ព័ត៌មានអន្ដរជាតិ
រុស្ស៊ីប្រកាសថានឹងសងសឹក ក្រោយអ៊ុយក្រែនបាញ់មីស៊ីល ATACMS ចូលទឹកដីខ្លួន
រុស្ស៊ី បានប្រកាសសងសឹក បន្ទាប់ពីខ្លួនបានចោទប្រកាន់អ៊ុយក្រែនថាបានបាញ់មីស៊ីល ATACMS ដែលផ្គត់ផ្គង់ដោយសហរដ្ឋអាមេរិកនៅតំបន់ព្រំដែនទីក្រុង Belgorod កាលពីប៉ុន្មានថ្ងៃមុន។
ក្រសួងការពារជាតិរុស្ស៊ី បាននិយាយកាលពីថ្ងៃសៅរ៍ទី៣មករាឆ្នាំ២០២៥ថា៖ «ការប៉ុនប៉ងមួយត្រូវបានធ្វើឡើងពីទឹកដីអ៊ុយក្រែន ដើម្បីវាយប្រហារដោយមីស៊ីលប្រឆាំងនឹងតំបន់ Belgorod ដោយប្រើមីស៊ីលយុទ្ធសាស្ត្រប្រតិបត្តិការ ATACMS ដែលផលិតដោយសហរដ្ឋអាមេរិក»។
ក្រសួងការពារជាតិរុស្ស៊ី បានបន្ថែមថា មីស៊ីលទាំងអស់មានចំនួន៨គ្រាប់ ហើយត្រូវបានបាញ់ទម្លាក់ដោយជោគជ័យ។ ក្រសួងការពារជាតិរុស្ស៊ី បានសង្កត់ធ្ងន់ថា រាល់សកម្មភាពរបស់អ៊ុយក្រែន ដែលមានការគាំទ្រដោយលោកខាងលិច នឹងទទួលរងការសងសឹកជាក់ជាមិនខានពីរដ្ឋាភិបាលក្រុងមូស្គូ។
ប្រធានាធិបតីជិតផុតអាណត្តិរបស់អាមេរិកលោក ចូ បៃដិន បានអនុញ្ញាតឲ្យអ៊ុយក្រែនប្រើអាវុធរយៈចម្ងាយឆ្ងាយប្រឆាំងនឹងរុស្ស៊ីកាលពីឆ្នាំមុន ដែលក្រុងមូស្គូបានថ្កោលទោសថាជាការចាក់សាំងដុតបន្ថែមលើភ្លើងសង្គ្រាមរយៈពេលជិត៣ឆ្នាំមកនេះ។
ប្រធានាធិបតីរុស្ស៊ី លោក វ្ល៉ាឌីមៀរ ពូទីន កាលពីឆ្នាំ២០២៤ បានគំរាមវាយប្រហាររដ្ឋធានីកៀវ ជាមួយនឹងមីស៊ីលបាលិស្ទិកដែលមានល្បឿនលឿនជាងសំឡេង បើអ៊ុយក្រែនបន្តវាយប្រហារលើទឹកដីរុស្ស៊ី ដោយប្រើអាវុធរយៈចម្ងាយឆ្ងាយរបស់លោកខាងលិច៕
ដោយ៖ ឈាង
-
កីឡា៤ ថ្ងៃ agoអបអរសាទរ! អេស្ប៉ាញ ជាជើងឯកពិភពលោក World Cup 2026 ក្រោយឈ្នះ អាហ្សង់ទីន
-
ព័ត៌មានជាតិ៤ ថ្ងៃ agoពលរដ្ឋអាចស្នើប្តូរបណ្ណកម្មសិទ្ធិមានកំហុស ឬ QR Code ស្កេនមិនចេញ បាននៅមន្ទីររៀបចំដែនដី រាជធានីភ្នំពេញ
-
ព័ត៌មានជាតិ១ សប្តាហ៍ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
សន្តិសុខសង្គម៣ ថ្ងៃ agoទើបរៀបការ ២ ខែ! នារីម្នាក់ ត្រូវបុរសស្គាល់តាម Facebook បោកមកធ្វើការនៅភ្នំពេញ សម្លាប់ក្នុងផ្ទះសំណាក់ ពេលនេះសមត្ថកិច្ចចាប់បានឃាតកហើយ
-
កីឡា៥ ថ្ងៃ agoជ័យជម្នះប្រវត្តិសាស្ត្រ! កម្ពុជា ឈ្នះ ឥណ្ឌូណេស៊ី គ្រងជើងឯកពាន Sea V. Cup 2026
-
កីឡា៥ ថ្ងៃ agoស័ក្តិសមបំផុត! វឿន វាសនា ឈ្នះ ពានឯកត្តជន ២ ម្នាក់ឯង ក្រោយជួយកម្ពុជា គ្រងជើងឯក SEA V. Cup 2026
-
កីឡា៥ ថ្ងៃ agoលោក កែវ រ៉េមី ក្រុមជម្រើសជាតិតេក្វាន់ដូ ITF ប្ដេជ្ញាលើកទង់ជាតិខ្មែរជាថ្មីនៅម៉ុងហ្គោលី
-
កីឡា៤ ថ្ងៃ agoនេះម្ចាស់ពានឯកត្តជនទាំង ៤ ប្រចាំជើងឯកពិភពលោក World Cup 2026