ព័ត៌មានអន្ដរជាតិ

រឿងសំខាន់ៗត្រូវដឹង ក្រោយចាក់វ៉ាក់សាំងរួច

បានផុស

៥ years មុន

នៅ

ថ្ងៃពុធ ១០ មីនា ២០២១

ដោយ

ក្រោយចាក់វ៉ាកសាំងរួច គ្រូពេទ្យប្រាកដជាណែនាំដល់អ្នកទាំងនោះឲ្យត្រណមនឹងប្រការផ្សេង។ នេះជារឿងគួរធ្វើនិងមិនគួរ ក្រោយទទួលវ៉ាក់សាំងរួច៖

១ តើអាចអញ្ជើញក្រុមគ្រួសារទៅញ៉ាំអាហារពេលល្ងាចបានទេ បន្ទាប់ពីទទួលថ្នាំបង្ការរួចរាល់?

ការសិក្សាបង្ហាញថា កម្រិតវ៉ាក់សាំង Oxford / AstraZeneca ដំបូងផ្ដល់នូវការការពាររហូតដល់ ៧៦% ប្រឆាំងនឹងជំងឺ ប៉ុន្តែមិនមែនមានប្រសិទ្ធភាពពេញលេញទេ។ អ្នកខ្លះមិនទាន់បានទទួលការចាក់វ៉ាក់សាំងលើកទី ២ របស់ពួកគេនៅឡើយ មានន័យថាវានឹងមិនទាន់មានប្រសិទ្ធភាពខ្ពស់នោះទេ ឬសូម្បីតែអ្នកដែលបានចាក់វ៉ាកសាំងរួចក៏អាចចម្លងវីរុសបានដែរ។ ដូច្នេះការរស់នៅឡូកឡំគឺមិនមានសុវត្ថិភាពឡើយ។

២ អ្នកចាក់វ៉ាក់សាំងរួចអាចទៅហាងទិញទំនិញបានទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមវិធានការណ៍ដែលបានប្រកាសនៅថ្ងៃទី ៥ ខែមករា អ្នកណាម្នាក់ដែលស្ថិតក្រោមប្រភេទ“ ងាយរងគ្រោះខ្លាំងបំផុត” ត្រូវបានណែនាំឲ្យនៅផ្ទះនិងស្វែងរកការដឹកទំនិញតាមរយៈអនឡាញវិញ។ ទោះយ៉ាងណាក៏ដោយ ប្រសិនបើដាច់ខាតត្រូវតែហាងទំនិញដោយសារតែតម្រូវការចាំបាច់ អ្នកត្រូវតែប្រកាន់ខ្ជាប់នូវច្បាប់នៃការឃ្លាតឆ្ងាយពីសង្គម។

៣ អ្នកចាក់វ៉ាក់សាំងនៅតែត្រូវពាក់ម៉ាស់មែនទេ?

មិនថាអ្នកបានចាក់វ៉ាក់សាំងឬអត់ទេ ម៉ាស់ត្រូវតែពាក់នៅគ្រប់ទីកន្លែងសាធារណៈ ច្បាប់នេះអនុវត្តចំពោះមនុស្សគ្រប់រូបដែលមានអាយុលើសពី ១១ ឆ្នាំ (លើកលែងតែករណីលើកលែងខាងវេជ្ជសាស្ត្រ) ។

៤ តើពួកគេអាចជួបនរណាម្នាក់នៅខាងក្រៅផ្ទះបានទេ?

អាចបាន ប៉ុន្តែបើអ្នកទាំងនោះមានសុខភាពល្អនិងអាចធ្វើលំហាត់ប្រាណនៅខាងក្រៅ ប៉ុន្តែនៅតែរក្សាគំលាតសង្គមពីគ្នាដដែល។ ប៉ុន្តែរាល់សកម្មភាពក្រៅត្រូវតែធ្វើឡើងនៅក្នុងតំបន់ជិតៗផ្ទះប៉ុណ្ណោះ។

៥ តើខ្ញុំអាចស្ម័គ្រចិត្តឬទៅធ្វើការបានទេ?

ការស្ម័គ្រចិត្តឬធ្វើការពីផ្ទះត្រូវបានលើកទឹកចិត្ត ប្រសិនបើអ្នកមិនអាចជៀសផុតពីការចូលរួមដោយផ្ទាល់។ នេះរាប់បញ្ចូលទាំងមនុស្សដែលធ្វើការផ្នែកសំណង់ ផលិតកម្ម អ្នកថែទាំសុខភាពហាងលក់អាហារឬនៅធនាគារដែលតម្រូវឲ្យមានការចូលរួមដោយផ្ទាល់៕

ប្រែសម្រួល៖ សាង ស្រីល័ក្ខ

ប្រភព៖dailystar

ចុចអាន៖អ្នកឆ្លងកូវីដ បង្ហាញរោគសញ្ញាបែបនេះក្នុងរយៈពេល៩ថ្ងៃដំបូង

ចុចអាន៖លំអងផ្កាឬភាគល្អិតតូចៗ អាចបង្កើនអត្រាឆ្លងកូវីដខ្ពស់ ដល់អ្នកអាឡ័កស៊ីច្រមុះ

Related Topics:ការថែទាំសុខភាព