ព័ត៌មានអន្ដរជាតិ

លោកស្រី Hasina នឹងត្រឡប់ទៅបង់ក្លាដែស ឈរឈ្មោះក្នុងការបោះឆ្នោតថ្មី

បានផុស

២ years មុន

នៅ

ថ្ងៃសុក្រ ៩ សីហា ២០២៤

ដោយ

Chheang

អតីតនាយករដ្ឋមន្ត្រីបង់ក្លាដែស លោកស្រី Sheika Hasina នឹងត្រឡប់ចូលក្នុងប្រទេសវិញ បន្ទាប់ពីរដ្ឋាភិបាលបណ្ដោះអាសន្នរៀបចំការបោះឆ្នោតសាជាថ្មីរួចរាល់នាពេលខាងមុខ។ នេះបើយោងតាមការលើកឡើងរបស់លោក Sajeeb Wazed Joy កូនប្រុសរបស់លោកស្រី Hasina។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Hasina បានរត់ភៀសខ្លួនទៅប្រទេសឥណ្ឌា កាលពីថ្ងៃចន្ទ ក្រោយពីផ្ទុះកុបកម្មអស់រយៈពេលជាច្រើនសប្ដាហ៍ប្រឆាំងឲ្យលោកស្រីលាលែងពីតំណែង។ រដ្ឋាភិបាលបណ្ដោះអាសន្ននៅបង់ក្លាដែស ត្រូវបានដឹកនាំដោយលោក Muhammad Yunus ដែលជាម្ចាស់ពានរង្វាន់ណូបែលសន្តិភាព។ រដ្ឋាភិបាលថ្មីនេះ នឹងមានតួនាទីរៀបចំការបោះឆ្នោតជាតិឡើងវិញម្ដងទៀត ក្រោយការលាលែងតំណែងរបស់លោកស្រី Hasina។

លោក Joy កូនប្រុសលោកស្រី Hasina បានប្រាប់ទៅសារព័ត៌មាន Times of India ថា៖ «ក្នុងពេលបណ្ដោះអាសន្ននេះ គាត់នៅក្នុងប្រទេសឥណ្ឌា។ គាត់នឹងត្រឡប់ទៅបង់ក្លាដែសនៅពេលរដ្ឋាភិបាលបណ្ដោះអាសន្នសម្រេចរៀបចំការបោះឆ្នោត»។ លោក Joy បានបន្ថែមថា បើសិនជាចាំបាច់ លោកនឹងចូលរួមក្នុងឆាកនយោបាយផងដែរ ដោយនិយាយថា៖ «ខ្ញុំប្រាកដថា គណបក្ស Awami League នឹងចូលរួមក្នុងការបោះឆ្នោត ហើយយើងប្រហែលជាយកឈ្នះ»។

គណបក្ស Awami League របស់លោកស្រី Hasina មិនមានវត្តមាននៅក្នុងរដ្ឋាភិបាលបណ្ដោះអាសន្ននោះទេ ព្រោះតែកុបកម្មរបស់ក្រុមនិស្សិតកាន់តែរីកធំឡើងប្រឆាំងនឹងអតីតនាយករដ្ឋមន្ត្រីដែលកាន់អំណាចតាំងពីឆ្នាំ១៩៩៦។ ក្នុងកុបកម្មនេះ ក៏មានមនុស្សបាត់បង់ជីវិតប្រមាណ ៣០០នាក់ និងរងរបួសរាប់ពាន់នាក់ឯណោះ។

លោកស្រី Hasina កំពុងគេចខ្លួនទៅស្នាក់អាស្រ័យនៅក្នុងផ្ទះសុវត្ថិភាពនៃរដ្ឋធានី New Delhi ប្រទេសឥណ្ឌា។ បើតាមប្រព័ន្ធផ្សព្វផ្សាយឥណ្ឌា លោកស្រីមានគម្រោងស្វែងរកសិទ្ធិជ្រកកោននៅក្នុងចក្រភពអង់គ្លេស។ យ៉ាងណា រដ្ឋាភិបាលអង់គ្លេសបានបដិសេធសុំមិនធ្វើអត្ថាធិប្បាយលើរឿងនេះទេ៕

ដោយ៖ ឈាង

ចុចអាន៖ បង់ក្លាដែស ជ្រើសតាំងម្ចាស់ជ័យលាភីពានរង្វាន់ណូបែលម្នាក់ជាប្រមុខរដ្ឋបណ្ដោះអាសន្ន

Related Topics:បាតុកម្ម ប្រទេសបង់ក្លាដែស លោកស្រី Sheikh Hasina

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា