ព័ត៌មានអន្ដរជាតិ
តៃវ៉ាន់ ថា នាវា ចិន ១១ គ្រឿងបើកចូលដែនទឹកក្បែរកោះ Kinmen
នាវាចិនចំនួន ១១ គ្រឿងបានបើកចូលក្នុងដែនទឹកក្បែរប្រជុំកោះ Kinmen ដែលគ្រប់គ្រងដោយតៃវ៉ាន់ ប៉ុន្តែកម្លាំងដែនកោះមួយនេះក៏រារាំងនាវាចិនមិនឲ្យចូលក្នុងដែនទឹកដោយគ្មានការអនុញ្ញាតនោះដែរ ។ នេះបើយោងតាមការចេញផ្សាយដោយទូរទស្សន៍ជាតិជប៉ុន NHK នៅថ្ងៃទី១០ ខែឧសភានេះ ។
ឆ្មាំសមុទ្ររបស់កោះតៃវ៉ាន់និយាយថា នាវាចិនចំនួន ៧ គ្រឿង រួមទាំងនាវាល្បាតដែនសមុទ្រ និងនាវានេសាទបានចូលទន្ទ្រានក្នុងដែនទឹកកាលពីរសៀលថ្ងៃព្រហស្បតិ៍ ក្នុងនោះមាននាវាឆ្មាំឆ្នេរសមុទ្រចិនចំនួន ៤ គ្រឿងបានបើកចូលទៅក្នុងដែនទឹកដែលត្រូវបានហាមឃាត់ ។
នាវាចិនទាំង ១១ គ្រឿងបានឈប់នៅក្នុងដែនទឹកនេះប្រហែល ៩០ នាទី បើទោះបីជាទូកល្បាតរបស់តៃវ៉ាន់ព្រមានពួកគេឲ្យចាកចេញក៏ដោយ ខណៈវាជាលើកទី ៤ ហើយនៅក្នុងខែឧសភាដែលកប៉ាល់ឆ្មាំសមុទ្ររបស់ចិនបានធ្វើដំណើរចូលទៅក្នុងតំបន់នោះ និងជាលើកដំបូងហើយ ដែលនាវាឆ្មាំឆ្នេរសមុទ្រចិនចូលរួមជាមួយនាវានៃទីភ្នាក់ងាររដ្ឋាភិបាលផ្សេងទៀតចូលក្នុងដែនទឹកនេះ ។
គួរបញ្ជាក់ថា កាលពីខែកុម្ភៈ អ្នកនេសាទជនជាតិចិន ២ នាក់បានស្លាប់ បន្ទាប់ពីទូករបស់ពួកគេបានលិច ខណៈពេលដែលត្រូវបានឆ្មាំសមុទ្ររបស់តៃវ៉ាន់ដេញតាមនៅក្នុងដែនទឹកក្បែរកោះ Kinmen ដែលនាំឲ្យប្រទេសចិនចេញការឆ្លើយតបថា គ្មានដែនទឹកណាដែលត្រូវបានហាមឃាត់នោះទេ ។
ទោះយ៉ាងណា ក្រុមអ្នកវិភាគបានលើកឡើងថា នេះជាសកម្មភាព ក៏ដូចជាទង្វើរបស់ប្រទេសចិនដើម្បីព្យាយាមដាក់សម្ពាធទៅលើរដ្ឋបាលថ្មីរបស់តៃវ៉ាន់គឺលោក Lai Ching-te ដែលគ្រោងនឹងស្បថចូលកាន់តំណែងនាថ្ងៃទី២០ ខែឧសភាខាងមុខនេះ ៕
អត្ថបទ៖ ប៊ុន សុភាព
-
សេដ្ឋកិច្ច៤ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៥ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
សេដ្ឋកិច្ច១ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង
-
ជីវិតកម្សាន្ដ៥ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៤ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៥ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ