ព័ត៌មានអន្ដរជាតិ
អូស្ត្រាលី យកលុយជាង៤ពាន់លានដុល្លារទិញមីស៊ីលទំនើបពីអាមេរិក ទុកបន្លាចចិន
ដោយសារក្ដីបារម្ភពីការកើនឡើងភាពតានតឹងនៅក្នុងតំបន់អាស៊ីប៉ាស៊ីហ្វិក ប្រទេសអូស្ត្រាលីបានចុះកិច្ចព្រមព្រៀងទិញប្រភេទមីស៊ីលរយៈចម្ងាយមធ្យម និងរយៈចម្ងាយឆ្ងាយពីសហរដ្ឋអាមេរិក ក្នុងតម្លៃ ៤,៧ពាន់លានដុល្លារ សម្រាប់បំពាក់ឲ្យកងកម្លាំងជើងទឹករបស់ខ្លួន។
រដ្ឋាភិបាលអូស្ត្រាលី បានប្រកាសនៅថ្ងៃទី២២ខែតុលាថា កិច្ចព្រមព្រៀងនេះ នឹងជួយបង្កើនការការពាររបស់កងកម្លាំងជើងទឹក ដែលជាយុទ្ធសាស្ត្រថ្មីមួយនៅក្នុងឆ្នាំ២០២៤នេះ ដើម្បីរារាំងឥទ្ធិពលរបស់មហាយក្សចិននៅក្នុងតំបន់។
ប្រភេទមីស៊ីលដែលអូស្ត្រាលីទិញ មានដូចជា មីស៊ីល SM-6 រយៈចម្ងាយឆ្ងាយ បំពាក់លើនាវា អាចបាញ់ទម្លាក់យន្តហោះ និងមីស៊ីលគ្រូស និងមីស៊ីល SM-2 Block III C រយៈចម្ងាយមធ្យម អាចបាញ់ប្រដេញគោលដៅបាន។
លោក Pat Conroy រដ្ឋមន្ត្រីឧស្សាហកម្មការពារជាតិអូស្ត្រាលី បានប្រាប់ថា ប្រទេសរបស់លោកកំពុងប្រឈមនឹងបញ្ហាភូមិសាស្ត្រយុទ្ធសាស្ត្រដ៏ស្មុគស្មាញជាទីបំផុត ចាប់ពីចប់សង្គ្រាមលោកលើកទី២។ លោកបន្តថា មីស៊ីលដែលឈានមុខគេទាំងនោះ នឹងជួយឲ្យអូស្ត្រាលីមានសុវត្ថិភាព ធ្វើឲ្យសត្រូវញញើត និងការពារផលប្រយោជន៍ជាតិនៅក្នុង «យុគសម័យមីស៊ីល» បច្ចុប្បន្ន។
ក្រៅតែពីមីស៊ីល អូស្ត្រាលីក៏មានគម្រោងទិញនាវាមុជទឹកនុយក្លេអ៊ែរបំបាំងកាយផងដែរ នៅក្នុងកិច្ចព្រមព្រៀងត្រីភាគីមួយជាមួយសហរដ្ឋអាមេរិក និងចក្រភពអង់គ្លេស។ កិច្ចព្រមព្រៀងនេះ ត្រូវគេរំពឹងថានឹងមានតម្លៃប្រមាណ ២៤៥ពាន់លានដុល្លារ៕
ដោយ៖ ឈាង
-
ព័ត៌មានអន្ដរជាតិ៧ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៥ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា៧ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ២១ ម៉ោង agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi