អ្នកទេសចរចិនម្នាក់ស្លាប់ក្នុងហេតុការណ៍គ្រោះថ្នាក់​​ម៉ូតូ​ទឹកបុកគ្នាក្នុងខេត្ត Phuket

ជនជាតិចិនអាយុ៣៣ឆ្នាំម្នាក់​​​បាន​បាត់បង់ជីវិត​នៅ​ក្នុងមន្ទីរពេទ្យ​​ក្រោយ​រងរបួស​ធ្ងន់ធ្ងរ​​ក្នុង​ហេតុការ​ណ៍​គ្រោះ​ថ្នាក់​​​ម៉ូតូទឹកបុកគ្នា​នៅក្នុងក្នុងខេត្ត Phuket ប្រទេសថៃ។ យោងតាមការចេញផ្សាយរបស់សារព័ត៌មានថៃ​ The Nations។​

លោក Liu Hong Chao ត្រូវបានប្រកាសថា បានស្លាប់នៅម៉ោងប្រហែល ២.២០ រសៀលនៅឯមន្ទីរពេទ្យក្នុងស្រុក Kathu ក្នុងខេត្ត Phuket។ យោង​សារព័ត៌មាន​ដែលដកស្រង់​ ពី​​របាយការណ៍​​ប៉ូលិស។​

ប៉ូលិស​បានសាកសួរលោក Lyu Zhifeg អាយុ​២៨ឆ្នាំជាជនជាតិចិនដែលរង់ចាំនៅមន្ទីរពេទ្យបានឲ្យដឹងថា គាត់និងមិត្តរបស់គាត់បានជិះម៉ូតូទឹក១​គីឡូម៉ែត្រពីឆ្នេរ Patong បន្ទាប់មកពួកគេបានបុកគ្នា។ បន្ទាប់មិនឃើញពួកគេមកវិញម្ខាស់ម៉ូតូទឹកបានជិះម៉ូតូទឹកទៅស្វែងរកពួកគេ និងរកឃើញអ្នករងរបួសលោក Liu បញ្ជូនទៅមន្ទីរពេទ្យភ្លាមៗ។

ការិយាល័យកំពង់ផែប្រចាំតំបន់ Phuket បានទាក់ទងក្រុមហ៊ុនធានារ៉ាប់រង ដែលបានយល់ព្រមបង់ប្រាក់សំណងចំនួន ១០ម៉ឺន​​បាត ស្មើនឹង ២៨៧៨ ដុល្លារអាមេរិក ចំពោះការស្លាប់នេះ។ ការិយាល័យនេះក៏បានពិន័យម្ចាស់ម៉ួតូទឹកចំនួន ១ម៉ឺន​បាតផងដែរ បន្ទាប់ពីបានរកឃើញអាជ្ញាប័ណ្ណសម្រាប់ជិះម៉ូតូទឹករបស់លោក Lyu បានផុតកំណត់កាលពី​៤ថ្ងៃមុន។

មកដល់ពេលនេះប៉ូលិសកំពុងស៊ើបអង្កេតលើគ្រោះថ្នាក់នេះដើម្បីកំណត់ពីមូលហេតុពិតប្រាកដ និងធ្វើការចោទប្រកាន់ផ្លូវច្បាប់ដែលអាចកើតមាន៕

អត្ថបទ៖ ប៊ុន សុភាព