លោក Duterte ចុះហត្ថលេខាលើច្បាប់ផ្ដល់សំណងដល់ក្រុមហ៊ុនវ៉ាក់សាំង បើការចាក់មានប្រតិកម្ម
Connect with us
Helistar Cambodia - Helicopter Charter Services

ព័ត៌មានអន្ដរជាតិ

លោក Duterte ចុះហត្ថលេខាលើច្បាប់ផ្ដល់សំណងដល់ក្រុមហ៊ុនវ៉ាក់សាំង បើការចាក់មានប្រតិកម្ម

បានផុស

នៅ

ប្រធានាធិបតីហ្វីលីពីន Rodrigo Duterte កាលពីថ្ងៃសុក្រ ទី២៦ ខែកុម្ភៈ បានចុះហត្ថលេខាលើច្បាប់មួយដែលផ្តល់សំណងដល់ក្រុមហ៊ុនផលិតវ៉ាក់សាំង ប្រសិនបើការចាក់វ៉ាក់សាំងការពារជំងឺកូវីដ ១៩ របស់ពួកគេបណ្តាលឲ្យមានផលប៉ះពាល់មិនល្អ ពោលប៉ុន្មានថ្ងៃមុនប្រទេសចាប់ផ្តើមយុទ្ធនាការចាក់ថ្នាំបង្ការរោគ ។

ទោះបីជាស្ថិតក្នុងចំណោមប្រទេសមួយដែលមានករណីឆ្លងជំងឺកូវីដ ១៩ ច្រើនបំផុតនៅក្នុងទ្វីបអាស៊ីក៏ដោយ ប៉ុន្តែហ្វីលីពីនជាប្រទេសអាស៊ីចុងក្រោយបង្អស់ដែលបានទទួលវ៉ាក់សាំងកញ្ចប់ដំបូង ។

នៅក្នុងសេចក្តីថ្លែងការណ៍មួយ ការិយាល័យប្រធានាធិបតីបាននិយាយថា ច្បាប់នេះនឹងតាមដានយ៉ាងរហ័សនូវការទិញ និងការចាក់វ៉ាក់សាំង ។ ច្បាប់នេះគ្របដណ្តប់ការបង្កើតមូលនិធិសំណងចំនួន ៥០០ លានប៉េសូ (១០.២៦ លានដុល្លារអាមេរិក) ដើម្បីទូទាត់សំណងសម្រាប់ផលប៉ះពាល់ធ្ងន់ធ្ងរដែលបណ្តាលមកពីការប្រើប្រាស់បន្ទាន់របស់ដូសនៃវ៉ាក់សាំង ។

អវត្តមាននៃកម្មវិធីសំណងបានពន្យារពេលការផ្តល់វ៉ាក់សាំងក្រុមហ៊ុន Pfizer-BioNTech ចំនួន ១១៧,០០០ ដូសដែលបានបរិច្ចាគតាមរយៈកម្មវិធី COVAX ខណៈរដ្ឋាភិបាលបានគ្រោងនឹងប្រើដូសទាំងនោះដើម្បីចាប់ផ្តើមចាក់វ៉ាក់សាំងនៅពាក់កណ្តាលខែកុម្ភៈ ។

ទន្ទឹមនោះប្រទេសហ្វីលីពីននឹងផ្តល់ការចាក់វ៉ាក់សាំង Sinovac Biotech ចំនួន ៦០០,០០០ ដូសដែលបានផ្តល់ដោយប្រទេសចិននៅថ្ងៃអាទិត្យដែលអនុញ្ញាតឲ្យប្រទេសអាស៊ីអាគ្នេយ៍មួយនេះចាប់ផ្តើមចាក់ថ្នាំបង្ការដល់បុគ្គលិកសុខាភិបាល និងទាហាន ។

បន្ថែមពីនេះប្រទេសហ្វីលីពីនក៏កំពុងចរចាលើកិច្ចព្រមព្រៀងផ្គត់ផ្គង់ជាមួយក្រុមហ៊ុនផលិតចំនួន ៧ ផ្សេងទៀតសម្រាប់វ៉ាក់សាំងជំងឺកូវីដ១៩ ចំនួន ១៤៨ លានដូស ដូច្នេះវាអាចចាក់ដល់មនុស្សពេញវ័យចំនួន ៧០ លាននាក់ឬ ២ ភាគ ៣ នៃប្រជាជនជាង ១០៨ លាននាក់ ។

គួរបញ្ជាក់ថា គិតត្រឹមពេលនេះប្រទេសហ្វីលីពីនមានករណីឆ្លងជំងឺកូវីដ ១៩ ចំនួន ៥៧១,៣២៧ ករណី និងមានអ្នកស្លាប់ចំនួន ១២,២៤៧ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ហ្វីលីពីនស្នើដោះដូរគិលានុបដ្ឋាយិកាជាមួយនឹងវ៉ាក់សាំងកូវីដ

ចុចអាន ៖ ហ្វីលីពីនចាក់វ៉ាក់សាំងកូវីដដល់កងទ័ព និងរដ្ឋមន្ត្រី មុនការអនុម័តប្រើប្រាស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

កត្តា​ចំនួន៤ ធ្វើឱ្យការនាំចេញអង្ករកម្ពុជា មានការធ្លាក់ចុះ

ព័ត៌មានអន្ដរជាតិ១៤ នាទី មុន

ក្តី​សង្ឃឹម​សម្រាប់​ប្រទេស​ក្រី​ក្រ​​ WHO រៀប​គម្រោង​ទិញ​ថ្នាំ​ Molnupiravir​ តម្លៃ​តែ​១០​ដុល្លារ​ក្នុង​១សិត

ព័ត៌មានជាតិ១៧ នាទី មុន

ដើរល្បាតតាមព្រំដែន​ ប្រទះការ៉ុង​សង្ស័យ​​ បើក​មើល​សុទ្ធ​តែ​បង់​គ្រាប់​កំាភ្លើង

ព័ត៌មានជាតិ៥០ នាទី មុន

លោកស្រី ឱ វណ្ណឌីន ណែនាំឱ្យស្រង់ចំនួនតាមផ្ទះ នូវអ្នកមិនទាន់ចាក់វ៉ាក់សាំងកូវីដ-១៩

ព័ត៌មានជាតិ១០ ម៉ោង មុន

​មន្ត្រីជាន់ខ្ពស់​ក្រសួងព័ត៌មាន​ឆ្លើយ​បំភ្លឺ​ពាក់ព័ន្ធ​ករណី​ឃ្លាំ​មើល​ប្រចាំ​ត្រី​មាស​ជាលើក​ដំបូង​របស់ខ្លួន​ស្តី​ពីស្ថានភាព​អ្នកសារព័ត៌មាន​នៅកម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services