ព័ត៌មានអន្ដរជាតិ
រុស្ស៊ី ទម្លាយតួលេខជនស៊ីវិល ស្លាប់និងរបួស ពេលអ៊ុយក្រែន វាយលុកឆ្លងដែនទ្រង់ទ្រាយធំ
កាលពីថ្ងៃចន្ទទី២៣ខែកញ្ញាឆ្នាំ២០២៤ ក្រសួងការបរទេសរុស្ស៊ី បានចេញរបាយការណ៍ថា ចាប់តាំងពីអ៊ុយក្រែន បើកប្រតិបត្តិការវាយលុកឆ្លងដែនចូលភាគខាងលិចប្រទេសរុស្ស៊ីក្នុងខែសីហាមក មានជនស៊ីវិលចំនួន៥៦នាក់ស្លាប់និង២៦៦នាក់ត្រូវរបួស។
បន្ថែមពីលើនេះ ក៏មានពលរដ្ឋ១៣១ ០០០នាក់ ត្រូវរត់ភៀសខ្លួនចេញពីតំបន់ Kursk ផងដែរ ពេលដែលកងទ័ពអ៊ុយក្រែន សម្រុកចូលទីនោះ។
ទោះបីជាយ៉ាងណាក៏ដោយ ភាគីអ៊ុយក្រែនបានច្រានចោលរបាយការណ៍នេះ ហើយចោទថា តាមពិតរុស្ស៊ីបញ្ចេញតួលេខក្លែងក្លាយ ព្រោះខ្លាចអាម៉ាស់ប៉ុណ្ណោះ។
សូមបញ្ជាក់ជាថ្មី អ៊ុយក្រែនបានបើកការវាយប្រហារនៅតំបន់ Kursk កាលពីថ្ងៃទី៦ខែសីហា ដោយនោះគឺជាការវាយលុកឆ្លងដែនទ្រង់ទ្រាយធំបំផុតចាប់តាំងពីសង្គ្រាមនេះផ្ទុះឡើង។
ក្នុងការលុកលុយនោះ ដំបូងឡើយប្រធានាធិបតីអ៊ុយក្រែន ហ្សេលេនស្គី ប្រកាសថា កងទ័ពរបស់លោកទទួលបានផ្លែផ្កាល្អណាស់ ដោយវាយដណ្តើមបានទីតាំងជាច្រើនកន្លែង សរុបទៅមានផ្ទៃដីទំហំរាប់រយគីឡូម៉ែត្រការ៉េឯណោះ។
យ៉ាងណា មិនយូរប៉ុន្មាន ប្រធានាធិបតីរុស្ស៊ី វ្ល៉ាឌីមៀរ ពូទីន ក៏ប្រកាសថា លែងមានកិច្ចពិភាក្សាសន្តិភាពជាមួយអ៊ុយក្រែន ទៀតហើយ ព្រោះតែការវាយលុកនោះ៕
អត្ថបទ៖ សុខ សុវណ្ណ
ចុចអាន៖ Zelenskyy៖ យោធាអ៊ុយក្រែនបានកាត់បន្ថយសក្ដានុពលរុស្ស៊ីក្នុងការវាយលុកភាគខាងកើត
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ២ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៣ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ១៩ ម៉ោង agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
សន្តិសុខសង្គម១ សប្តាហ៍ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៦ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន