មន្ត្រីជាន់ខ្ពស់គណបក្សសាធារណរដ្ឋ ថា លោក Trump ធ្វើឲ្យខូចដំណើរការលទ្ធិប្រជាធិបតេយ្យ

លោក Larry Hogan អភិបាលនៃរដ្ឋ Maryland មកពីគណបក្សសាធារណរដ្ឋបាននិយាយថា “គ្មានការការពារណាមួយចំពោះការអត្ថាធិប្បាយរបស់លោកប្រធានាធិបតី Trump ក្នុងសន្និសីទនៅឯសេតវិមានរបស់លោកឡើយ ។

នៅក្នុងការបង្ហោះនៅលើបណ្តាញសង្គម Twitter លោកបាននិយាយថា “ការថ្លែងបែបនេះកំពុងធ្វើឲ្យខូចដល់ដំណើរការលទ្ធិប្រជាធិបតេយ្យរបស់យើង ។ អាមេរិកកំពុងរាប់សន្លឹកឆ្នោត ហើយយើងត្រូវតែគោរពលទ្ធផលដូចដែលយើងធ្លាប់ធ្វើពីមុនមក ។ គ្មានការបោះឆ្នោត ឬបុគ្គលណាសំខាន់ជាងលទ្ធិប្រជាធិបតេយ្យរបស់យើងទេ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឯសន្និសីទកាសែតនោះលោក Trump បានចោទប្រកាន់ក្រុមអ្នកប្រជាធិបតេយ្យដោយគ្មានភស្តុតាងនៃព្យាយាមក្លែងបន្លំការបោះឆ្នោត ។

ចំណែកតំណាងគណបក្សសាធារណរដ្ឋនៃរដ្ឋ Illinois លោក Adam Kinzinger ក៏បានសរសេរលើបណ្តាញសង្គម Twitter ដែរថា “ប្រសិនបើអ្នកមានការព្រួយបារម្ភអំពីការក្លែងបន្លំនេះ ហើយមានភ័ស្តុតាងគួរយកវាទៅតុលាការ ។ សូមបញ្ឈប់ការផ្សព្វផ្សាយព័ត៌មានមិនពិត” ៕

ប្រែសម្រួលដោយ ៖ ជីវ័ន្ត

ប្រភព ៖ BBC