ព័ត៌មានអន្ដរជាតិ
កាសែតអាល្លឺម៉ង់ផ្សាយថា នាយករដ្ឋមន្ត្រីស្រីថៃ រស់ក្នុងជីវិតយ៉ាងប្រណិត ប្រើរបស់សុទ្ធតែថ្លៃៗ
ប្រព័ន្ធផ្សព្វផ្សាយបាននិងសម្រុកចែករំលែកបន្តពីកាសែតអាល្លឺម៉ង់ អំពីព័ត៌មានរបស់នាយករដ្ឋមន្ត្រីគឺលោកស្រី ផែតងតាន ស៊ីណាវ៉ាត្រា ដោយបានបង្ហាញរូបរាងគួរឲ្យស្រលាញ់ពេលឈរជាមួយស្វាមីអមដោយប្រធានបទថា «ជីវិតដ៏ប្រណិត និងគោលដៅកាបូបម៉ាកល្បីៗជាច្រើន ខណៈឪពុកជាប់ចំណាត់ថ្នាក់ក្នុងចំណោមអ្នកមានបំផុតក្នុងប្រទេសថៃ»។
យ៉ាងណា ប្រធាបទដ៍រសើបមួយនេះបានក្លាយជារូបភាពដែលកំពុងល្បីពេញបណ្ដាញសង្គមថៃ។ នៅពេលដែលអ្នកប្រើប្រាស់ Twitter ម្នាក់ បានបង្ហោះរូបភាពរបស់លោកស្រីនិងស្វាមី រហូតក្លាយជារឿងដ៏លេចធ្លោមួយនៅលើក្របមុខកាសែតអាល្លឺម៉ង់។ ក្នុងនោះសារមួយត្រូវបានគេចែករំលែកបន្តបន្ទាប់គ្នាថា៖ «កាសែតអាល្លឺម៉ង់មួយបានចុះផ្សាយព័ត៌មានអំពីនាយករដ្ឋមន្ត្រីថៃដោយមានចំណងជើងថា នាយករដ្ឋមន្ត្រីដែលឈ្លក់វង្វេងនឹងភាពប្រណិត។
ក្នុងរយៈពេលត្រឹមតែប៉ុន្មានម៉ោងប៉ុណ្ណោះ ការបង្ហោះដ៏លេចធ្លោត្រូវបានចែករំលែកជិត ២ម៉ឺនដង និងមានអ្នកចូលមើលជាង ៧៦ម៉ឺនដង។ មនុស្សជាច្រើនបានចេញមកប្រកែកថា សារក្នុងកាសែតមិនមែនមានន័យថា ងប់ងល់ ប៉ុន្តែពាក្យ Schwäche ជាភាសាអាល្លឺម៉ង់ វាមានន័យថា ភាពទន់ខ្សោយ ឬគុណវិបត្តិនិងភាពទន់ខ្សោយ។
ដូច្នេះហើយ មនុស្សជាច្រើនមិនជឿជាក់លើសារដែលត្រូវបានបង្ហាញខុស ហើយរូបភាពព័ត៌មានបែបនេះបង្កើតការបកប្រែជាភាសាថៃពីគេហទំព័របកប្រែរបស់ Google ដែលត្រូវបានចែងក្នុងទិសដៅដូចគ្នានឹងចំណងជើងនៅក្នុងកាសែតអាល្លឺម៉ង់នេះ។ គូរប្រធានបទ ចំណុចខ្សោយ និងភាពប្រណិតរបស់នាយករដ្ឋមន្ត្រីថៃ វាហាក់បីដូចជាមិនមានភាពងប់ងល់ និងហួសហេតុដូចដែលគេអះអាងនោះទេ។
បន្ថែមលើចំណងជើង ខ្លឹមសារនៃអត្ថបទក៏បានលើកឡើងអំពីទ្រព្យសម្បត្តិបន្ថែមរបស់នាយករដ្ឋមន្ត្រីផងដែរ។ ជាពិសេសបញ្ហាកាបូបម៉ាកយីហោជាង ២០០ និងនាឡិកាប្រណិតចំនួន ៧៥ គ្រឿង ព្រមទាំងទ្រព្យសម្បត្តិផ្សេងទៀត ដែលមានតម្លៃសរុបជាង ១៤ ពាន់លានបាតឬស្មើនឹងជាង ៤០០លានដុល្លារ ។
ជាងនេះទៅទៀត ដំណឹងនេះក៏និយាយអំពីបញ្ហាដែលថា ផែតងតាន ជាកូនស្រីរបស់លោក ថាក់ស៊ីន ជាគ្រួសារដ៏មានឥទ្ធិពល និងជាមហាសេដ្ឋីម្នាក់ក្នុងចំណោមអ្នកមានបំផុតទាំង ១០ នៅប្រទេសថៃ។ នេះបើយោងតាមរបាយការណ៍ចំណាត់ថ្នាក់របស់ទស្សនាវដ្ដី Forbes ក្នុងឆ្នាំ ២០២៤ផងដែរ។
យ៉ាងណាមិញ ទោះបីជាមិនមានការបកប្រែខ្លឹមសារនៃព័ត៌មានដោយអ្នកជំនាញដែលគួរឲ្យទុកចិត្តក៏ដោយ។ ប៉ុន្តែអ្នកលេងអ៊ីនធឺណិតជាច្រើនបានចេញមកបញ្ចេញមតិក្នុងន័យផ្សេងៗ។ ភាគីទាំងពីរគាំទ្រនាយករដ្ឋមន្ត្រីថៃ ដោយចាត់ទុកលោកស្រីជាអ្នកដែលកើតក្នុងគ្រួសារអ្នកមាន។
មិនតែប៉ុណ្ណោះ លោកស្រីក៏ជាពាណិជ្ជករជោគជ័យម្នាក់ និងបានរាយបញ្ជីទ្រព្យសម្បត្តិឲ្យ NACC ពិនិត្យទាំងស្រុងដោយគ្មានលាក់បាំង។ ដូច្នេះមិនមែនជារឿងដ៏គួរឲ្យភ្ញាក់ផ្អើលនោះទេ ដែលកាសែតបរទេសផ្សាយអំពីជីវិតលោកស្រីមានភាពហៃសូ ហើយប្រើរបស់ថ្លៃនោះ៕
អត្ថបទ៖ សាង ស្រីល័ក្ខ
ចុចអាន៖នាយករដ្ឋមន្ត្រីថៃ ប្រកាសថា មានទ្រព្យសម្បត្តិសរុបជាង ៤០០លានដុល្លារ
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
អ៊ីស្រាអែលបើកការវាយឆ្មក់យ៉ាងសាហាវទៅលើជំរុំជនភៀសខ្លួន Jenin ក្នុងតំបន់ West Bank
តួកគីចាប់ខ្លួនម្ចាស់សណ្ឋាគារ និងអ្នកពាក់ព័ន្ធ ខណៈកំហឹងសាធារណៈផ្ទុះឡើងខ្លាំង
ជប៉ុនផ្ដល់ជំនួយជាង៥លានដុល្លារ ដើម្បីគាំទ្រលិទ្ធិប្រជាធិបតេយ្យនៅកម្ពុជា
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់