ព័ត៌មានអន្ដរជាតិ
ក្រុមហ៊ុនឡាន Nissan គ្រោងបញ្ឈប់ ឬផ្ទេរកម្មករនៅថៃ ១ ០០០ នាក់ ខណៈផលិតកម្មធ្លាក់ចុះ
ក្រុមហ៊ុនផលិតរថយន្តជប៉ុន Nissan Motor គ្រោងបញ្ឈប់ ឬផ្ទេរកម្មករសម្រាប់រោងចក្រនៅក្នុងប្រទេសថៃ ប្រហែល ១ ០០០ នាក់ ខណៈទម្លាក់ផលិតកម្មនៅអាស៊ីអាគ្នេយ៍ ដើម្បីជាផ្នែកមួយនៃការកាត់បន្ថយកម្មករទូទាំងពិភពលោករបស់ខ្លួន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដោយស្រង់សម្ដីប្រភពដឹងពីបញ្ហានេះជាអនាមិក។
ប្រភពសុំនិយាយដោយមិនបញ្ចេញឈ្មោះថា ក្រុមហ៊ុន Nissan គ្រោងនឹងបញ្ឈប់ការផលិតមួយផ្នែកនៅរោងចក្រ Thailand Plant No.1 ដែលជារោងចក្រដំឡើងរថយន្តមួយក្នុងចំណោមរោងចក្រដំឡើងរថយន្តចំនួន២នៅថៃ ហើយបង្រួមប្រតិបត្តិការទៅរោងចក្រ Plant No.2 វិញ នៅខែកញ្ញា ឆ្នាំក្រោយ។
អ្នកនាំពាក្យក្រុមហ៊ុន Nissan បានបដិសេធមិនធ្វើអត្ថាធិប្បាយលើការកាត់បន្ថយការងារនេះទេ ប៉ុន្តែបាននិយាយថា ការបង្រួមរោងចក្រកំពុងដំណើរការដើម្បីធ្វើឱ្យប្រសើរឡើងនូវបរិក្ខារ ហើយគ្មានរោងចក្រណាមួយនឹងត្រូវបិទទ្វារនោះទេ ខណៈ Plant No.1 នៅតែជារោងចក្រផលិតកម្មសំខាន់។
គួររំឭកថា ក្រុមហ៊ុន Nissan កំពុងប្រឈមនូវបញ្ហាផ្សេងៗ ដោយបានប្រកាសកាលពីដើមខែនេះ ពីផែនការកាត់បន្ថយការងារចំនួន ៩ ០០០ កន្លែង នៅទូទាំងពិភពលោក ក្រោយរាយការណ៍ពីប្រាក់ចំណូលពាក់កណ្ដាលឆ្នាំដ៏ខ្សោយជាងការរំពឹងទុក។ ការប្រកួតប្រជែងក្នុងប្រទេសថៃ បានក្លាយជាបញ្ហាកាន់តែច្បាស់ ដោយការលក់រថយន្តរបស់ក្រុមហ៊ុន Nissan នៅក្នុងប្រទេសថៃ បានធ្លាក់ចុះ ៣០ ភាគរយ មកនៅត្រឹមប្រហែល ១៤ ០០០ គ្រឿង ក្នុងឆ្នាំហិរញ្ញវត្ថុចុងក្រោយ ដែលបញ្ចប់ទៅនៅខែមីនា។
គេមើលឃើញថា ក្រុមហ៊ុនផលិតរថយន្តជប៉ុនផ្សេងៗ រួមទាំងតូយ៉ូតា និងហុងដា បានគ្រប់គ្រងទីផ្សារប្រទេសថៃអស់រយៈពេលជាច្រើនឆ្នាំមកហើយ។ យ៉ាងណាមិញ ការរីកចម្រើងយ៉ាងឆាប់រហ័សរបស់ក្រុមហ៊ុនផលិតរថយន្តចិន ដូចជា BYD និង SAIC កំពុងដណ្ដើមដំណែកនេះជាបណ្ដើរៗជាមួយនឹងរថយន្តអគ្គិសនីរបស់ពួកគេ៕
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា