ព័ត៌មានអន្ដរជាតិ

ថៃ ពិចារណាសង់ជញ្ជាំងព្រំដែនប្រវែងជាង៥០គីឡូម៉ែត្រជាមួយកម្ពុជា

បានផុស

១ year មុន

នៅ

ថ្ងៃចន្ទ ៣ មីនា ២០២៥

ដោយ

Chheang

យោងតាមការចុះផ្សាយរបស់សារព័ត៌មាន Independent រដ្ឋាភិបាលថៃនៅថ្ងៃចន្ទទី៣ខែមីនានេះបានប្រកាសពីសំណើគម្រោងសាងសង់ជញ្ជាំងដែលមានព្រំប្រទល់ជាប់ជាមួយប្រទេសកម្ពុជា ដើម្បីរារាំងការឆ្លងដែនខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំណើគម្រោងនេះ ធ្វើឡើងចំពេលមានការកើនឡើងនៃយុទ្ធនាការអន្តរជាតិដើម្បីរុះរើបណ្តាញដ៏ធំនៃប្រតិបត្តិការបោកប្រាស់ខុសច្បាប់នៅក្នុងតំបន់អាស៊ីអាគ្នេយ៍។

បើតាមវិបសាយ Discourse on Development ជញ្ជាំងដែលស្នើនេះមានប្រវែង ៥៥គីឡូម៉ែត្រស្ថិតនៅក្នុងស្រុក Aranyaprathet ខេត្តស្រះកែវ ដែលមានព្រំប្រទប់ជាប់ជាមួយកម្ពុជា។ គំនិតផ្តួចផ្តើមនេះ ត្រូវបានដាក់ស្នើដោយប៉ូលិស យោធា និងក្រសួងមហាផ្ទៃថៃ។

អង្គការសហប្រជាជាតិ បានរាយការណ៍ថា ក្រុមឧក្រិដ្ឋជនដែលបើកមជ្ឈមណ្ឌលបោកប្រាស់ ហើយភាគច្រើនមានទីតាំងនៅជិតព្រំដែនប្រទេសថៃ ជាមួយប្រទេសមីយ៉ាន់ម៉ា និងប្រទេសកម្ពុជា បានធ្វើការជួញដូរមនុស្សរាប់រយពាន់នាក់កាលពីពេលថ្មីៗកន្លងទៅ។ ក្នុងប្រតិបត្តិការកាលពីសប្ដាហ៍មុន អាជ្ញាធរថៃបានធ្វើមាតុភូមិនិវត្តន៍ជនបរទេសចំនួន ១១៩នាក់ បន្ទាប់ពីការវាយឆ្មក់របស់ប៉ូលិសកម្ពុជានៅក្រុងប៉ោយប៉ែត ដោយបានជួយសង្គ្រោះមនុស្សជាង ២១៥នាក់។

ថវិកាប៉ាន់ស្មានសម្រាប់ជញ្ជាំងព្រំដែនដែលបានស្នើឡើង គឺប្រហែល ៣៩៥លានបាត (ប្រហែល ១១លានដុល្លារ)។ ឧបនាយករដ្ឋមន្ត្រីថៃ លោក Phumtham Wechayachai បានយល់ព្រមលើសំណើនេះ ដោយលើកឡើងពីសារៈសំខាន់របស់វាក្នុងការប្រយុទ្ធប្រឆាំងនឹងការឆ្លងព្រំដែនខុសច្បាប់ ការក្លែងបន្លំតាមអ៊ីនធឺណិត និងការជួញដូរមនុស្ស។

សូមបញ្ជាក់ថា ខណៈរដ្ឋាភិបាលថៃកំពុងស្វែងយល់ពីលទ្ធភាពនៃការសាងសង់ជញ្ជាំងព្រំដែន ព័ត៌មានលម្អិតនៅតែខ្វះខាត។ អ្នកនាំពាក្យរដ្ឋាភិបាលថៃលោក Jirayu Houngsub បានបញ្ជាក់ថា សំណើនេះកំពុងស្ថិតក្រោមការត្រួតពិនិត្យ និងការសិក្សានៅឡើយ៕

ដោយ៖ ឈាង

Related Topics:ប្រទេសថៃ