ព័ត៌មានអន្ដរជាតិ

យោធាអ៊ីរ៉ង់ វាយប្រហារតាមអាកាសចំនួន ៧លើក លើមូលដ្ឋានទ័ពអាមេរិក នៅហ្ស៊កដានី

បានផុស

១៣ វិនាទី មុន

នៅ

ថ្ងៃពុធ ១៥ កក្កដា ២០២៦

ដោយ

អ៊ីរ៉ង់ បានលើកឡើងនៅព្រឹកថ្ងៃពុធនេះ ថា ខ្លួនបានបើកការវាយប្រហារដោយដ្រូនជាលើកទី៧ លើមូលដ្ឋាន ទ័ពអាកាសរបស់សហរដ្ឋអាមេរិក ក្នុងប្រទេសហ្ស៊កដានី បន្ទាប់ពីការផ្ទុះអាវុធឈានដល់ថ្ងៃទី៤ជាប់ៗគ្នា។

ក្នុងសេចក្តីថ្លែងការណ៍មួយចេញផ្សាយដោយទីភ្នាក់ងារសារព័ត៌មានអ៊ីរ៉ង់ Tasnim កងទ័ពឆ្មាំបដិវត្តន៍អ៊ីរ៉ង់បានលើកឡើងថា ការវាយប្រហារនេះផ្តោតលើទីតាំងយន្តហោះចម្បាំង F-18 អគារស្នាក់នៅ និងឃ្លាំងផ្ទុកសម្ភារៈយោធាធំមួយដែលប្រើប្រាស់ដោយកងកម្លាំងអាមេរិក នៅមូលដ្ឋានទ័ពអាកាស Azraq ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កងទ័ពអ៊ីរ៉ង់ បានបន្តថា ប្រតិបត្តិការនេះគឺជាផ្នែកមួយនៃយុទ្ធនាការរបស់ខ្លួនប្រឆាំងនឹងមូលដ្ឋានទ័ពនិងសម្ភារៈយោធាអាមេរិកក្នុងតំបន់។

ការវាយប្រហារចុងក្រោយបំផុត បានកើតឡើងបន្ទាប់ពីការវាយប្រហារដោយដ្រូនចំនួន ៦លើកមុនៗធ្វើឡើង ដើម្បីឆ្លើយតបទៅនឹងការរំលោភលើបទឈប់បាញ់របស់សហរដ្ឋអាមេរិក និងការវាយប្រហារលើទឹកដីអ៊ីរ៉ង់។

កងទ័ពបានសន្យាថានឹងបន្តប្រតិបត្តិការ ដោយនិយាយថា ការវាយប្រហារណាមួយលើដីគោក ដែនទឹក ឬដែនអាកាសរបស់អ៊ីរ៉ង់នឹងទទួលបានការឆ្លើយតបវិញ។

ការប្រកាសនេះបានកើតឡើង ពេលប្រព័ន្ធផ្សព្វផ្សាយអ៊ីរ៉ង់បានរាយការណ៍ពីការផ្ទុះថ្មីៗក្នុងទីតាំងយ៉ាងហោចណាស់ ៧កន្លែងនៅទូទាំងប្រទេស ចំពេលមានការប្រឈមមុខដាក់គ្នាខាងយោធាកាន់តែខ្លាំងឡើងជាមួយសហរដ្ឋអាមេរិក។

គួរបញ្ជាក់ថា ភាពតានតឹងបានកើនឡើងរវាងសហរដ្ឋអាមេរិក និងអ៊ីរ៉ង់លើច្រកសមុទ្រ Hormuz ក្នុងរយៈពេលប៉ុន្មានថ្ងៃថ្មីៗនេះ ដោយភាគីទាំងពីរបានផ្លាស់ប្តូរការវាយប្រហារគ្នា ទោះបីជាមានអនុស្សរណៈនៃការយោគយល់គ្នាដែលសម្របសម្រួលដោយប៉ាគីស្ថាន ក្នុងគោលបំណងបញ្ចប់ជម្លោះ និងឈានដល់កិច្ចព្រមព្រៀងសន្តិភាពយូរអង្វែងក៏ដោយ៕

សម្រួល៖ ណឺ មិនា