ព័ត៌មានអន្ដរជាតិ
ក្រុងហូជីមិញផាកពិន័យបទល្មើសចរាចរណ៍បានជាង ២៣ម៉ឺនដុល្លារក្នុង១ថ្ងៃៗ
ប៉ូលិសចរាចរណ៍ទីក្រុងហូជីមិញនៃប្រទេសវៀតណាម បានប្រមូលការផាកពិន័យសរុបបានចំនួន ៤២,៥ពាន់លានដុង ស្មើនឹង ១,៦៧លានដុល្លារ ក្នុងសប្តាហ៍ដំបូងនៃខែមករា បន្ទាប់ពីការអនុវត្តការផាកពិន័យដ៏តឹងរ៉ឹងចំពោះការបំពានច្បាប់ចរាចរណ៍។
លោក Le Van Hai អនុប្រធាននាយកដ្ឋានប៉ូលិសចរាចរណ៍ទីក្រុងហូជីមិញ បាននិយាយថា ចំនួននេះតំណាងឲ្យការកើនឡើងចំនួន ១១ពាន់លានដុង ឬ ៣៥% បើប្រៀបធៀបទៅនឹងរយៈពេលដូចគ្នាមុនពេលការអនុម័តច្បាប់ថ្មី។
ចាប់ពីថ្ងៃទី១ដល់ថ្ងៃទី៧ខែមករា នគរបាលចរាចរណ៍បានកត់ត្រាល្មើសច្បាប់ចំនួន ១១ ៨៣០លើក ដែលបណ្តាលឲ្យមានការរឹបអូសយានយន្តជាង ៤ ៣០០គ្រឿង ក្នុងនោះរថយន្ត ១១គ្រឿង និងម៉ូតូ ៤ ២២០គ្រឿង។
ប័ណ្ណបើកបរប្រហែល ២ ១០០ប័ណ្ណ ត្រូវបានដកហូតក្នុងអំឡុងពេលនេះ ជាមួយនឹងការផាកពិន័យជាមធ្យមចំនួន ៦ពាន់លានដុង (ជាង ២៣ម៉ឺនដុល្លារ) ជារៀងរាល់ថ្ងៃ។
បទល្មើសទាំងនោះរួមមាន ការបើកបរក្រោមឥទ្ធិពលស្រវឹង ល្មើសល្បឿន ធ្វើដំណើរខុសគន្លងផ្លូវ និងមិនគោរពស្លាកសញ្ញាចរាចរណ៍ រួមទាំងការល្មើសផ្សេងៗ។
ក្រឹត្យថ្មីដែលចូលជាធរមានចាប់ពីថ្ងៃទី១ខែមករាឆ្នាំ២០២៥ ឥឡូវនេះអ្នកបើកបររថយន្តអាចប្រឈមនឹងការពិន័យរហូតដល់ ២០លានដុងសម្រាប់បទល្មើសមួយចំនួន ដែលស្មើនឹងជិតបីដងនៃការពិន័យជាអតិបរមាពីមុន។ អ្នកជិះម៉ូតូអាចត្រូវផាកពិន័យរហូតដល់ ៦លានដុងចំពោះការជិះបំពានភ្លើងក្រហម និងរហូតដល់ ១០លានដុងចំពោះការបើកបរដោយមិនប្រុងប្រយ័ត្ន។
ហូជីមិញ មានប្រជាជនរស់នៅជាង ១០លាននាក់ និងមានយានយន្តជាង ៩,៥លានគ្រឿងគិតត្រឹមចុងឆ្នាំ២០២៤ ក្នុងនោះមានរថយន្តជាង ១លានគ្រឿង និងម៉ូតូ ៨,៥លានគ្រឿង៕
ដោយ៖ ឈាង
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៦ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៤ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៥ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ២ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ៣ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ៦ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៤ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi