ព័ត៌មានអន្ដរជាតិ
មនុស្ស៣០០នាក់ទៀតត្រូវបានយោធាមីយ៉ាន់ម៉ាចាប់ខ្លួនម្សិលមិញ
អ្នកតវ៉ាប្រហែលជា៣០០នាក់តាមសេចក្តីរាយការណ៍ថាត្រូវបានចាប់ខ្លួននៅថ្ងៃពុធ ទី១០ ខែមីនា នៅពេលកម្លាំងយោធាមីយ៉ាន់ម៉ាបានបន្តបបង្ក្រាបបាតុកម្មនៅទីប្រជុំជន North Oakkalapa ក្នុងទីក្រុងយ៉ាំងហ្គោន។
កម្លាំងសន្តិសុខបានបាញ់ឧស្ម័នទឹកភ្នែក គ្រាប់ជ័រ និងរំសេវដើម្បីបំបែកហ្វូងបាតុកររាប់ពាន់នាក់ដែលប្រមូលប្តុំគ្នានៅឧទ្យាន Kantharyar Park នាព្រឹកថ្ងៃពុធ។ ពេលនោះ អ្នកតវ៉ារាប់រយនាក់ដែលរត់ចូលឧទ្យានត្រូវបានចាប់ខ្លួន។
ក្នុងការបង្ក្រាបនោះ ក៏មានមនុស្សជាច្រើននាក់បានរងរបួសដែរ។
ក្រុមសប្បុរសធម៌មួយបានប្រាប់សារព័ត៌មានក្នុងស្រុក The Irrawaddy ថា ពួកគេបានជួយព្យាបាលរបួសអ្នកតវ៉ា៣នាក់ដែលបានរបួសពីការប៉ះទង្គិចគ្នានោះ។ ពួកគេថែមទាំងបានបញ្ជូនអ្នកតវ៉ាម្នាក់ដែលរបួសធ្ងន់ទៅព្យាបាលនៅមន្ទីរពេទ្យមួយ។
កម្លាំងសន្តិសុខក៏បានបង្ក្រាបទៅលើអ្នកលីសែងដែលបានជួបជុំគ្នានៅជិតឧទ្យាននោះដើម្បីអំពាវនាវឲ្យមានការដោះលែងអ្នកដែលបានចាប់ខ្លួន។
ពេលនោះសហរដ្ឋអាមេរិក និងសហគមន៍អឺរ៉ុបនៅប្រទេសមីយ៉ាន់ម៉ាបានចេញសេចក្តីថ្លែងការណ៍ផ្លូវការដើម្បីអំពាវនាវឲ្យដោះលែងអ្នកដែលត្រូវបានឃុំខ្លួន។ នៅល្ងាចថ្ងៃពុធ កម្លាំងសន្តិសុខត្រូវការរថយន្ត១០គ្រឿងដឹកអ្នកដែលពួកគេទើបចាប់ខ្លួនថ្មី។
នៅព្រឹកថ្ងៃពុធ កម្លាំងយោធាបានបានបង្ក្រាបទៅលើតំបន់ស្ថានីយ៍រថភ្លើងរថភ្លើង Myanma Railways Mahlwagone ដែលស្ថិតនៅទីប្រជុំជន Mingalar Taung Nyunt។
បុគ្គលិកស្ថានីយរថភ្លើងប្រហែលជា៨០០នាក់ត្រូវបានកម្លាំងយោធាបំបែកពីទីតាំងដែលពួកគេក៏ចូលរួមចលនាប្រឆាំងនឹងរបបយោធាទូទាំងប្រទេសដែរ។
បុគ្គលិកស្ថានីយ៍រថភ្លើង Myanma Railways ម្នាក់បាននិយាយថា បុគ្គលិកស្ថានីយ៍ទាំងនោះដែលមិនបានចូលរួមចលនាប្រឆាំង (CDM ) ត្រូវបានអនុញ្ញាតឲ្យស្ថិតនៅ ប៉ុន្តែប៉ូលិសបង្ក្រាបកុបកម្ម និងទាហាននៅតែដាក់កម្លាំងពង្រាយនៅតំបន់នោះ។
បុគ្គលិកម្នាក់និយាយថា ៖«យើងទាំងអស់គ្នាមិនបន្តស្នាក់នៅទេ ពីព្រោះយើងត្រូវទៅចូលរួមចលនាប្រឆាំងទៀត»។
ចលនាប្រឆាំងទូទាំងប្រទេសជាគំនិតផ្តួចផ្តើមឡើងដោយក្រុមវេជ្ជបណ្ឌិត និងគ្រូពេទ្យរាប់រាយនាក់ដែលមកពីមន្ទីរពេទ្យរដ្ឋក្នុងទីក្រុងយ៉ាំងហ្គោន និងម៉ាន់ដាឡាយ។ បន្ទាប់មកមនុស្សកាន់តែច្រើនចូលរួមចលនា CDM នេះ រួមទាំងបុគ្គលិករដ្ឋរាប់ពាន់នាក់ផងដែរ៕
ប្រែសម្រួល៖ វីរបុត្រ
ប្រភព៖ The Irrawaddy
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត