ព័ត៌មានអន្ដរជាតិ

ក្រុមហ៊ុនអវកាស ឥណ្ឌា ផ្អាកបាញ់គ្រាប់រ៉ុកកែតទៅលំហអាកាសជាលើកទី ៤

បានផុស

២ years មុន

នៅ

ថ្ងៃព្រហស្បតិ៍ ៣០ ឧសភា ២០២៤

ដោយ

ក្រុមហ៊ុនអវកាស Agnikul Cosmos របស់ប្រទេសឥណ្ឌាបានលុបចោលការបាញ់បង្ហោះគ្រាប់រ៉ុកកែតដំបូងរបស់ខ្លួនប៉ុន្មានវិនាទី មុនពេលបាញ់បង្ហោះ បន្ទាប់ពីមានបញ្ហាបច្ចេកទេស ហើយនេះជាការលុបចោលលើកទី ៤ ក្នុងរយៈពេល ៣ ខែចុងក្រោយនេះ ។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Al Jazeera កាលពីថ្ងៃទី២៩ ខែឧសភា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបាញ់បង្ហោះរ៉ុកកែត Agnikul Cosmos Agnibaan ដែលផលិតដោយក្រុមហ៊ុនឯកជនរបស់ប្រទេសឥណ្ឌា Agnikul Cosmos និងជារ៉ុកកែតទីមួយដែលប្រើឧស្ម័ន និងឥន្ធនៈរាវរួមបញ្ចូលគ្នាត្រូវបានលុបចោលមុនការបាញ់បង្ហោះជាលើកទី ៤ ក្នុងរយៈពេល ៣ ខែ បូករួមទាំងការបាញ់បង្ហោះចុងក្រោយនេះ ដោយសារបញ្ហាបច្ចេកទេស ។

ការបាញ់បង្ហោះនេះបានគ្រោងទុកនៅព្រឹកថ្ងៃពុធ ប៉ុន្តែត្រូវបានពន្យារពេលជាលើកដំបូងនៅ ៦ នាទី មុនពេលបាញ់ចេញដោយសារតែបញ្ហាបច្ចេកទេស ហើយក៏មានការដូរពេលវេលាបាញញ់ផងដែរ ។ យ៉ាងណាក៏ដោយ ត្រឹមតែ ៥ វិនាទីប៉ុណ្ណោះមុនពេលការបាញ់ចេញនោះ វាត្រូវបានផ្អាកជាបណ្ដោះអាសន្នម្ដងទៀត ដើម្បីពិនិត្យមើលការដំណើរការរបស់ឧបករណ៍បញ្ឆេះ បន្ទាប់មកត្រូវបានបញ្ឈប់ទាំងស្រុងតែម្ដង ។

គួរបញ្ជាក់ថា គ្រាប់រ៉ុកកែត Agnikul Cosmos Agnibaan គឺជាយានបាញ់បង្ហោះមួយដែលអាចផ្ទុករបស់របររហូតដល់ ៣០០ គីឡូក្រាម ទៅកាន់គន្លងលំហអាកាសប្រហែល ៧០០ គីឡូម៉ែត្រ ខណៈរ៉ុកកែត Falcon Heavy របស់ក្រុមហ៊ុន SpaceX អាចដាក់ទម្ងន់រហូតដល់ ៦៣,៥០០ គីឡូក្រាមទៅកាន់គន្លងផែនដី ៕