ព័ត៌មានអន្ដរជាតិ
អ្នកជំនាញសុខភាពជំរុញឲ្យបន្តពាក់ម៉ាសការពារកូវីដរហូតដល់ឆ្នាំ ២០២២
នាយកប្រតិបត្តិផ្នែកសុខភាពរបស់ CVS លោកស្រី Karen Lynch បាននិយាយក្នុងសន្និសិទមួយកាលពីថ្ងៃអង្គារថា ការពាក់ម៉ាសនឹងត្រូវការជាចាំបាច់រហូតដល់យ៉ាងហោចណាស់ឆ្នាំ ២០២២ ដើម្បីការពារប្រទេសប្រឆាំងនឹងការរីករាលដាលនៃជំងឺកូវីដ ១៩ ។
លោកស្រី Lynch ដែលចាប់ផ្តើមដើរតួនាទីជានាយកប្រតិបត្តិកាលពីដើមខែនេះបាននិយាយថា “ដើម្បីសុខភាព និងសុវត្ថិភាពរបស់ជាតិ ខ្ញុំគិតថាវាសំខាន់ណាស់សម្រាប់យើងក្នុងការគិតអំពីការពាក់ម៉ាសរហូតដល់ចំណុចនេះ” ។ លោកស្រីបានបន្ថែមទៀតថា ការឲ្យមនុស្សគ្រប់គ្នាចាក់វ៉ាក់សាំង និងសិក្សាបន្ថែមទៀតថាតើអ្នកដែលចាក់វ៉ាក់សាំងនៅតែអាចផ្ទុក និងចម្លងវីរុសក៏វាមិនអាចលុបបំបាត់វិធានការពាក់ម៉ាសដែរ ។
ចំណែកលោក Anthony Fauci ប្រធានទីប្រឹក្សាវេជ្ជសាស្រ្តរបស់ប្រធានាធិបតី Joe Biden បាននិយាយកាលពីសប្តាហ៍មុនថា ជនជាតិអាមេរិកប្រហែលជានៅតែត្រូវការពាក់ម៉ាស់នៅឆ្នាំក្រោយអាស្រ័យលើថាតើភាគច្រើននៃប្រទេសនេះត្រូវបានចាក់វ៉ាក់សាំង ហើយថាតើករណីឆ្លងជំងឺកូវីដ ១៩ មានម្រិតទាបខ្លាំង ឬអត់ ។ នៅក្នុងថ្ងៃដំបូងនៃរដ្ឋបាលលោក Biden បានបង្កើនមហិច្ឆតាចាក់វ៉ាក់សាំងរបស់គាត់ ហើយបានទិញវ៉ាក់សាំងគ្រប់គ្រាន់ពីក្រុមហ៊ុន Pfizer/BioNTech និងក្រុមហ៊ុន Moderna ដើម្បីចាក់វ៉ាក់សាំងដល់ជនជាតិអាមេរិកចំនួន ៣០០ លាននាក់នៅចុងរដូវក្តៅ ។
CVS គឺជាដៃគូមួយក្នុងចំណោមដៃគូលក់រាយដែលបានធ្វើការជាមួយរដ្ឋាភិបាលសហព័ន្ធក្នុងការចាក់វ៉ាក់សាំងដល់ជនជាតិអាមេរិកវ័យចំណាស់នៅតាមមណ្ឌលថែទាំរយៈពេលវែង ហើយឥឡូវនេះបានចាក់វ៉ាក់សាំងដល់ប្រជាជនទូទៅ ។ នៅក្នុងបទសម្ភាសន៍កាលពីថ្ងៃអង្គារលោកស្រី Lynch បាននិយាយថា “យើងកំពុងស្ថិតលើផ្លូវរបស់យើងដើម្បីសម្រេចនូវអ្វីដែលប្រធានាធិបតីបានស្នើដើម្បីឲ្យជនជាតិអាមេរិកចំនួន ៣០០ លាននាក់បានចាក់វ៉ាក់សាំង ហើយខ្ញុំសង្ឃឹមថាយើងនឹងធ្វើវាបាន” ។
យោងតាមទិន្នន័យពីមជ្ឈមណ្ឌលទប់ស្កាត់ និងបង្ការជំងឺបានឲ្យដឹងថា រហូតមកដល់ពេលនេះប្រជាជន ១៣ ភាគរយ ឬ ៤៤ លាននាក់បានទទួលការចាក់វ៉ាក់សាំងមួយដូសក្នុងចំណោមពីរដូស ។
ទន្ទឹមនឹងនេះការចូលសម្រាកព្យាបាលនៅមន្ទីរពេទ្យនៃអ្នកជំងឺកូវីដ ១៩ បានឈានដល់កម្រិតទាបបំផុតចាប់តាំងពីខែវិច្ឆិកា ខណៈពួកគេមួយចំនួនបានចាក់វ៉ាក់សាំង ។ ទោះយ៉ាងណាអ្នកជំនាញនៅតែផ្តល់អនុសាសន៍ឲ្យបន្តការប្រើប្រាស់ម៉ាសមុខ និងវិធានការគម្លាតសង្គមដើម្បីឲ្យមានចំនួនករណីឆ្លងរឹតតែធ្លាក់ចុះ ។
គួរបញ្ជាក់ថា គិតត្រឹមពេលនេះសហរដ្ឋអាមេរិកនៅតែស្ថិតលើកំពូលតារាងនៃករណីឆ្លងជំងឹកូវីដ ១៩ ទូទាំងពិភពលោកដោយមានអ្នកឆ្លងចំនួន ២៨,៨៩៧,៧១៨ នាក់ និងមានអ្នកស្លាប់ ៥១៤,៩៩ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Businessinsider
ចុចអាន ៖ កំពូលកីឡាករវាយកូនហ្គោល Tiger Woods ជួបហេតុការណ៍ក្រឡាប់រថយន្ត
ចុចអាន ៖ កំពុងព្រួយបារម្ភ! សមយុទ្ធធំបំផុតមួយរបស់ពិភពលោក អាចបង្កជំងឺរាតត្បាតថ្មី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត