ព័ត៌មានអន្ដរជាតិ
លោក ត្រាំ ច្រឡោតនឹងសម្ដីលោក ហ្សេលេនស្គី ដែលថាការបញ្ចប់សង្គ្រាមនៅវែងឆ្ងាយទៀត
លោកប្រធានាធិបតីអាមេរិក ដូណាល់ ត្រាំ កាលពីថ្ងៃទី៣ខែមីនា បានសម្តែងការមិនពេញចិត្តយ៉ាងខ្លាំងចំពោះការអត្ថាធិប្បាយរបស់ប្រធានាធិបតីអ៊ុយក្រែនលោក វ៉ុលឡូឌីមៀរ ហ្សេលេនស្គី ដែលបានលើកឡើងថា ការបញ្ចប់សង្គ្រាមរុស្ស៊ី-អ៊ុយក្រែនអាចនឹង«នៅវែងឆ្ងាយណាស់»។
លោក ត្រាំ បានចាត់ទុកសេចក្តីថ្លែងការណ៍របស់លោក ហ្សេលេនស្គី ថាជាការលើកឡើងដ៏អាក្រក់បំផុត ហើយលោកបានរំលឹកម្ដងទៀតថា មេដឹកនាំអ៊ុយក្រែន «គួរតែដឹងគុណកាន់តែច្រើន» ចំពោះជំនួយដែលទទួលបានពីសហរដ្ឋអាមេរិក។
ការបង្ហាញពីការមិនពេញចិត្តនេះ ធ្វើឡើងបន្ទាប់ពីកិច្ចប្រជុំដ៏ចម្រូងចម្រាសរវាងលោក ត្រាំ និងលោក ហ្សេលេនស្គី កាលពីថ្ងៃទី២៨ខែកុម្ភៈឆ្នាំ២០២៥ នៅក្នុងការិយាល័យពងក្រពើ។ កិច្ចប្រជុំ បានបញ្ចប់ពាក់កណ្ដាលទី ដោយគ្មានដំណោះស្រាយច្បាស់លាស់ ឬការចុះហត្ថលេខាលើកិច្ចព្រមព្រៀងណាមួយ ទាក់ទងនឹងរ៉ែកម្ររបស់អ៊ុយក្រែន។
ក្រោយជម្លោះបែកផ្សែង លោក ត្រាំ នៅទីបំផុតបានប្រកាសផ្អាកជំនួយទាំងអស់ទៅកាន់អ៊ុយក្រែន។ រដ្ឋបាលលោក ត្រាំ បានសង្កត់ធ្ងន់ថា ការផ្អាកនេះនឹងបន្តរហូតដល់លោក ហ្សេលេនស្គី បង្ហាញពីការប្តេជ្ញាចិត្តក្នុងការបន្តការចរចាសន្តិភាពជាមួយរុស្ស៊ី។
ការប្រកាសនេះ បានបង្កើនការព្រួយបារម្ភក្នុងចំណោមសម្ព័ន្ធមិត្តអឺរ៉ុប អំពីការផ្លាស់ប្តូរដ៏ខ្លាំងនៅក្នុងគោលនយោបាយការបរទេសរបស់អាមេរិក និងផលប៉ះពាល់លើសក្ដានុពលសន្តិសុខក្នុងតំបន់៕
ដោយ៖ ឈាង
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៤ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ