Connect with us

ព័ត៌មានអន្ដរជាតិ

លោក Macron​ រំលាយសភា និងរៀបចំការបោះឆ្នោតបន្ទាន់

បានផុស

នៅ

តាមការចុះផ្សាយរបស់ AFP នៅថ្ងៃចន្ទទី១០ខែមិថុនា ដោយមើលឃើញពីស្ថានការណ៍មិនសូវស្រួល ប្រធានាធិបតីបារាំងលោក Emmanuel Macron បានសម្រេចចិត្តរំលាយសភា និងប្រកាសរៀបចំការបោះឆ្នោតបន្ទាន់ដើម្បីរើសតំណាងរាស្រ្តថ្មី ក្រោយពេលគណបក្ស Renaissance របស់ខ្លួន រងបរាជ័យក្នុងការបោះឆ្នោតសហភាពអឺរ៉ុប។

ប្រធានាធិបតីបារាំងលោក Emmanuel Macron (រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Macron ធ្វើការសម្រេចចិត្តដ៏គួរឲ្យភ្ញាក់ផ្អើលបែបនេះ នៅក្នុងសុន្ទរកថាតាមទូរទស្សន៍ចេញពីវិមាន Élysée មួយម៉ោង បន្ទាប់ពីការបោះឆ្នោតត្រូវបានបិទបញ្ចប់។

យោងតាមលទ្ធផលបឋម គណបក្ស National Rally ដែលដឹកនាំដោយលោក Jordan Bardella មានទំនាក់ទំនងជាមួយលោកស្រី Marine Le Pen បច្ចុប្បន្នកំពុងទទួលបានសំឡេងគាំទ្រ ៣២% ​ខណៈសម្ព័ន្ធភាពរបស់លោក Macron មានសំឡេងឆ្នោតត្រឹម ១៥%ប៉ុណ្ណោះ។

(រូបថត៖ AP)

ពាក់ព័ន្ធការសម្រេចចិត្តរំលាយសភានេះ លោក Macron ពន្យល់ថា លោកទទួលស្គាល់ថាលទ្ធផលឆ្នោតបែបនេះ មិនជាមិនល្អសម្រាប់រដ្ឋាភិបាលរបស់ខ្លួន ហើយលោក Macron ក៏ព្រមានអំពីការងើបឡើងនៃកងកម្លាំងជាតិនិយម ដែលនឹងបង្កគ្រោះថ្នាក់ទាំងចំពោះប្រទេសបារាំង និងសហភាពអឺរ៉ុបទាំងមូលផងដែរ។ នេះគឺជាការសម្រេចចិត្តដ៏ពិបាក ប៉ុន្តែសំខាន់។ លោកជឿជាក់លើប្រជាជនបារាំង ដែលនឹងបង្ហាញពីជម្រើសដ៏ល្អបំផុតសម្រាប់ខ្លួនឯង និងសម្រាប់មនុស្សជំនាន់ក្រោយ។

តាមសេចក្តីប្រកាសរបស់លោក Macron, ការ​បោះ​ឆ្នោត​ពីរ​ដំណាក់កាល ​នឹង​ប្រព្រឹត្ត​ទៅ​នៅ​ថ្ងៃ​ទី ៣០ ខែ​មិថុនា និង​ថ្ងៃ​ទី ៧ ខែ​កក្កដា ពោលគឺប៉ុន្មាន​សប្តាហ៍​ប៉ុណ្ណោះ មុន​ព្រឹត្តិការណ៍​អូឡាំពិក​ក្រុង​ប៉ារីស។

ក្នុងការបោះឆ្នោតនីតិបញ្ញត្តិចុងក្រោយបំផុតកាលពីឆ្នាំ២០២២ គណបក្សរបស់លោក Macron បានឈ្នះអាសនៈលើសគេ ប៉ុន្តែបាត់បង់សំឡេងភាគច្រើននៅក្នុងរដ្ឋសភា ដោយបង្ខំឲ្យសមាជិកសភាពិបាកអនុម័តសេចក្តីព្រាងច្បាប់៕

អត្ថបទ៖ សុខ សុវណ្ណ

ចុចអាន៖ លោក Macron ប្រកាសបញ្ជូនយន្តហោះចម្បាំង ទៅឲ្យ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម