សាហាវ! ផ្ទុះការបាញ់ប្រហារក្នុងក្លឹបរាត្រីនៅអាមេរិក ស្លាប់ និងរងរបួស ៨ នាក់

ប៉ូលិសបាននិយាយថា មនុស្សម្នាក់បានស្លាប់ និង ៧ នាក់ផ្សេងទៀតបានរងរបួស បន្ទាប់ពីការបាញ់ប្រហារមួយកាលពីថ្ងៃសៅរ៍នៅខាងក្នុងក្លឹបរាត្រីទីក្រុង Dallas ។

ប៉ូលិសបាននិយាយនៅក្នុងសេចក្តីថ្លែងការណ៍មួយថា ការប្រយុទ្ធគ្នាបានផ្ទុះឡើងរវាងមនុស្ស ២ ក្រុមនៅក្នុងក្លឹបរាត្រី Pryme Night Club ។ មនុស្សម្នាក់នៅក្នុងក្រុមមួយក្នុងចំណោមក្រុមទាំងពីរបានដកកាំភ្លើងចេញ ហើយបើកការបាញ់ប្រហារធ្វើឲ្យមនុស្ស ៨ នាក់រងរបួស ។

អ្នកទាំង ៨ នាក់ដែលជាបុរស ៤ នាក់ និងស្ត្រី ៤ នាក់មានអាយុខ្ទង់ ២០ ឆ្នាំត្រូវបានបញ្ជូនទៅកាន់មន្ទីរពេទ្យ ខណៈដែលក្រោយមកស្ត្រីម្នាក់ក្នុងចំណោម ៨ នាក់នោះត្រូវបានប្រកាសថាស្លាប់ ។ ទំហំនៃការរងរបួសរបស់មនុស្ស ៨ នាក់នោះមានស្ថានភាពស្រាលរហូតដល់ធ្ងន់ធ្ងរ ។

ប៉ូលិសបាននិយាយថា អ្នកបាញ់ប្រហារបានរត់គេចខ្លួន ខណៈការស៊ើបអង្កេតកំពុងបន្ត ៕

ប្រែសម្រួលដោយ ៖ ជីវ័ន្ត

ប្រភព ៖ Dallasnews

ចុចអាន ៖ ផ្ទុះការបាញ់ប្រហារក្នុងពិធីជប់លៀងនៅអាមេរិក ស្លាប់ និងរងរបួសមនុស្ស ១៥ នាក់

ចុចអាន ៖ ផ្ទុះការបាញ់ប្រហារក្នុងហាងលក់កាំភ្លើងនៅអាមេរិក ស្លាប់ ៣ នាក់