កំពុងព្រួយបារម្ភ! សមយុទ្ធធំបំផុតមួយរបស់ពិភពលោក អាចបង្កជំងឺរាតត្បាតថ្មី
Connect with us
Helistar Cambodia - Helicopter Charter Services

ព័ត៌មានអន្ដរជាតិ

កំពុងព្រួយបារម្ភ! សមយុទ្ធធំបំផុតមួយរបស់ពិភពលោក អាចបង្កជំងឺរាតត្បាតថ្មី

Published

on

ក្រុមអ្នកធ្វើយុទ្ធនាការសិទ្ធិសត្វបានព្រមានថា សមយុទ្ធយោធាដ៏សាហាវ ដែលទាហានត្រូវស៊ីសាច់ល្មូនទាំងរស់ និងផឹកឈាមពស់ អាចបង្កជំងឺរាតត្បាតបន្ទាប់។

កងទ័ពមកពីជុំវិញពិភពលោក បានធ្វើដំណើរទៅកាន់ប្រទេសថៃជារៀងរាល់ឆ្នាំដើម្បីចូលរួមក្នុងសមយុទ្ធ “ពស់វែកមាស” ដែលជាព្រឹត្តិការណ៍ធំបំផុត។

ដោយរៀបចំធ្វើឡើងជាលើកដំបូងនៅឆ្នាំ១៩៨២ អ្នកចូលរួមក្នុងសមយុទ្ធនេះ បានសម្លាប់សត្វមាន់ដោយដៃទទេ ហើយពន្លះស្បែកនិងស៊ីតុកកែរស់ ក៏ដូចជាខ្យាដំរីនិងពីងពាងពិសផងដែរ។​ នេះបើតាមការអះអាងរបស់អង្គការ People for the Ethical Treatment of Animals (PETA)។

ទាហានក៏កាត់ក្បាលពស់វែកហើយហុតឈាមពស់ផងដែរ នៅក្នុងអ្វីដែលពួកគេបានប្រាប់ថា ជាលំហាត់ហ្វឹកហាត់ដើម្បីត្រៀមសម្រាប់លក្ខខណ្ឌចូលក្នុងព្រៃ។

កាសែត The Sun បានរាយការណ៍ថា យោធាអាមេរិកប្រមាណ៤,៥០០នាក់ បានចូលរួមក្នុងសមយុទ្ធ ពស់វែកមាស កាលពីឆ្នាំមុនរួមជាមួយកងទ័ពមកពីប្រទេសសិង្ហបុរី ចិន ជប៉ុន ឥណ្ឌា កូរ៉េខាងត្បូង ឥណ្ឌូនេស៊ីនិងម៉ាឡេស៊ី។

ដោយសារតែការរីករាលដាលនៃជំងឺកូវីដ១៩ សមយុទ្ធពស់វែកមាសឆ្នាំនេះ នឹងមានទំហំតូចជាងធម្មតា។ ព្រឹត្តិការណ៍នេះគ្រោងនឹងធ្វើឡើងនៅខែកុម្ភៈនិងខែមីនា។

ទោះបីជាយ៉ាងណាក៏ដោយ PETA កំពុងតែទទូច ឲ្យហាមឃាត់ព្រឹត្តិការណ៍នេះ។ អង្គការនេះបានផ្ញើលិខិតបន្ទាន់មួយ ទៅកាន់មន្រ្តីការពារជាតិជាន់ខ្ពស់ទាំងថៃនិងចក្រភពអង់គ្លេស ដោយទាមទារឲ្យអ្នករៀបចំ ជំនួសការប្រើប្រាស់សត្វរស់នៅក្នុងលំហាត់ចំណីអាហារ ជាមួយវិធីបណ្តុះបណ្តាលដោយគ្មានសត្វនិងប្រកបដោយសីលធម៌វិញ។

ពួកគេបាននិយាយថា វាមិនត្រឹមតែជាអំពើសាហាវឃោរឃៅលើសត្វប៉ុណ្ណោះទេ ប៉ុន្តែក៏ជាហានិភ័យ ផ្ទុះជំងឺដែលឆ្លងរាលដាលពីសត្វទៅមនុស្សផងដែរ។

អ្នកនាំពាក្យម្នាក់បាននិយាយថា “ការបញ្ជូនយោធាទៅប្រទេសថៃដើម្បីហុតឈាមពស់ គឺជាប្រភេទនៃការមិនសមហេតុផលដែលអាចបង្កឲ្យមានជំងឺរាតត្បាតបន្ទាប់។ ការប្រើប្រាស់សត្វរស់ក្នុងអំឡុងសមយុទ្ធ ពស់វែកមាស បានបង្កហានិភ័យនៃការរីករាលដាលនៃជំងឺឆ្លងពីសត្វទៅមនុស្ស ស្រដៀងនឹងកូវីដ១៩ ដែលកំពុងបង្កគ្រោះថ្នាក់ដល់កងទ័ពនិងសាធារណជនទូទៅ”។

វីរុសជាច្រើនដូចជា SARS-CoV-2 ទំនងជាមានដើមកំណើតពីសត្វប្រចៀវ ហើយចម្លងទៅមនុស្សជាលើកដំបូងតាមរយៈការទាក់ទងជាមួយសត្វផ្សេងដែលជាភ្នាក់ងារចម្លង៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ ដំណឹងល្អ! អត្រាអ្នកឆ្លងកូវីដចូលសម្រាកព្យាបាលក្នុងមន្ទីរពេទ្យធ្លាក់ចុះខ្លាំង ក្រោយចាក់វ៉ាក់សាំងដូសដំបូង

ចុចអាន៖ WHO អំពាវនាវដល់ប្រទេសអ្នកមានកុំទិញវ៉ាក់សាំងកូវីដបន្ថែម

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services