មន្រ្តីជាន់ខ្ពស់សេតវិមានដើរចេញពីលោក Trump ជាបណ្តើរៗហើយដើម្បីការពារខ្លួន

ប្រភពដែលជិតស្និទ្ធនឹងសេតវិមានបាននិយាយថា មន្រ្តីជាន់ខ្ពស់មួយចំនួននៅខាងក្នុងសេតវិមាននិងយុទ្ធនាការកំពុងចាប់ផ្តើមដើរចេញពីលោក Trump ជាបណ្តើរៗហើយក្នុងសកម្មភាពការពារខ្លួនព្រោះលទ្ធផលនៅរដ្ឋ Pennsylvania និង Georgia បង្ហាញថា ប្រធានាធិបតីរូបនេះនឹងមិនអាចឈ្នះការបោះឆ្នោតម្តងទៀតបានទេ។

ទីប្រឹក្សាសំខាន់ម្នាក់របស់រដ្ឋបាលនេះបាននិយាយថា “ការប្រកួតប្រជែងចប់ហើយ”។ ទីប្រឹក្សារូបនេះបន្តថា មានការព្រួយបារម្ភអំពីអ្វីដែលលោក Trump នឹងធ្វើស្របពេលដែលគាត់នឹងមិនទទួលស្គាល់ការពិតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីប្រឹក្សារូបនេះបាននិយាយនៅពេលសួរថាតើលោក Trump អាចធ្វើអ្វីបន្ទាប់ដោយសារភាពថាមានមន្រ្តីជាច្រើននៅក្នុងយុទ្ធនាការនិងសេតវិមានដែលកំពុងគ្រវីក្បាលរបស់ពួកគេបន្ទាប់ពីការនិយាយមិនពិតរបស់លោក Trump នៅល្ងាចថ្ងៃព្រហស្បតិ៍នៅក្នុងបន្ទប់ប្រជុំសេតវិមាន។

ទីប្រឹក្សាបន្ថែមថា អ្នកខ្លះនៅក្នុងយុទ្ធនាការនេះបានចោទជាសំណួរអំពីការសម្រេចចិត្តរបស់ក្រុមលោក Trump ក្នុងការជំរុញឲ្យមន្ត្រីនានាដូចជាលោក Rudy Giuliani និងកូនប្រុសរបស់លោក Trump ឲ្យធ្វើការចោទប្រកាន់ដែលមិនមានមូលដ្ឋានអំពីការបន្លំអ្នកបោះឆ្នោត។ ទីប្រឹក្សារូបនេះនិយាយថា លោក Trump មានសិទ្ធិក្នុងការជំទាស់នឹងលទ្ធផលឆ្នោតប៉ុន្តែលោកកំពុងធ្វើតាមរបៀបខុស។

ទីប្រឹក្សាម្នាក់ទៀតនៃយុទ្ធនាការនេះបានហៅលោក Trump ថាជាមនុស្សកាន់តែឯកោដោយសារតែការអះអាងរបស់លោកអំពីការលួចបន្លំសន្លឹកឆ្នោត។ ទីប្រឹក្សានិយាយថា “គាត់សឹងតែនៅតែម្នាក់ឯងទៅហើយនៅទីនេះ”៕

ប្រែសម្រួលដោយ៖ Vann Vann

ប្រភព៖ CNN