ព័ត៌មានអន្ដរជាតិ
តុលាការសិង្ហបុរី បង្គាប់ឲ្យប្អូនប្រុសអតីតនាយករដ្ឋមន្ត្រី បង់ប្រាក់ពិន័យជិត៣០ម៉ឺនដុល្លារ
ប្អូនប្រុសរបស់លោក Lee Hsien Loong អតីតនាយករដ្ឋមន្ត្រីសិង្ហបុរី ត្រូវបានបង្គាប់បញ្ជាដោយតុលាការឲ្យបង់ប្រាក់ពិន័យចំនួន ២៩៦ ០០០ដុល្លារទៅកាន់រដ្ឋមន្ត្រី២រូប នៅក្នុងបណ្ដឹងបរិហារកេរ្តិ៍។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី២៤ ខែឧសភា ឆ្នាំ២០២៤។
![](https://www.kampucheathmey.com/wp-content/uploads/2024/05/2265386.jpg)
លោក Lee Hsien Yang ដែលជាប្អូនប្រុសបង្កើតតែផ្ដាច់ទំនាក់ទំនងជាមួយលោក Lee Hsien Loong បានធ្វើការចោទប្រកាន់រដ្ឋមន្ត្រីចំនួន២រូបគឺលោក Vivian Balakrishnan រដ្ឋមន្ត្រីការបរទេស និងលោក K.Shanmugam រដ្ឋមន្ត្រីច្បាប់ ថាបានលួចជួលទ្រព្យសម្បត្តិរដ្ឋដោយខុសច្បាប់។
កាលពីខែកក្កដា ឆ្នាំ២០២៣ លោក Yang ត្រូវបានរដ្ឋាភិបាលសិង្ហបុរីបញ្ជាឲ្យលុបការបង្ហោះសារនៅលើបណ្ដាញសង្គមហ្វេសប៊ុក ដែលសរសេរចោទប្រកាន់រដ្ឋមន្ត្រី បន្ទាប់ពីមានការស៊ើបអង្កេតនៅខែមិថុនា ឆ្នាំ២០២៣ រកមិនឃើញអំពើពុករលួយដូចដែលព័ត៌មានបានចោទប្រកាន់នោះទេ។
![](https://www.kampucheathmey.com/wp-content/uploads/2024/05/54953af5-4639-4d47-a3a2-33ec8cca0208_bd89a4c9.webp)
តុលាការសិង្ហបុរី បានប្រាប់ថា លោក Yang មិនបានសូមទោស ឬក៏លុបការបង្ហោះសារឡើយ ថ្វីត្បិតរដ្ឋមន្ត្រីទាំង២ដែលរងការចោទប្រកាន់ បានផ្ដល់ឱកាសឲ្យលុបលាងកំហុសក៏ដោយ។ ផ្ទុយទៅវិញ លោក Yang បែរជាបង្ហោះសារថាលោកនៅតែឈរលើគោលជំហរចំពោះអ្វីដែលលោកធ្លាប់បាននិយាយ។
បន្ថែមពីលើប្រាក់ពិន័យ តុលាការសិង្ហបុរី បានផ្ដល់ប្រាក់រង្វាន់ជាសំណងលើកទឹកចិត្តចំនួន ១៤៨ ០០០ដុល្លារឲ្យរដ្ឋមន្ត្រីទាំង២រូបផងដែរ។
![](https://www.kampucheathmey.com/wp-content/uploads/2024/05/lee-hsien-yang-lee-hsien-loong-lawyers.jpg)
សូមបញ្ជាក់ថា លោក Lee Hsien Yang គឺជាកូនប្រុសពៅរបស់លោក លី ក្វាន់យូ ដែលជានាយករដ្ឋមន្ត្រីដំបូងបំផុត និងជាស្ថាបនិកនៃប្រទេសសិង្ហបុរី។ លោក Yang និងបងប្រុសគឺលោក Lee Hsien Loong ដែលជាអតីតនាយករដ្ឋមន្ត្រីទី៣របស់សិង្ហបុរី បានផ្ដាច់ទំនាក់ទំនងនឹងគ្នា ជុំវិញជម្លោះដណ្ដើមផ្ទះមួយកន្លែង ដែលបន្សល់ទុកដោយឳពុក។
លោក Yang បានឈរនៅខាងបក្សប្រឆាំង នៅក្នុងការបោះឆ្នោតឆ្នាំ២០២០កន្លងទៅ ហើយធ្លាប់ប្រកាសជាសាធារណៈថា លោកមានបំណងចង់ឈរឈ្មោះដណ្ដើមតំណែងជាប្រធានាធិបតីថែមទៀតផង៕
ដោយ៖ ឈាង
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ