគល់ថ្មីមួយទៀតដែលនាំឲ្យប្រទេសទាំងពីរកាន់តែក្ដៅស្លឹកត្រចៀកឡើងៗ ៕

ដោយ ៖ សុខ ជីវ័ន្ត

ចុចអាន ៖ អាមេរិក គំរាមឈប់គាំទ្រអ៊ីស្រាអែល ក្នុងសង្គ្រាមនៅ ហ្គាហ្សា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៨ ម៉ោង មុន

ទទួលបានតម្រុយ​ពី​ខេត្ត​ព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុង​ខេត្តបាត់ដំបង

ព័ត៌មានអន្ដរជាតិ២៣ ម៉ោង មុន

អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិ​នប្រចាំកម្ពុជា

សន្តិសុខសង្គម៧ ម៉ោង មុន

ម្ចាស់ហាងទូរស័ព្ទនៅផ្សារមេមត់ទទួលបានទូរស័ព្ទមួយទឹកគ្រប់ចំនួនពីមន្ត្រីគយវិញ ខណៈអីវ៉ាន់ថ្មីនៅត្រួតពិនិត្យបន្ត

ព័ត៌មានជាតិ៤ ម៉ោង មុន

កំពង់ផែតម្លៃ ១៥០០ លាន​ដុល្លារ ក្នុងខេត្តកំពត នឹងសម្ពោធដាក់​​ឱ្យប្រើប្រាស់នៅថ្ងៃស្អែកនេះ

ព័ត៌មានអន្ដរជាតិ១១ ម៉ោង មុន

គ្រាន់តែគិតចង់ចាប់ខ្លួនលោក Netanyahu សោះ, អាមេរិក ស្រាប់តែអនុម័តសំណើច្បាប់ដាក់ទណ្ឌកម្ម ICC 

Sokha Hotels

ព័ត៌មានពេញនិយម