ព័ត៌មានអន្ដរជាតិ
លិចទូកជនចំណាកស្រុកបណ្តាលឱ្យបាត់ខ្លួន២១នាក់នៅកោះអ៊ីតាលី
មនុស្សចំនួន៧នាក់ត្រូវបានជួយសង្គ្រោះ និង២១នាក់ទៀតនៅតែបាត់ខ្លួននៅក្នុងសមុទ្រនៅឡើយ បន្ទាប់ពីទូកដែលពួកគេជិះបានលិចក្នុងពេលធ្វើដំណើរក្នុងបំណងធ្វើចំណាកស្រុក។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី៥ខែកញ្ញានេះ។
ប្រធានអង្គការសហប្រជាជាតិទទួលបន្ទុកជនភៀសខ្លួន (UNHCR) នៅក្នុងប្រទេសអ៊ីតាលី បានឲ្យដឹងថា អ្នកនៅរស់រានមានជីវិតដែលជាជនជាតិស៊ីរីទាំងអស់ត្រូវបានស្រង់ចេញពីទូកលិចបានពាក់កណ្ដាលនៅចម្ងាយប្រហែល ១៨,៥គីឡូម៉ែត្រភាគនិរតីនៃទីក្រុង Lampedusa។ អ្នកទាំងនោះស្ថិតក្នុងស្ថានភាពធ្ងន់ធ្ងរ ខណៈសាច់ញាតិរបស់ពូកគេនៅតែបាត់ខ្លួនក្នុងសមុទ្រ។
បើតាមសម្ដីអ្នកនៅរស់រានមានជីវិតបានប្រាប់អ្នកជួយសង្គ្រោះថា ពួកគេបានចេញដំណើរកាលពីថ្ងៃអាទិត្យពីប្រទេសលីប៊ី ហើយមនុស្ស២១នាក់ក្នុងចំណោម២៨នាក់ដែលពួកគេជិះក្នុងនោះ មានកុមារ៣នាក់បានធ្លាក់ចូលក្នុងសមុទ្រអំឡុងពេលអាកាសធាតុអាក្រក់ ខណៈទូកបានក្រឡាប់ដោយទុកឱ្យមនុស្សនៅជាប់នឹងទូក ស្របពេលដែលសមាជិកគ្រួសាររបស់ពួកគេបានលង់ទឹកស្លាប់។
លើសពីនេះការិយាល័យរបស់ទីភ្នាក់ងារជនភៀសខ្លួនរបស់អង្គការសហប្រជាជាតិរបស់ប្រទេសអ៊ីតាលីបានប្រាប់ទីភ្នាក់ងារសារព័ត៌មានរ៉យទ័រថា ប្រជាជនស៊ូដង់ក៏នៅលើទូកដែរ ដែលត្រូវបានគេជឿថាទូកបានចាកចេញពីកំពង់ផែ Sabratha ភាគខាងលិចទីក្រុងTripoli។ បន្ទាប់ពីហេតុការណ៍នេះឆ្មាំឆ្នេរសមុទ្របាននាំអ្នករស់រានមានជីវិតទៅកាន់កោះ Lampedusa ហើយបានដាក់ពង្រាយកងនាវាចរ និងអាកាស ដើម្បីស្វែងរកអ្នកបាត់ខ្លួន។
គួរបញ្ជាក់ថា សមុទ្រមេឌីទែរ៉ាណេ គឺជាផ្លូវទឹកធ្វើចំណាកស្រុកដែលមានមនុស្សស្លាប់ច្រើនជាងគេបំផុតក្នុងពិភពលោក។យោងតាមអង្គការអន្តរជាតិសម្រាប់ការធ្វើចំណាកស្រុក ជនចំណាកស្រុកជាង២៥០០នាក់បានស្លាប់ ឬបាត់ខ្លួនដោយការប៉ុនប៉ងឆ្លងកាត់កាលពីឆ្នាំមុន និង១០៤៧នាក់នៅឆ្នាំនេះគិតត្រឹមថ្ងៃអង្គារ។
ទោះយ៉ាងណា តួលេខថ្មីៗបំផុតពីក្រសួងមហាផ្ទៃអ៊ីតាលីបានកត់ត្រាថា ជនចំណាកស្រុកជាង ៤៣០០០នាក់បានទៅដល់ប្រទេសអ៊ីតាលីក្នុងឆ្នាំ២០២៤ ពោលគឺធ្លាក់ចុះយ៉ាងច្រើនធៀបឆ្នាំមុន៕
អត្ថបទ៖ ប៊ុន សុភាព
-
សេដ្ឋកិច្ច៧ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ១ សប្តាហ៍ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៧ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច១ សប្តាហ៍ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សេចក្ដីជូនដំណឹង២ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍៤ ម៉ោង ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង១ សប្តាហ៍ ago
បុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»
-
ព័ត៌មានជាតិ៥ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន