ព័ត៌មានអន្ដរជាតិ

លំអងផ្កាឬភាគល្អិតតូចៗ អាចបង្កើនអត្រាឆ្លងកូវីដខ្ពស់ ដល់អ្នកអាឡ័កស៊ីច្រមុះ

បានផុស

៣ years មុន

នៅ

ថ្ងៃអង្គារ ៩ មីនា ២០២១

ដោយ

ការសិក្សាមួយបានរកឃើញថា ការសាយភាយនៃចំនួនលំអងផ្កាឬភាគល្អិតតូចៗ អាចបន្ថែមអត្រាឆ្លងកូវីដដល់ទៅ ៣០ ភាគរយចំពោះអ្នកឆាប់ប្រតិកម្មក្លិនឬកណ្ដាស់ភ្លាមៗ ដោយអត្រាឆ្លងកើនឡើងបន្ទាប់ពីការប្រមូលផ្ដុំលំអងក្នុងអំឡុង ៤ ថ្ងៃមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជ្រាវបានជំរុញដល់អ្នកដែលងាយរងគ្រោះដោយជំងឺកូវីដ ឲ្យពាក់ម៉ាសការពារភាគល្អិតផ្សេងៗ នៅពេលកម្រិតលំអងអាចនឹងឡើងខ្ពស់នៅរដូវក្ដៅ។

ទោះយ៉ាងណាហានិភ័យនៃកម្រិតដែលលំអង ច្រើនតែកើតឡើងចំពោះអ្នកដែលមានប្រតិកម្មអាលែកហ្សីច្រមុះ ជំងឺហឺត ឬអ្នកជំងឺរលាកទងសួតរ៉ាំរ៉ៃ ដោយសារតែការឆ្លើយតបនៃប្រព័ន្ធភាពស៊ាំចុះខ្សោយនៃរាងកាយ។

លទ្ធផលនៃការស្រាវជ្រាវគឺផ្អែកលើទិន្នន័យ ១៣០ ទីតាំងក្នុង ៣១ ប្រទេសនៃទ្វីបចំនួន ៥ ។ នៅក្នុងនោះអ្នកស្រាវជ្រាវបាននិយាយថា“ យើងបានរកឃើញថា លំអងដែលពេលខ្លះរួមបញ្ចូលគ្នាជាមួយនឹងសំណើមនិងសីតុណ្ហភាព ជាមធ្យម ៤៤% គឺជាអត្រាឆ្លង។ អត្រាចាក់សោថយចុះពាក់កណ្ដាល ចំណែកអត្រាឆ្លងមេរោគក្រោមកំហាប់នៃលំអង អាចប្រហាក់ប្រហែលគ្នា ” ។

អ្នកស្រាវជ្រាវបានបន្ថែមទៀតថា ” ដោយសារយើងមិនអាចជៀសវាងទាំងស្រុងនូវការប៉ះលំអងផ្កា យើងស្នើឲ្យមានការផ្សព្វផ្សាយព័ត៌មានពីការរួមបញ្ចូលគ្នា រវាងវីរុសនិងលំអង ដើម្បីលើកទឹកចិត្តដល់អ្នកដែលមានហានិភ័យខ្ពស់ ឲ្យបន្តពាក់ម៉ាសការពារភាគល្អិតក្នុងកំឡុងពេលប្រមូលផ្ដុំលំអងនៅរដូវក្ដៅ ” ៕

ប្រែសម្រួល៖ សាង ស្រីល័ក្ខ

ប្រភព៖dailystar

ចុចអាន៖អ្នកឆ្លងកូវីដ បង្ហាញរោគសញ្ញាបែបនេះក្នុងរយ:ពេល៩ថ្ងៃដំបូង

ចុចអាន៖សម្គាល់ពីភាពខុសគ្នារវាងអាការៈជំងឺផ្ដាសាយនិងកូវីដ-១៩