ព័ត៌មានអន្ដរជាតិ
អ៊ុយក្រែន៖ ទាហានកូរ៉េខាងជើង ស្លាប់៥០០នាក់ ពេលក្រុងកៀវប្រើមីស៊ីលអង់គ្លេសបាញ់រុស្ស៊ី
ប្រព័ន្ធផ្សព្វផ្សាយអ៊ុយក្រែន បានរាយការណ៍ថា ទាហានកូរ៉េខាងជើងប្រហែល ៥០០នាក់ត្រូវបានសម្លាប់នៅក្នុងការវាយប្រហារដោយមីស៊ីលពីទីក្រុងកៀវ ចូលទៅក្នុងតំបន់ Kursk ភាគខាងលិចនៃប្រទេសរុស្ស៊ី។
ទីភ្នាក់ងារព័ត៌មានអ៊ុយក្រែន RBC-Ukraine បានចុះផ្សាយថា ទាហានកូរ៉េខាងជើងត្រូវបានសម្លាប់ បន្ទាប់ពីអ៊ុយក្រែនវាយប្រហារដោយប្រើមីស៊ីល Storm Shadow របស់អង់គ្លេស លើតំបន់ Kursk។
កន្លងមក មន្ត្រីកូរ៉េខាងត្បូង និងសហរដ្ឋអាមេរិក បាននិយាយថា កូរ៉េខាងជើងបានបញ្ជូនទាហានជាង ១ម៉ឺននាក់ទៅកាន់ប្រទេសរុស្ស៊ី ដើម្បីគាំទ្រការឈ្លានពានប្រឆាំងនឹងអ៊ុយក្រែន។
របាយការណ៍នេះ ធ្វើឡើងប៉ុន្មានថ្ងៃក្រោយពីកាសែត Wall Street Journal បានផ្សាយថា មេបញ្ជាការជាន់ខ្ពស់របស់កូរ៉េខាងជើងម្នាក់ បានរងរបួសនៅក្នុងការវាយប្រហាររបស់អ៊ុយក្រែននៅក្នុងតំបន់ Kursk របស់រុស្ស៊ី។ Wall Street Journal ថា វាជាលើកដំបូងហើយដែលមន្ត្រីលោកខាងលិច បានអះអាងថា មន្ត្រីជាន់ខ្ពស់នៃយោធាក្រុងព្យុងយ៉ាង បានក្លាយជាជនរងគ្រោះនៅក្នុងសង្គ្រាមរវាងអ៊ុយក្រែន-រុស្ស៊ី។
សូមបញ្ជាក់ថា កាលពីថ្ងៃទី២០ខែវិច្ឆិកាឆ្នាំ២០២៤ អ៊ុយក្រែន បានបាញ់មីស៊ីល Storm Shadow របស់អង់គ្លេស លើគោលដៅនៅក្នុងប្រទេសរុស្ស៊ីជាលើកដំបូង ដែលការវាយប្រហារនេះកើតឡើងត្រឹមមួយថ្ងៃប៉ុណ្ណោះ បន្ទាប់ពីកងទ័ពក្រុងកៀវបាញ់មីស៊ីល ATACMS ផ្គត់ផ្គង់ដោយអាមេរិក ចូលដីរុស្ស៊ី ធ្វើឲ្យរុស្ស៊ីក្តៅស្លឹកត្រចៀករួចមកហើយ។
ការដែលអ៊ុយក្រែន ហ៊ានបាញ់មីស៊ីលរបស់លោកខាងលិចចូលក្នុងដីរុស្ស៊ី គឺដោយសារមានការបើកភ្លើងខៀវនិងធានាអះអាងពីសំណាក់មេដឹកនាំប្រទេសជាមហាអំណាច ដែលសម្រេចចិត្តបែបនេះ ធ្វើឲ្យវិមានក្រឹមឡាំងរិះគន់កប់ៗមាត់ ហើយអ្នកខ្លះភ័យខ្លាចសង្គ្រាមរុស្ស៊ី-អ៊ុយក្រែន អាចផ្ទុះរាលដាលឈានដល់ការកើតសង្គ្រាមលោកលើកទី៣ទៀតផង៕
ដោយ៖ ឈាង
ចុចអាន៖ កាន់តែក្តៅ! ថ្ងៃមុនបាញ់ ATACMS, ឥឡូវ អ៊ុយក្រែន បាញ់ Storm Shadow ចូលដីរុស្ស៊ី ថែមទៀត
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៦ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ