ព័ត៌មានអន្ដរជាតិ
សហរដ្ឋអាមេរិកដាក់ទណ្ឌកម្មរដ្ឋមន្ត្រីរវ៉ាន់ដាដែលគាំទ្រក្រុមឧទ្ធាមនៅកុងហ្គោ
ក្រសួងរតនាគារសហរដ្ឋអាមេរិក បានប្រកាសដាក់ទណ្ឌកម្មលើរដ្ឋមន្ត្រីនៃរដ្ឋាភិបាលប្រទេសរវ៉ាន់ដា និងសមាជិកជាន់ខ្ពស់នៃក្រុមប្រដាប់អាវុធក្នុងជម្លោះនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ (DRC) ខណៈដែលក្រុមឧទ្ទាម M23 នៅទីនោះបន្តការវាយលុកជំរុញឱ្យមានជនភៀសខ្លួនទៅកាន់ប្រទេសប៊ូរុនឌីយ៉ាងច្រើន។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២១ខែកុម្ភៈនេះ។

ក្រសួងរតនាគារសហរដ្ឋអាមេរិកកាលពីថ្ងៃព្រហស្បតិ៍បាននិយាយថា បុគ្គលពីររូបនិងអង្គភាពពីរជាប់ពាក់ព័ន្ធនឹងអំពើហិង្សា និងការរំលោភសិទ្ធិមនុស្សនៅក្នុង DRC។ អ្នកដែលត្រូវបានដាក់ទណ្ឌកម្ម្មរួមមាន រដ្ឋមន្ត្រីការបរទេសនៃប្រទេសរវ៉ាន់ដាលោក James Kabarebe ដោយសារតែលោកគាំទ្រក្រុមប្រដាប់អាវុធ M23 និងលោក Lawrence Kanyuka Kingston សមាជិកជាន់ខ្ពស់ និងជាអ្នកនាំពាក្យសម្រាប់សម្ព័ន្ធទន្លេកុងហ្គោ ដែលគ្រប់គ្រងក្រុមហ៊ុនរបស់ M23 និងក្រុមហ៊ុនចំនួនពីរនៅក្នុងចក្រភពអង់គ្លេស និងប្រទេសបារាំង។
មិនមានការអត្ថាធិប្បាយភ្លាមៗពីប្រទេសរវ៉ាន់ដាដែលបដិសេធការចោទប្រកាន់ពីអង្គការសហប្រជាជាតិ អាមេរិក និងប្រទេសមួយចំនួនទៀតថាខ្លួនគាំទ្រក្រុម M23 ខាងយោធានោះទេ។
រវ៉ាន់ដាបានចោទប្រកាន់ DRC ពីបទផ្តល់ជម្រកដល់ FDLR ដែលជាក្រុមប្រដាប់អាវុធបង្កើតឡើងដោយក្រុមHutusដែលបានចូលរួមក្នុងការសម្លាប់រង្គាលក្រុមជនជាតិ Tutsis ក្នុងអំឡុងការប្រល័យពូជសាសន៍រវ៉ាន់ដា ឆ្នាំ ១៩៩៤ ។ រដ្ឋាភិបាល DRC បានចោទប្រកាន់ប្រទេសរវ៉ាន់ដាមាន «មហិច្ឆតាអ្នកពង្រីកនិយម» និងកំពុងលួចយករ៉ែដ៏ច្រើនសន្ធឹកសន្ធាប់។ ពួកឧទ្ទាមនេះបានទទួលផលចំណេញយ៉ាងច្រើននៅភាគខាងកើត DRC បន្ទាប់ពីបានដណ្តើមយកទីក្រុង Goma និង Bukavu។

ពាក់ព័ន្ធបញ្ហានេះដែរប្រទេសអាល្លឺម៉ង់បានក៏បានកោះហៅឯកអគ្គរដ្ឋទូត រវ៉ាន់ដា ប្រចាំទីក្រុងប៊ែរឡាំង ដើម្បីតវ៉ាប្រឆាំងនឹងការរីកចំរើនរបស់ M23 នៅភាគខាងកើត DRCផងដែរ។ អាល្លឺម៉ង់ថ្កោលទោសយ៉ាងដាច់អហង្ការចំពោះការរំលោភច្បាប់អន្តរជាតិ និងអំពាវនាវឲ្យរវ៉ាន់ដាដកកងទ័ពរបស់ខ្លួនចេញពីកុងហ្គោ។
ទីភ្នាក់ងារជនភៀសខ្លួនរបស់អង្គការសហប្រជាជាតិបាននិយាយថាជម្លោះនៅក្នុង DRC បានជំរុញឱ្យមានលំហូរជនភៀសខ្លួនដ៏ធំបំផុតចូលប្រទេសប៊ូរុនឌីក្នុងរយៈពេល២៥ ឆ្នាំមិនធ្លាប់មាន ខណៈដែលមនុស្សប្រហែល ៣០០០០នាក់បានឆ្លងកាត់ព្រំដែនដើម្បីគេចចេញពីការឈានទៅមុខរបស់ពួកឧទ្ទាម។
ជាមួយគ្នានេះការិយាល័យសិទ្ធិមនុស្សរបស់អង្គការសហប្រជាជាតិ OHCHR បានបញ្ជាក់កាលពីថ្ងៃអង្គារថា ពួកឧទ្ទាមM23 បានសម្លាប់កុមារនៅ Bukavu ខណៈពួកឧទ្ទាមនេះមួយចំនួនក៏មិនទាន់គ្រប់អាយុផងដែរ។ OHCHR អំពាវនាវឱ្យប្រទេសរវ៉ាន់និង M23 គោរពសិទ្ធិមនុស្ស និងច្បាប់មនុស្សធម៌អន្តរជាតិ។ ទោះយ៉ាងណាការស្លាប់របស់មនុស្សជាច្រើនត្រូវបានM23បដិសេដនិងទំលាក់កំហុសទៅលើកងទ័ពDRCទៅវិញ៕

អត្ថបទ៖ ប៊ុន សុភាព

-
ព័ត៌មានជាតិ៦ ថ្ងៃ ago
សពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ១៨ ម៉ោង ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៥ ថ្ងៃ ago
នគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៤ ថ្ងៃ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៥ ថ្ងៃ ago
តុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ១ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៣ ថ្ងៃ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី